Marəke 14:49 - Mbede Lə Luba Kone Gə Sigi

⁴⁹ ꞌMa le m-ga̰ gə si gə ndɔje tɔ̰y mə kəy gə lə Luba, m-tɔji ne kəne ja ngaa uwa-mje ang. Ngaa ɗa to gə be gə mba kar tar gə Luba pa le to ne lo-e gə.

Testament ke Siki 1960 (Kabba Laka)

⁴⁹ Mam ntòdjousè tar ke ndò toï mè tokou kei Allah té a sésè waamdjé ang. Are nèn lé dé tokou ban ta kare maketourou lo Allah ase ta dé tar ke tokoro.

Marəke 14:49 ပူးပေါင်းရင်းမြစ်များ

Matiye 1:22

Neje nee tɔ̰y ɗa to gə be mba kar tar gə Mbayɓe pa gə ndu Pajambərə lə Luba le aw ne lo-e gə yɛrɛrɛ na:

Matiye 26:54

Tar lə Luba gə ꞌɗa mə mbede le a kaw lo-e gə ang wa? Mba ꞌpa na ne a ɗa ne to to gə be ja ang wa?

Matiye 26:55

Dɔ kar-ɛ gə əng ja Jeju turu kəm-e pa ar bula dəwje le na: ꞌƊeje gə kiya bayje gə guruje ɓa uwa-mje ne to gə d-uwa ne gayim be. ꞌMa le m-isi mə kəy gə lə Luba gə ndɔje tɔ̰y ja, m-tɔji ne kəne nəm ngaa uwa-mje ang.

Matiye 26:56

Ngaa neje nee tɔ̰y ɗe to gə be mba kar tarje tɔ̰y gə pajambərəje ꞌpa le aw ne lo-e gə yɛrɛrɛ. Be ɓa ngan njenendoje lə-a tɔ̰y ja d-a̰y d-iya̰-a.

Marəke 10:1

Jeju oso ɗəw boo mba kaw gə dɔ nangə gə Jude, tura man Jurədɛ̰ gə. Bula dəwje mbo̰ naa mbɔr-ɛ gə, n-təl n-tɔji-je ne gɔl kara ja cibi, to gə n-aw n-ɗa ne kede-kede.

Marəke 11:27

Jeju je gə ngan njenendoje lə-a ꞌtəl d-aw to gə ɗangə mə ɓe gə Jerujalɛm, logə Jeju aw nja mə kəy gə lə Luba bənəng ɗaa, buba njekapoloje, gə njekɔr gəl toronduje gə buba ɓeje ꞌɗe d-inga-a

Marəke 12:35

Jeju un tar pa aw tɔji ne mə kəy gə lə Luba. N-dəji-je na: Na ban ɓa njekɔr gəl toronduje ꞌpa na Kirisi to gə gəl kuji gə lə Dabidi ɓi wa?

Marəke 14:48

Jeju un tar pa ar-je na: ꞌƊeje gə kiya bayje gə guruje ɓa uwa-mje ne to gə d-uwa ne gayim be.

Marəke 14:50

Ngan njenendoje lə-a tɔ̰y ja d-a̰y d-iya̰-a.

Lugu 19:47

Jeju tɔji ne gə ndɔje tɔ̰y mə kəy gə lə Luba. Buba njekapoloje, njekɔr gəl toronduje gə buba ɓeje ꞌsangə ɗəw gə mba tɔl-ɛ.

Lugu 22:37

Mba, m-pa m-ar-si, may kar ne gə Mbede pa tar-ɛ ɔji dɔ-m na: ꞌTura-a horo nje tɔl dəwje gə. Tar nee le oso kəne paragə ɓa.

Jean 10:23

Jeju nja mə kəy gə lə Luba, aw gəl lo gə ꞌɓar-ɛ ta kəy lə Salomo tɔ, təl tɔ.

Jean 18:20

Jeju ila-a kəne na: ꞌMa le, m-pa tar təgəsə ja m-ar dəwje; M-tɔji ne jaga-jaga mə kəy nendo gə gə mə kəy gə lə Luba, lo gə Jiibije tɔ̰y ꞌmbo̰ naa kəne, ngaɓa m-pa tar kara lo kiya-a gə ang nəm tɔ.

Jean 7:37

Ɗudu ndɔ ɗa nay gə to ndɔ gə bɔy le, Jeju ar taar ɗaa ila ndu-e nangə ɓolong pa ne tar na: To gə ɓo dəw gə kunda tɔl-ɛ nama may kar-ɛ ɗe gə rɔ-m gə ɗe ta man ay.

Jean 8:12

Jeju təl pa tar to gə ɗangə ar-je ja cibi na: ꞌMa m-to lokarə gə dɔ nangə gə nee. Dəw gə uwa go-m nama a nja cil ciməri gə ang; n-a kinga lokarə gə a kɔr no-ɛ kaw sə-a lokarə gə kar təbə gə.

Jean 8:2

N-təl n-aw kəy lə Luba gə ji dɔɔɓe baa ɗaa dəw mə ɓeje tɔ̰y ꞌɗe rɔ-ɛ gə. Ɗaa n-isi nangə n-aw ndo-je ne.