Marəke 8:17 - Mbede Lə Luba Kone Gə Sigi

¹⁷ Jeju gərə tar kəji lə-je ɗaa pa ar-je na: Mba ɗi ɓa ꞌwɛdə-je tar horo naa gə mba mbə gə godo ji-si gə le wa? Oje tar ɗaa unja-si ang ja dɔro ɓi wa? Ose ꞌgərəje m-e ang ja dɔro ɓi wa? Mə-si kədərə wa?

Testament ke Siki 1960 (Kabba Laka)

¹⁷ Gè té Jésus geré, nè mpa naredè, Mbata di a esangidjé mèsè mbä mourou ke goto wa? Woidjé tar gatang bai wa? Mèsè to ngeng wa?

Marəke 8:17 ပူးပေါင်းရင်းမြစ်များ

Matiye 12:15

Ngaa Jeju o tar-ɛ ɗaa ɔdə lo-e gə gə ɗangə. Dəwje bula ꞌndole go-e ɗaa n-aji-je tɔ̰y;

Matiye 15:17

ꞌGərəje ang wa? Ne gə andə mə kil dəw gə le, aw kəy sḭbo-e gə ngaɓa aw ne dɔ lo gə aw ila kɔrɔ.

Matiye 16:7

Ngan njenendoje ꞌwɛdə tar horo naa gə na: N-pa tar gə nee mba mbə gə j-odo ang.

Marəke 16:14

Ɗud-e ɗaa, n-tɔji rɔ-ɛ n-ar nje gə dɔg gə gir-je gə kara gə d-isi ta ka nekusa gə, ngaɓa n-ḭ gə je mba məndəər lə-je gə məkədərə lə-je, mba mbadə gə ꞌmbadə ta kagə nje gə d-o-e to gə n-ce buwa yo gə ɗɔdə.

Marəke 2:8

Jeju gərə mə kəji lə-je ɗəw njil-e gə tɔg-ɛ baa ɗaa, pa ar-je na: Mba ɗi ja ɓa sisəy awje gə kəji tar gə be mə-si gə wa?

Marəke 3:5

Be ɓa n-a-je lɛdɛdɛ gə wungu, ngaɓa m-e ləl-e ang mba məkədərə lə-je, ɗaa n-pa n-ar dəw le na: ꞌNduji ji-i. N-nduji ji-a, ɗaa ji-a le təl to gə maj-ɛ.

Marəke 6:52

mba nemisi gə ɔji dɔ mbə le d-o pi baa mba mə-je kədərə.

Marəke 8:16

Ngan njenendoje ꞌwɛdə tar horo naa gə mba mbə gə godo ji-je gə.

Lugu 24:25

Ɗaa, Jeju pa ar-je na: Ɓəy! Sisəy ɛbɛ dəwje gə ꞌtoje gə dəwje gə mə-si kədərə, gə lo takagə neje tɔ̰y gə pajambərəje lə Luba ꞌpa le o̰ gə si ya̰!

Jean 16:30

ɓisine ɗaa ja gərə to gə ꞌI le, ꞌgərə neje tɔ̰y ɗaa aw ndoo mba kar dəw kara dəji tar ang. Be ɓa, ja ta kag-i to gə ḭ rɔ Luba gə.

Jean 21:17

N-pa n-ar-ɛ gə njekum gə gɔl munda na: Simo, ngon lə Ja̰, ꞌNjigi-m wa? Kəm Piyɛr ɗa ndoo mba pa gə Jeju pa ar-ɛ gə njekum gə gɔl munda na: ꞌNjigi-m wa? Ɗaa n-pa n-ar-ɛ na: Mbayɓe! ꞌI le, ꞌgərə ne tɔ̰y! ꞌI le, ꞌgərə som to gə, ꞌma le, m-njigi-i ja! Jeju pa ar-ɛ na: Uul badəmje lə-m.

Apocalypse 2:23

Ngan-ɛ le, m-a kar-je d-uy, ɗaa mbo̰ naa lə njetakagəje tɔ̰y d-a gərə to gə ꞌma m-to gə dəw gə nje gərə mə dəwje gə dɔ ɓəngərə-je, ɗa m-a kuga dɔ ji si, na-na nama ɔji dɔ kula ɗ-ɛje.