Marəke 15:32 - Mbede Lə Luba Kone Gə Sigi

³² May kar Kirisi, mbay lə Ijirayɛlje le, ḭ kagə dəsə gə uru nangə ngaa, mba kar-si j-o ɓo j-a ta ne kagə. Nje gə ꞌɓərə-je sə-a kagə dəsə gə le kara ꞌtaj-ɛ tɔ.

Testament ke Siki 1960 (Kabba Laka)

³² Are Christ Mbaibé lo Juifdjé disi ïya dò kake dèse loshénè, aredjè djo baa dja ko mèdjè té. Dèdè ke déh dò kake dèse té mbòrè té, dèdè ntadjè tò.

Marəke 15:32 ပူးပေါင်းရင်းမြစ်များ

Matiye 1:17

Un kud-e dɔ Abəraham gə saar ce ne dɔ Dabidi gə le gəl kuji ḭ dɔg gə gir-e gə sɔɔ; ḭ dɔ Dabidi gə saar ce ne ɓal gə d-uwa ne Ijirayɛlje ɓərə gə Babilon le tura gəl kuji dɔg gə gir-e gə sɔɔ; ngaɓa un kud-e dɔ ɓal-ɛ gə əng saar ce ne dɔ Kirisi kara tura gəl kuji dɔg gə gir-e gə sɔɔ tɔ.

Matiye 27:42

N-aji dəwje gə ɗangə, ɗaa n-asə kaji darɔ-ɛ ang! To gə ɓo n-to mbay lə Ijirayɛlje ja nama, n-ḭ kagə dəsə gə n-uru nangə ja ɓa ja ta kag-ɛ ɓi.

Matiye 27:44

Gayimje gə ꞌɓərə-je sə-a kagə dəsə gə le kara ꞌtaj-ɛ to gə bənəng tɔ.

Marəke 15:26

D-unja ne bəgərə gə ꞌtɔji ne gəl tar gə d-ila dɔ-ɛ gə na: Mbay le Jiibije.

Marəke 15:27

ꞌƁər-e kagə dəsə gə gə gayimje joo mbɔr-ɛ gə, dəw gə kara dɔ ji kɔl-ɛ gə, ꞌye gə kara dɔ ji gəl-e gə tɔ.

Jean 1:49

Nataniyɛl təl pa na: Njenetɔji, ꞌI le ɓa ꞌto gə ngon lə Luba, ꞌI le ɓa ꞌto gə mbay gə Ijirayɛl.

Jean 12:13

Be ɓa dəwje ꞌcɛdə bar kəm kagəje ꞌcila ne kəm Jeju gə ꞌnjil ta-je gə, ꞌta ji naa gə miya̰ pa̰y-pa̰y na: Ojana! Ndu tɔr to dɔ dəw gə ɗe gə ri Mbayɓe, Mbay gə Ijirayɛl.

Romaindjé 3:3

Ngaa, ɗi ja wa? To gə ɓo nje gə kɛm ꞌto njeməkədərəje le, məkədərə lə-je a tuji to dana gadə-gadə lə Luba wa?

2 Timoce 2:18

Jeje ja d-uba tar gə tɔgərɔ d-ḭya̰; ngaɓa paje d-ar-je dəwje na Luba ndol nje gə d-uy nam ngaa, d-ar-je nje gə kɛm ꞌtusu ne takagə lə-je d-ḭya̰.