Marəke 9:50 - Mbede Lə Luba Kone Gə Sigi

⁵⁰ Kadə to ne gə may ja; ngaa to gə kadə ləl ang le se d-a ɗa ban ɓa kar a təl ləl wa? Ar-je ta-si ləl to gə kadə be, ngaɓa ar-je ɗɛgɛgɛ to horo-si gə gə yo gə nee.

Testament ke Siki 1960 (Kabba Laka)

⁵⁰ Katé to madji, a tokou katé nèl ang a da karè ntél nèl to di wa? Isidjé ke katé mèsè té, isidjé ke mè woul horosè té tò.

Marəke 9:50 ပူးပေါင်းရင်းမြစ်များ

Matiye 5:13

Sisəy ja ꞌtoje kadə gə dɔ nangə nee. Ngaa to gə ɓo kadə do̰o̰ ang le, se d-a ɗa ban ɓa kar-ɛ təl do̰o̰ wa? May kum kɔrɔ kar dəwje ꞌtuba gə gɔl-je.

Marəke 9:34

Ngaa d-isi ta-je munduru, mba logə d-aw ɗəw boo le, ꞌma̰y naa tar gə mba gərə se na ɓa to dəw gə bo horo-je gə wa?

Marəke 9:49

Mba na-na kara d-a nunga kadə.

Romaindjé 12:18

To gə ɓo ɗəw to, gə to ne gə kəm kar-si ꞌɗaje nama, ar-je ɗɛgɛgɛ to horo-si gə gə dəwje tɔ̰y.

2 Corinthiendjé 13:11

Be ɓa, ngan ko̰-mje, ɗudu tar ɗaa, ꞌɗaje rɔləl, awje gə dɔ-si gə may pɛdə, gə ꞌkulje mə naa, ar-je kəji lə-si to kara baa, awje dan ɗɛgɛgɛ gə, ngaɓa Luba gə nje gəl njigi gə nje gəl ɗɛgɛgɛ a nay gə si.

Galatedjé 5:22

Ngaa kandə Njil le ɓa nee: Njigi, rɔləl, ɗɛgɛgɛ, kore ur, məmay, ɗa may, takagə,

Ephésiendjé 4:29

May kar tar gə ha̰rə̰w ce ta-si gə ang, ngaa to gə ɓo ɗəw to nama, ꞌpaje Tar gə May gə a kula jingaw mə naa gə nəm, ngaɓa dəwje d-o nama d-inga mənuji kəne tɔ.

Philippiendjé 1:27

Ne kara baa le ɗaa, ar-je pa nja-si uwa buwa Tar gə May lə Kirisi, gə mba kar le m-aw m-o-si ose m-godo kara kar m-o tar-ɛ to gə ar-je njang mə kəji gə kara baa, umje mə-si naa gə kara, ꞌɗɔje mba takagə gə ɔji dɔ Tar gə May,

Colossiendjé 3:12

Be ɓa Luba ja njigi-si, mbərə-si ngaɓa togo-si le ɗaa, may kar ko kəmtondoo gə tɔgərɔ, gə məmay, kula dɔ ngulum, gə kaw yururu gə kila mə dɔ mar-ɛ gə ɓa ar-je uwa mə-si.

Colossiendjé 4:6

Ar-je tar gə ta-si ləl gə ləl dɔro, ilaje kadə dɔ tar gə lə-si, mba kar ꞌgərəje ne ɗəw kila ne dəw tar gə.

1 Thessaloniciendjé 5:13

May kar uwaje gə je nuji gə al dɔ mar-ɛ ngaɓa ꞌnjigije-je mba kula lə-je nee le. Ar-je ɗɛgɛgɛ to horo-si gə.

2 Timoce 2:22

Ar ɓo neɗa gə kṵra̰y gə dɔ basa̰ gə o̰ dɔ-i ang, ɗaa sangə go neɗa gə gadə-gadə, gə takagə, gə njigi, ngaɓa ar mə-i to ɗɛgɛgɛ gə dəwje tɔ̰y gə d-aw no ꞌɓar ne Mbayɓe gə mə gə arə ngadə.

Ebərəje 12:14

May kar-si ꞌsangəje go ɗɛgɛgɛ mba kar to horo-si gə gə dəwje tɔ̰y ngaɓa sangə rɔ godo nama dəw a ko kəm Mbayɓe ang.

Jacques 1:20

Mba wungu lə dəw asə ɗa neɗa gə gadə-gadə lə Luba ang.

1 Piyɛr 3:8

Ɗudu tar gə m-a pa ɓa nee: Ar-je kəji lə-si um go naa gə, umje mə-si naa gə, ꞌnjigije naa gə ngan ko̰ naaje ja, ꞌɗaje məmay gə naa, ulaje dɔ-si ngulum.