Marəke 15:14 - Mbede Lə Luba Kone Gə Sigi

¹⁴ Pilad pa ar-je na: Ngaa ɗi ɓa to ne gə kṵra̰y gə n-ɗa wa? Ɗaa ꞌtəl d-uru ꞌkuwi gə singa-je ja cibi na: ꞌƁər-e kagə dəsə gə!

Testament ke Siki 1960 (Kabba Laka)

¹⁴ Pilate pa aredè, Mbata di wa, madjang di a nda wa? Dèdè mpa ke tarr wota, Etòlè dò kake dèse té.

Marəke 15:14 ပူးပေါင်းရင်းမြစ်များ

Matiye 27:19

Dɔ kar-ɛ gə njeko̰ ɓe gə ri-a na Pilad le aw isi ngəndəng gangə tar gə ɗaa, jene lə-a ula-je ar d-aw ꞌpa d-ar-ɛ na: Əw rɔ-i kula rɔ-i mə tar lə dəw gə gadə-gadə nee le, mba m-o ko̰ ne ɓogəne ya̰ gə nḭ mba tar lə-a.

Matiye 27:4

n-pa ne tar na: Dəw gə tar uwa dɔ-ɛ ang ja m-un dɔ-ɛ m-ar d-um məs-e nangə, ɗaa m-ɗa neɗa gə kṵra̰y. ꞌTəl d-ila-a kəne na: A ɗi ɓa ɔsə-sije kəne wa? To tar lə-i ꞌi ja.

Matiye 27:54

Njekun dɔ njeɗɔje gə tɔl gə nje gə d-ar sə-a mba ngəm ta Jeju le, d-o dɔ nangə gə yəgə gə neje gə nday le ɗaa ɓəəl unda-je bad gangə-je ngaɓa ꞌpa na: Dəw gə nee ɗaa, to Ngon lə Luba ja tɔgərɔ.

Marəke 15:13

ꞌTəl d-uru ꞌkuwi na: ꞌƁər-e kagə dəsə gə ja!

Marəke 15:15

Pilad njigi mba may ta kəm bula dəwje gə le ɗaa, ɔr Barabas ila-a taar ɗaa, ar-je ꞌlabə Jeju gə ndəy abəlay ɗaa ula-a ji-je gə mba kar-je ꞌɓər-e kagə dəsə gə.

Lugu 23:21

Nga ꞌjejee d-uru ꞌkuwi na: ꞌƁər-e kagə dəsə gə ja.

Lugu 23:4

Pilad pa ar buba njekapoloje gə bula dəwje na: M-o gəl ne kara gə m-a kila ne tar dɔ dəw gə nee ang.

Lugu 23:41

Sijee le, kar-si to gə ɗəb-e arə ngadə, j-inga nekuga dɔ ji ɔji dɔ kula ɗa si, ngaa ꞌne le, n-ɗa ne gə kṵra̰y kara ang baa.

Lugu 23:47

Njekun dɔ njeɗɔje gə tɔl o ne gə nday le ɗaa ɔsə gaji Luba na: Tɔgərɔ ja, dəw gə nee le ɗaa to dəw gə dana gadə-gadə.

Jean 18:38

Pilad dəji-e na: Tar gə tɔgərɔ to gə ɗi wa? Logə Pilad pa tar gə nee ɗaa, təl ce aw rɔ Jiibije gə to gə ɗangə ɗaa pa ar-je na: ꞌMa le, m-inga ne kara rɔ-ɛ gə gə kar gangə ne tar dɔ-ɛ ang.

Jean 19:6

Logə buba njekapoloje gə njengəm loje d-o-e ɗaa, ꞌpa tar gə ndu-je gə boy wəəl na: ꞌƁər-e kagə dəsə gə gə ɓərə ja! Pilad ila-je kəne na: Uwa-aje ɓo sisəy ja aw ꞌɓərə-je kagə dəsə gə mba m-o gəl ne kara be gə mba gangə ne tar dɔ-ɛ gə ang.

Koula 13:28

Tar kara kara uwa dɔ-ɛ ang ngaa ꞌdəji Pilad mba kar ꞌtɔl-ɛ.

Koula 19:34

Ngaa logə dəwje tɔ̰y ꞌgər-e gə Jiibi ɗaa d-uru ꞌkuwi gə ndu-je gororo asə ngira kar joo na: Arətemis, magə gə jene lə dəwje gə Epɛs to magə gə boy.

Ebərəje 7:26

Buba njekapolo gə to gə be ja ɓa a la gə si: n-to njerɔsangə, tar uwa dɔ-ɛ ang, n-mina ang, n-to dang gə njeneɗaje gə kṵra̰y ngaɓa d-un-e d-unda dɔ dara gə taar,

1 Piyɛr 1:19

ngaa ꞌndogo-si gə məsə gə may pɛdə, to to gə məsə ngon badəm gə rɔ-ɛ to təb ngaɓa arə ngadə, to məsə Kirisi;