Marəke 9:20 - Mbede Lə Luba Kone Gə Sigi

²⁰ Logə ngon le unda kəm-e ta̰y o Jeju ja ɗaa, njil le uwa-a gə singa; n-ce n-oso ngaɓa n-nduburu nangə, hug-hug t-ɛ uwa-a baa ndor-ndor.

Testament ke Siki 1960 (Kabba Laka)

²⁰ Dèdè ndé sa dare Jésus, tokou ndii wo Jésus loshénè loshénè ba yè ngon ngeng, nè noso ndoubou nange, poumtè téh tè té.

Marəke 9:20 ပူးပေါင်းရင်းမြစ်များ

Marəke 1:26

Njil gə kṵra̰y le sore dəw le ar-ɛ isa pig-pig, ngaɓa ɔsə lo ce gə ꞌkuwi t-ɛ gə ɓolong.

Marəke 9:18

Lo gə njil le uwa-a kəne ja nama, un-e ila-a nangə, ar hug-hug t-ɛ uwa-a ndor-ndor, ngaɓa n-usa ngang-ɛ mɔr-mɔr nəm ɗaa, n-təl tudu kurum. M-oso kul no ngan njenendoje gə lə-i kar ꞌtɔbə njil gə kṵra̰y le, ngaa d-asə ang.

Marəke 9:19

Jeju ila-je kəne na: ꞌToje dəwje gə nje məkədərəje, m-a ga̰ gə si saar ndɔ ɗa gə ja ɓi wa? M-a kore uru-m dɔ si gə saar ndɔ gə ɗa gə wa? ꞌƊe-je gə ngon le ar-mje. Ɗaa ꞌɗe sə-a d-ar-ɛ tɔ.

Marəke 9:21

Jeju dəji bɔ-ɛje na: Un kud-e ndɔ gə ɗa gə wa? N-ila kəne na: Gə kas-ɛ baa ja;

Marəke 9:26

Be ɓa n-ce gə ꞌkuwi ngaɓa n-uwa ngon le gə singa ɗaa, ngon le to rəgədə to gə dəw gə uy be, ar dəwje bula ja ꞌpa na n-uy ngaa.

Lugu 4:35

Jeju ḭ sə-a gə tar na: Udu ta-i ɓo ꞌce mə dəw gə nee le. Njil gə kṵra̰y uwa dəw le ila-a nangə, ngaɓa ɔsə lo ce ɗaa ɗa sə-a ne kara ang.

Lugu 8:29

Jeju un ndu ar njil gə kṵra̰y mba kar-ɛ ce mə jingaw gə nee le, njil nee le ɗa ɓe m-e gə ula-a ngəw ləw baa. Ɗaa ꞌtɔ-ɛ ɓa ngom-e ɓi, ꞌtɔ ji-a gə gɔl-ɛ gə kula lar, ngaa n-ti kula lar gə ꞌtɔ-ɛ ne le mbidi-mbidi, ngaɓa njil ɔs-e aw sə-a ndag lo gə.

Lugu 9:39

Njil le uwa-a nama ar-ɛ n-uru ꞌkuwi, ngaɓa n-isa baa mir-mir, hug-hug t-ɛ uwa t-ɛ ndor-ndor. Njil le ula kəm-e ndoo ya̰ ɓa ḭya̰-a ɓi.

Lugu 9:42

Logə ngon le unda dɔ Jeju dəb ɗaa, njil le uwa-a gə singa ila-a nangə, ngaɓa mbir-e ar-ɛ n-to rəgədə to gə dəw gə uy be. Ngaa Jeju ndangə njil gə kṵra̰y le ɗaa, aji ngon le, ngaɓa təl ula-a ji bɔ-ɛje gə.

Jean 8:44

Sisəy ꞌtoje gə nje kar bɔ-sijee ꞌSɛ̰ngərɛ̰, ɗaa ꞌnjigije mba ɗaje ne gə uwa mə bɔ-sijee. ꞌNe le, n-to nje tɔl dəwje kede ləw baa lo kuma kudu neje gə nu; ꞌne n-pa tar gə tɔgərɔ ang, mba tar gə tɔgərɔ godo ɓə lə-a. Logə n-pa tar gə ɗəgərə ɗaa, n-pa tar ɔji dɔ ne gə to k-ɛ ꞌne ja, mba n-to nje ɗəgərə ngaɓa n-to bɔ tar gə ɗəgərəje tɔ.

1 Piyɛr 5:8

Undaje kəm karə dɔ rɔ-si gə, ꞌcibije dɔ rɔ-si gə ang, njeba̰a̰ lə-si, ꞌSɛ̰ngərɛ̰ uwa mii hər-hər gugu ne si kɔrɔrɔ-kɔrɔrɔ to to gə ꞌnam be, sangə ne dəw gə a kore kuwa-a;