Marəke 8:34 - Mbede Lə Luba Kone Gə Sigi

³⁴ Cibi, n-ɓar bula dəwje gə ngan njenendoje lə-a ɗaa n-pa n-ar-je na: To gə dəw gə njigi kuwa go-m nama, to may kar mbadə darɔ-ɛ, odo kagə dəsə lə-a, ɗaa uwa ne go-m.

Testament ke Siki 1960 (Kabba Laka)

³⁴ Nè mmar dooudjé tokou baya baya ke ndjè kao gè tédjé ta dé rè té, nè mpa naredè, Tokou mare doou ndiki ta dé gom té ase kare nè mbeté rè ndja, ke nase koto kake yo la baa ta kao gom té.

Marəke 8:34 ပူးပေါင်းရင်းမြစ်များ

Matiye 10:38

dəw gə un kagə dəsə lə-a ɓa uwa ne go-m ang nama asə to nje kar ꞌma ang tɔ.

Matiye 16:24

Be ɓa Jeju təl pa ar ngan njenendoje lə-a na: To gə ɓo dəw gə njigi kuwa go-m nama, to may kar mbadə darɔ-ɛ, odo kagə dəsə lə-a, ɗaa uwa ne go-m.

Matiye 27:32

Logə d-aw ꞌce mə ɓebo gə gə ɗaga ɗaa, d-inga dəw kara gə ɓe lə-a Sirɛn, ri-a na Simo, ɗaa d-uwa gə singa d-ar-ɛ odo kagə dəsə lə Jeju.

Marəke 10:21

Jeju o-e be ɗaa rɔ-ɛ ləl-e dɔ-ɛ gə; cibi təl pa ar-ɛ na: Nay ne kara; aw odo neje lə-i tɔ̰y ꞌɗabə n-ndogo ɓo ḭya̰ lar-ɛ aw ar njendooje, ɗaa a kinga nebaw mə dara gə, ɓo ꞌɗe uwa go-m.

Marəke 7:14

Jeju təl ɓar bula dəwje ɗaa pa ar-je na: ꞌTugaje mbi-si tɔ̰y ɓo oje gə maj-ɛ.

Lugu 13:24

Uwaje rɔ-si kɔgərɔ andəje gə ta ɗəw kəy gə njondəro̰. M-pa m-ar-si, dəwje bula d-a sangə ɗəw mba kandə, ngaa d-a kasə ang.

Lugu 14:33

Be ɓa, Jeju təl pa na: Dəw gə ɗa-ɗa ɓa horo-sisəy gə nee ɓo ḭya̰ go nekingaje lə-a ang nama, a to ngon njenendo lə-m ang baa.

Lugu 18:22

Go tar lə-a gə Jeju o ɗaa, təl pa ar-ɛ na: Ne kara nay ɓi; aw odo neje lə-i tɔ̰y ꞌɗabə n-ndogo ɓo ḭya̰ lar-ɛ aw ꞌkay njendooje, ɗaa a kinga nebaw mə dara gə, ɓo ꞌɗe uwa go-m.

Lugu 20:45

Jeju pa ar ngan njenendoje kəm bula dəwje gə d-ar d-o tar le na:

Lugu 9:23

Cibi, n-pa n-ar-je tɔ̰y ja na: To gə dəw gə njigi kuwa go-m nama, to may kar mbadə darɔ-ɛ, odo kagə dəsə lə-a gə ndɔ-ndɔ, ɗaa uwa ne go-m.

Jean 10:27

Badəmje lə-m d-o ndu-m, ꞌma le, m-gərə-je, ɗaa ꞌjejee ꞌndole go-m tɔ.

Jean 19:17

ꞌNe ja gə rɔ-ɛ n-odo kagə dəsə n-ce n-aw ne gə lo gə ꞌɓar-ɛ Ka dɔ, gə tar ebərə na Gɔləgota.

Koula 14:22

d-ula jingaw mə ngan njenendoje gə ngaɓa ꞌdəji-je mba kar d-uwa takagə lə-je gədərə tɔ. Cibi ꞌtəl ꞌpa d-ar-je to gə ɗəw ko ꞌməsərə ya̰ ɓa dəw a kandə ne mə ɓeko̰ gə lə Luba.

Romaindjé 6:6

j-a gərə-je to gə pa nja lə-si gə ləw le ꞌɓər-e sə-a kagə dəsə gə, mba kar darɔ gə neɗa gə kṵra̰y kəne nee le tuji ne ngaɓa mba kar j-a to ne ɓərəje lə neɗa gə kṵra̰y ang ngaa;

Romaindjé 8:17

Be ɓa, to gə ɓo j-a to ngan-ɛ nama j-a to nje kuwa nendubaje tɔ, nje kuwa nendubaje lə Luba, ngaɓa nje baa kuwa nendubaje gə Kirisi, mba to gə ɓo tɔgərɔ ja j-o sə-a ꞌməsərə naa gə nama, d-a kula rɔnduba dɔ-si gə sə-a naa gə.

1 Corinthiendjé 15:31

Ngan ko̰-mje, gə ndɔ-ndɔ ja m-o yo gə kəm nda̰-nda̰, m-pa tɔgərɔ ja, mba ꞌtoje ne rɔləl lə-m ɗəw gə lə Jeju Kirisi, Mbayɓe lə-sijee.

1 Corinthiendjé 8:13

Gəl-e gə nee ɓa, to gə ɓo nekusa a təl to jigi tuga gɔl ngon ko̰-m nama, m-a kusa da ang gə dɔbo̰ ja, mba kar m-ɗa ne ngon ko̰-m m-ar-ɛ oso ang.

1 Corinthiendjé 9:19

Mba dəw kara kara o̰ dɔ-m ang ngaa m-ɗa rɔ-m gə ɓərə lə dəwje tɔ̰y, ɓa gə mba kinga ne nje gə kɔr-je bula al dɔ lo.

Galatedjé 2:20

m-aw kəm ja baa ngaa to ꞌma ɓa m-aw kəm baa ang, ɗaa Kirisi ɓa isi kəm baa mə-m gə. Kaw kəm baa lə-m ɗəw darɔ gə ɓogəne le m-aw kəm baa ɗəw takagə ngon lə Luba gə njigi-m ngaɓa ila rɔ-ɛ kɔrɔ mba-m.

Galatedjé 5:24

Ɗaa nje kar Kirisi Jeju-je le ɓərə darɔ gə ɓo neje gə uwa-je ɓərə gə kagə dəsə gə.

Galatedjé 6:14

Ye gə ɔji dɔ-m ꞌma le ɗaa, to gə be ang! Kuy lə Mbayɓe Jeju Kirisi kagə dəsə gə ja kara baa ɓa m-a kɔsə ne gaji rɔ-m. Ɗəw kuy gə lə-a nee le ɓa, m-o ne neje tɔ̰y gə dɔ nangə nee gə mal-ɛje to neje gə d-uy ta kəm-m gə, ngaɓa ꞌma kara m-to to gə dəw gə uy be kəm neje gə dɔ nangə nee gə malje tɔ.

Philippiendjé 3:10

M-njigi gər-e, ꞌne gə singamongə ce buwa yo gə lə-a ngaɓa ɗa ne sə-a mə kara dɔ ko ꞌməsərəje gə lə-a, ɓa gə mba təl ta ne sə-a naa ɗəw kuy gə lə-a,

Philippiendjé 3:7

Ngaa neje nee gə to gə may lə-m le, m-o gə ne gə baa mba Kirisi.

Colossiendjé 1:24

Ɓisine ɗaa m-ɗa rɔləl dan ꞌməsərə gə m-o ɔji dɔ-si ngaɓa ɗəw darɔ-m gə ɗaa m-tɔl ta kɛsə ꞌməsərə gə Kirisi o ɔji dɔ darɔ-ɛ gə to Mbo̰ naa lə njetakagəje.

Colossiendjé 3:5

Ar-je ɓo neje gə nangə nee uy mə-si gə: ɗa kaya, wə̰rə̰ kaya, ɓo neje gə uwa darɔ ɓərə, ɓo neje gə kṵra̰y ngaɓa ɓo lar gə to polo magəje.

2 Thessaloniciendjé 3:11

Mba j-o tar lə dəwje gə naaje d-aw nja horo-si gə to gə njedabəje ngaɓa d-al d-uru ne gə lə mar-jeje ɓo ꞌɗa ne ɔji dɔ-je kara ang

Tite 2:12

Mənuji lə Luba le tɔji-si ɗəw kila kuji dɔ ne gə lə Luba ngaɓa mba kar ɓo neje gə dɔ nangə nee tɔ-si ang, be ɓa kar-si j-a njaje ne gə kəm karə gə neɗa gə gadə-gadə dɔ ndɔje gə ɓogəne, gə kila ne kɔji dɔ ne gə lə Luba nəm tɔ,

Ebərəje 13:13

Be ɓa ar-si j-a ceje j-aw j-inga-aje gir ɓe gə ɗaga, j-ar d-ila rɔ kul dɔ-si gə to to gə ꞌne be tɔ.

1 Piyɛr 4:1

Be ɓa, mba Kirisi o ꞌməsərə ɗəw darɔ gə, ɗaa sisəy kara a gɔlje kəji lə-si mba ko ꞌməsərə to gə ꞌne be tɔ; mba dəw gə o ꞌməsərə darɔ-ɛ gə le, cḭ gə neɗa gə kṵra̰y,

1 Piyɛr 4:13

Ngaa ꞌɗaje rɔləl mba oje ꞌməsərə gə Kirisi naa gə, mba kar ndɔ gə n-kila ne rɔnduba lə-a gə ɗaga nama ingaje ne rɔləl gə boy.

2 Piyɛr 1:14

mba to gə Mbayɓe lə-si Jeju Kirisi pa ne kede ar-m le, m-gərə to gə ndɔ gə darɔ-m a kunda nangə nay ba̰y ang baa.

1 Jean 3:16

Ne gə sijee j-a gərə ne njigi lə ɓa nee: ꞌne le, n-un təbə lə-a n-uga nee dɔ-si. Be ɓa, sijee kara, j-un təbə mba ngan ko̰-sijee.

Apocalypse 2:10

ꞌƁəəl mba ꞌməsərə gə a ko ang. O, ꞌSɛ̰ngərɛ̰ a kum nje gə kɛm horo-si gə kəy kula gə, mba na ne mə-si ko, ɗaa nenaje d-a na mə-si kəm ndɔ dɔg. Uwa ar-ɛ ngəng saar uy ne, ɗaa m-a kar-i jɔgə təbə.