Marəke 2:16 - Mbede Lə Luba Kone Gə Sigi

¹⁶ Ngaɓa, njekɔr gəl toronduje gə horo Parijiyɛ̰je gə, d-o to gə Jeju isi aw usa ne gə njembo̰ lar gədə ɓeje ngaɓa gə njeneɗaje gə kṵra̰y naa gə ɗaa, ꞌpa d-ar ngan njenendoje lə-a na: Mba ɗi ɓa n-usa ne gə njembo̰ lar gədə ɓeje gə njeneɗaje gə kṵra̰y naa gə wa?

Testament ke Siki 1960 (Kabba Laka)

¹⁶ Tokou ndjè da maketourou ndedji lo Pharisiendjé wo Jésus ao ön mourou ke ndjè né da ke madjangdjé ke ndjè taa narè lʼimpôtdjé, dèdè mpa dare ndjè kao gè tédjé, Mbata di a nön mourou ke naih ke dooudjé ke ndjè taa narè lʼimpôtdjé ke ndjè né da ke madjangdjé wa?

Marəke 2:16 ပူးပေါင်းရင်းမြစ်များ

Matiye 18:17

To gə ɓo n-mbadə ko tar ta-je gə cibi nama aw pa Mbo̰ naa lə njetakagəje, a ɓo n-mbadə ko tar ta njetakagəje gə ja cibi nama o-e gə dəw gə njegərə Luba ang ngaɓa gə njembo̰ lar gədə ɓe nəm.

Matiye 5:46

To gə ɓo nje gə ꞌnjigi-si ɓa ꞌnjigi-jeje le se ɗi ɓa a kinga-je gə nekuga dɔ ji wa? Njembo̰ lar gədə ɓeje kara ꞌɗa bənəng tɔ.

Matiye 9:11

Logə Parijiyɛ̰je d-o to gə be ɗaa, ꞌpa d-ar ngan njenendoje lə-a na: Mba ɗi ɓa Njenetɔji lə-si usa ne naa gə gə njembo̰ lar gədə ɓeje, gə njeneɗaje gə kṵra̰y nəm wa?

Marəke 2:15

Logə Jeju isi ta ka nekusa gə mə kəy gə lə Lebi ɗaa, njembo̰ lar gədə ɓeje bula gə njeneɗaje gə kṵra̰y d-isi sə-a naa gə kara baa gə ngan njenendoje lə-a, mba dəwje gə to gə be gə d-uwa go-e le ꞌbula ya̰.

Marəke 2:7

Mba ɗi ja ɓa dəw gə nee pa ne tar to gə be wa? N-taji Luba. Na ɓa asə kɔr tar neɗaje gə kṵra̰y dɔ dəw gə wa? Se Luba ja gə kar-ɛ baa ang wa?

Lugu 18:11

Parijiyɛ̰ le ar gə ngal-ɛ taar ɗaa dəji ɔji dɔ-ɛ ye ja pa na: Əy Luba, m-ar-i oyo mba ꞌma le, m-unda rɔ-m to gə dəwje gə kɛm gə ꞌto gə nje ɓogoje, njeneɗa dɔ buguruje, nje ɓogo lo toje ose m-asə naa gə njembo̰ lar gədə ɓe gə ar nee ang nəm tɔ.

Lugu 19:10

Mba ꞌma gə Ngon lə dəw m-ɗe mba sangə gə kaji nje gə d-igi.

Lugu 19:7

Dəwje tɔ̰y gə d-o ne gə nee le d-o̰ Jeju yom-yom ɗaa, ꞌpa na: N-aw n-to kəy lə njeneɗa gə kṵra̰y səmə!

Lugu 5:30

Parijiyɛ̰je je gə njekɔr gəl toronduje ꞌyəngə tar ngaɓa ꞌpa d-ar ngan njenendoje lə-a na: Mba ɗi ɓa usa-je ne gə ay-je ne gə njembo̰ lar gədə ɓeje gə njeneɗaje gə kṵra̰y naa gə wa?

Koula 23:9

D-uru ꞌkuwi to gə boy wu ɗaa njekɔr gəl toronduje gə kɛm gə ꞌto nje kar Parijiyɛ̰je d-uba nangə d-ḭ, ꞌma̰y tar gə singa ꞌpa na: Dəw gə ar nee le ne gə kṵra̰y kara ja kara j-o rɔ-ɛ gə ang, njil ose anji ɓa pa tar ar-ɛ kara dəw gərə ang.

1 Corinthiendjé 2:15

Dəw gə Njil isi m-e gə le gərə kɔr kəm ne tɔ̰y, ngaa ꞌne ɗaa dəw kara ja kara asə gangə tar dɔ-ɛ gə ang.

Ebərəje 12:3

May kar ar-je mə-si ole dɔ-ɛ ꞌne gə njeneɗaje gə kṵra̰y ꞌnjigi-e ang gə kɔrɔ ja ngaa n-uwa gədərə, ɗaa ar-je mə-si ila kasə ang.