Marəke 7:34 - Mbede Lə Luba Kone Gə Sigi

³⁴ cibi n-un kəm-e gə dara, n-ila kəm po̰ ɗaa, n-pa na: Epata, gə m-e na: Mbi unja.

Testament ke Siki 1960 (Kabba Laka)

³⁴ Jésus aa loou ke dara, nè ntaakem, nè mpa narè, Ephphatha, yèn pana, Òrou.

Marəke 7:34 ပူးပေါင်းရင်းမြစ်များ

Marəke 1:41

Jeju o kəmtondoo lə-a, ula ji-a ɔr ne rɔ-ɛ ngaɓa pa na: M-njigi ja, may kar rɔ-i arə ngadə!

Marəke 15:34

Ngaɓa dɔ kar munda gə dɔ lokul le, Jeju uru ꞌkuwi gə singa to gə boy na: Eli, Eli, lama sabakətani, gə m-e na: Luba lə-m, Luba lə-m, mba ɗi ɓa mbadə-m wa?

Marəke 5:41

N-uwa ji ngon le ngaɓa pa n-ar-ɛ na: Talita kumi, gə m-e na: Ngon mandə, ḭ taar, a m-pa m-ar-i nee.

Marəke 6:41

N-odo mbə gə mi gə kənji gə joo le, ɗaa n-un kəm-e gə dara ɗaa n-tɔr ndu-e kəne. Cibi n-cɛdə mbə le ngaɓa n-ar ngan njenendoje mba kar ꞌkay bula dəwje. Tɔ̰y ja, n-kay-je kənji gə joo le tɔ.

Marəke 7:35

Be ɓa ji naa gə nee ja mbi-a unja, ne gə tɔ ndo̰-ɛ̰ tudu warara, ar-ɛ n-pa tar gə maj-ɛ.

Marəke 8:12

Jeju ila m-e po̰o̰ ngaɓa pa na: Mba ɗi ɓa gəl kuji gə ɓogəne dəji netɔji wa? Tar gə tɔgərɔ ja, m-pa m-ar-si, netɔji gə kara ja gə d-a ɗa kar dəwje gə ɓogəne le godo.

Lugu 18:42

Jeju pa ar-ɛ na: Ar kəm-i təl o lo; takagə lə-i aji-i.

Lugu 19:41

Logə ꞌɗe dəb gə ɓe gə Jerujalɛm ngaɓa kəm-e oso dɔ-ɛ gə ɗaa, n-no mba tar lə-a na:

Lugu 7:14

N-ɔdə n-uwa ta tuwa ɗaa nje gə d-un nin le d-ar nangə. Ɗaa n-pa na: Ngon basa̰, m-pa m-ar-i, ḭ taar!

Jean 11:33

Logə Jeju o to gə n-aw no ngaɓa Jiibije gə ꞌdan-ɛ kara ꞌno nəm ɗaa, n-si m-e mbig-mbig ngaɓa m-e gangə man badə.

Jean 11:35

Jeju no.

Jean 11:38

Be ɓa Jeju təl-si gə no m-e mbig-mbig ja cibi, ar-ɛ ɔdə aw dɔbarə gə. To gə bolo ər gə d-ila pil mbal t-ɛ gə.

Jean 11:41

Be ɓa d-uwa pil ər le d-ila ɗangə. Jeju un kəm-e gə taar, ɗaa pa na: Bɔ dəwje, m-ar-i oyo mba ndu-m gə o.

Jean 11:43

Go tar gə n-pa to gə be ɗaa, n-pa tar gə ndu-e gə boy wəəl na: Lawjar, ꞌce gə ɗaga nee.

Jean 17:1

Go tar gə n-pa to gə be ɗaa, Jeju un kəm-e gə dara ɗaa pa na: Bɔ dəwje, kar asə ngaa, ila riɓar dɔ Ngon-i gə mba kar Ngon-i ila riɓar dɔ-i gə tɔ.

Koula 9:34

Piyɛr pa ar-ɛ na: Ene, Jeju Kirisi aji-i, ḭ tar ɓo ꞌi ja ꞌkə ndag lə-i, ɗaa n-uba nangə warang n-ḭ tɔ.

Koula 9:40

Be ɓa Piyɛr ar dəwje tɔ̰y ꞌce ɗaga ngaɓa um kəj-e nangə dəji Luba, cibi turu kəm-e gə dɔ nin Tabita gə le ɗaa pa na: Ḭ taar. Dɔ kar-ɛ gə nee ja Tabita cɛ̰ kəm-e o ne Piyɛr ɗaa ḭ isi taar.

Ebərəje 4:15

Mba buba njekapolo lə-si le a kasə kum gə si naa gə dɔ ɗəəm gə lə-si ja, gəl-e gə ne ɓa ꞌne kara nena ce dɔ-ɛ gə ɗəw kara baa to to gə sijee be ja tɔ, ngaa n-ɗa neɗa gə kṵra̰y ang.