Marəke 8:38 - Mbede Lə Luba Kone Gə Sigi

³⁸ Be ɓa, dəw gə ɗa rɔ kul mba-m ngaɓa gə mba tarje lə-m horo dəwje gə ɓogəne gə ꞌto nje ɓogo lo toje gə njeneɗaje gə kṵra̰y nee le, ꞌma gə Ngon lə dəw kara logə m-a ɗe dan rɔnduba gə lə Bɔ-mje naa gə kara gə anjije gə njerɔsangəje nama, m-a ɗa rɔ kul mba tar lə-a tɔ.

Testament ke Siki 1960 (Kabba Laka)

³⁸ Mbata doou ke da ròkoul mbata lom ke tar lom horo dooudjé té ke ndjè kaiya ke ndjè né da ke madjang loshénè nèn, Ngon lo doou a da ròkoul mbata la to, ndò té ke nè na dé ke ndokoo lo bèdjè ke angedjé ke madji toï.

Marəke 8:38 ပူးပေါင်းရင်းမြစ်များ

Matiye 12:39

N-ila-je kəne na: Gəl kuji gə kṵra̰y gə nje ɓogo lo to mba turu gir-e kar Luba, dəji netɔji, nama d-a kar-ɛ netɔji gə ɗangə kara unda dɔ kar pajambərə gə lə Luba, gə ri-a na Jonas ang.

Matiye 13:41

ꞌMa gə Ngon lə dəw m-a kula anjije lə-m kar ꞌtɔr nje gə to jigi tuga gɔl marəje-je gə nje ɗa ne dɔ buguruje mə ɓeko̰ gə lə-m

Matiye 16:27

Mba ꞌMa gə Ngon lə dəw m-a ɗe dan rɔnduba gə lə Bɔ-mje gə anjije lə-a, ɗaa m-a kuga dɔ ji dəwje kara kara tɔ̰y gə go kula ɗa-je.

Matiye 16:28

Tɔgərɔ, m-pa m-ar-si, nje gə kɛm gə d-ar horo-si gə nee d-a kuy ang saar d-a ko-m ꞌma gə Ngon lə dəw gə m-a ɗe gə Mbay gə boy gə kəm-je.

Matiye 16:4

Gəl kuji gə kṵra̰y gə nje ɓogo lo to mba turu gir-e kar Luba, dəji netɔji nama, d-a kar-ɛ netɔji gə ɗangə kara unda dɔ kar Jonas gə ang. Ngaɓa Jeju iya̰-je ɔdə aw.

Matiye 24:30

Be ɓa, dəwje d-a ko ne gə a tɔji ɗe lə ꞌma gə Ngon lə dəw ɗang-ɗang mə dara gə, gəl kujije tɔ̰y gə dɔ nangə nee d-a kunda kar-je no ne, ngaɓa d-a ko Ngon lə dəw a kar dɔ kil gə lə nji gə dara mba ɗe gə singamongə ngaɓa gə ndogo lə-a gə boy.

Matiye 25:31

Ndɔ gə ꞌma gə Ngon lə dəw, m-a ɗe gə riɓar gə anjije tɔ̰y naa gə le, m-a kisi dɔ ngəndəng riɓar gə lə-m.

Matiye 26:64

Jeju ila-a kəne na: Ce ta-i ꞌi gə ja, ngaɓa m-pa m-ar-si, a kun kud-e ɓisine ja, a ko-mje ꞌMa gə ngon lə dəw, M-a kisi dɔ ji kɔl Luba gə njesingamongə gə ngaɓa m-a kar dɔ kil lə nji mə dara gə.

Matiye 8:20

Jeju pa ar-ɛ na: Njaje gə ꞌto daje baa kara buja lə-je ga̰, ngaɓa əlje gə d-aw dara əng kara kinga lə-je ga̰, ngaa ꞌma gə Ngon lə dəw ja baa ɓa lo kula dɔ-m godo.

Marəke 13:26

Be ɓa, d-a ko-m ꞌma gə Ngon lə dəw gə m-a ɗe mə kil gə lə nji gə singamongə gə boy ngaɓa dan rɔnduba gə.

Marəke 14:62

Jeju ila kəne na: To ꞌma ja. Ɗaa a ko-mje ꞌma gə Ngon lə dəw gə m-isi dɔ ji kɔl Njesingamongə gə, m-a ɗe dan kil lə nji gə dara.

Marəke 8:37

Ɗi ja ɓa dəw a kuwa mbəl ne təbə lə-a wa?

Lugu 19:26

M-pa m-ar-si: Dəw gə ne ga̰ ji-a gə ɓa d-a kar-ɛ mar-ɛ kəne, ngaa dəw gə ne godo ji-a gə le, ye gə ga̰ ji-a gə njɛ̰ ja kara, d-a ta ɗɔdə.

Lugu 9:26

Mba, dəw gə ɗa rɔ kul mba ꞌma, ngaɓa gə mba tar lə-m nama, logə ꞌMa gə Ngon lə dəw m-a ɗe dan rɔnduba gə lə-m, gə dan rɔnduba gə lə Bɔ dəwje gə ngaɓa gə anjije gə njerɔsangəje ɗaa, m-a kila rɔ kul dɔ-ɛ gə.

Jean 1:14

Tar le təl rɔ-ɛ gə dəw, cibi ɓa isi horo-si gə mənuji gə tar gə tɔgərɔ ɗusu m-e tub-tub, ngaɓa sijee j-o rɔnduba lə-a, to to gə rɔnduba kar Ngon kara gə inga rɔ Bɔ-ɛje gə.

Jean 1:51

Tar gə tɔgərɔ ja m-pa m-ar-si, a koje ta dara a cɛ̰, ngaɓa anjije lə Luba d-a kal kaw taar gə ɗisi kuru nangə dɔ Ngon lə dəw gə.

Jean 12:34

Bula dəwje d-ila-a kəne na: Torondu tɔji sijee ar j-a gərə to gə Kirisi le isi kəm baa saar gə no. Ngaa ɗa na ban cibi ɓa ꞌI pa na: May kar d-un Ngon lə dəw le d-unda-a taar cibi wa? Ngon lə dəw nee le, to na wa?

Jean 5:27

Ngaɓa n-ar-ɛ singamongə mba kar n-gangə ne tar, mba n-to Ngon lə dəw.

Koula 10:22

D-ila-a kəne na: Kɔrənəy njekɔr no njeɗɔje gə tɔl, gə to dəw gə gadə gə ɓəəl Luba ngaɓa gəl kuji Jiibije tɔ̰y kara ꞌtura-a gə dəw gə gadə-gadə. Ɗaa anji gə njerɔsangə ɗe pa ar-ɛ na kar n-ɓar-i n-ar-i aw kəy lə-a aw pa tar neje nee le ar-ɛ n-o.

Koula 5:41

Njeka̰ykulaje nee le d-ɔdə no ngɔ gangə tar gə lə Jiibije nee le gə rɔləl mba ko gə Luba oje to gə d-asə kar ꞌɗa-je məyɛr mba ri Mbayɓe.

Romaindjé 1:16

Mba m-ɗa rɔ kul ɔji dɔ Tar gə May ang, mba to singamongə lə Luba mba kar dəw gə ɗa-ɗa gə takagə nama aji ne, Jiibi ja dɔngɔr, ngaɓa dəw gə to Jiibi ang tɔ.

Galatedjé 6:14

Ye gə ɔji dɔ-m ꞌma le ɗaa, to gə be ang! Kuy lə Mbayɓe Jeju Kirisi kagə dəsə gə ja kara baa ɓa m-a kɔsə ne gaji rɔ-m. Ɗəw kuy gə lə-a nee le ɓa, m-o ne neje tɔ̰y gə dɔ nangə nee gə mal-ɛje to neje gə d-uy ta kəm-m gə, ngaɓa ꞌma kara m-to to gə dəw gə uy be kəm neje gə dɔ nangə nee gə malje tɔ.

1 Thessaloniciendjé 2:19

Ɗi ja ɓa to ne kunda mə lə-sijee wa? Sisəy ja ꞌtoje rɔləl lə-sijee, gə jɔgə ne riɓar lə-sijee gə dɔ ndɔ təl gə lə Mbayɓe lə-si Jeju.

1 Thessaloniciendjé 3:13

may kar n-ula jingaw mə-si gə mba kar tar uwa dɔ-si ɔji dɔ sangə rɔ lə-si no gɔl Luba gə ang, dɔ ndɔ gə Mbayɓe lə-si Jeju a ɗe nee gə njerɔsangəje tɔ̰y. Oyo.

2 Timoce 1:12

Ngaɓa gəl-e gə nee ja tɔ ɓa m-o ne ꞌməsərə ngaa rɔ kul uwa-m ang, mba m-ta kagə Kirisi Jeju. Ngaɓa m-gərə gə maj-ɛ to gə n-asə ngom ne gə n-um ji-m gə le saar ndɔ gə n-a təl ne.

2 Timoce 1:16

May kar Luba ɓugu məmay lə-a dɔ njeməkəyje gə lə Onejipɔr, mba taar-taar ja n-aw n-ula jingaw mə-m gə ngaɓa n-ɗa rɔ kul mba-m ɔji kula lar gə ꞌtɔ-m ne ang;

2 Timoce 1:8

Əw rɔ-i ɗa rɔ kul dɔ pa tar naji gə lə Mbayɓe lə-si nəm, ɓa dɔ-m ꞌma gə d-uwa-m d-ila-m kəy kula gə mba tar lə-a nəm tɔ. Ngaa o sə-m məsərə mba Tar gə May gə go singamongə lə Luba.

Ebərəje 11:16

Ngaa ɓisine ɗaa mə-je to dɔ ɓe gə may gə, gə to ɓe gə dara. Gəl-e gə nee ɓa ꞌɓar Luba gə Luba lə-je nama, o gə ne rɔ kul ang; n-gɔl ɓe mba je.

Ebərəje 11:26

Moyiji o rɔ kul gə d-a kila dɔ Kirisi gə le to nekinga gə to ɓəəl unda nekingaje gə Ejipətə, mba n-unda m-e dɔ kuga gə lə Luba.

Ebərəje 13:13

Be ɓa ar-si j-a ceje j-aw j-inga-aje gir ɓe gə ɗaga, j-ar d-ila rɔ kul dɔ-si gə to to gə ꞌne be tɔ.

Jacques 4:4

Sisəy nje ɓogo lo toje, to gə ɓo neje gə dɔ nangə nee ɓa uwa mə-si nama, ꞌnjigije Luba ang gə dɔbo̰ le se, ꞌgərəje ang wa? Dəw gə njigi mba kuwa kura gə dɔ nangə nee nama to njeba̰a̰ lə Luba.

1 Jean 2:23

Dəw gə ɗa-ɗa ɓa mbadə Ngon nama mbadə Bɔ dəwje, dəw gə gərə Ngon nama gərə Bɔ dəwje tɔ.

1 Jean 2:28

Ɗaa nganje, ɓisine ɗaa, umje naa gə sə-a, mba kar dɔ ndɔ gə n-a tɔji rɔ-ɛ gə ɗaga ɗaa j-a ɓəəl ang, ngaɓa rɔ kul a kuwa-si ndɔ təl gə lə-a ang.

Apocalypse 14:10

ne kara n-a kay kodo wungu lə Luba gə d-a kay mə ngo nekay wungu lə-a gə lal kal bodo. Ɗaa n-a ko ꞌməsərə dan pər gə ngaɓa dan sori gə ta kəm anjije gə njerɔsangəje gə gə ta kəm ngon badəm gə.