Marəke 14:38 - Mbede Lə Luba Kone Gə Sigi

³⁸ ꞌCibije dɔ rɔ-si gə ang ɓo ꞌdəjije Luba mba kar-si osoje dan nena gə ang, kəji lə-si a njigi to njang ja ngaa darɔ mbɔr-ɛ gə mbɔr-ɛ.

Testament ke Siki 1960 (Kabba Laka)

³⁸ Ngemidjé edoudjidjé Allah baa a kosoidjé né kere té ang, mbata ndii ndiki tokoro, a da rò isi ke singa ang.

Marəke 14:38 ပူးပေါင်းရင်းမြစ်များ

Matiye 24:42

Ar-je kɛgɛgɛ, mba ꞌgərəje ndɔ gə Mbayɓe lə-si a ɗe ne ang.

Matiye 25:13

Jeju tɔ dɔ gusutar nee le na: Ar-je mə-si to dɔ rɔ-si gə mba ꞌgərəje dɔ ndɔ-ɛ ang nəm dɔ kar-ɛ ang nəm.

Matiye 26:41

ꞌCibije dɔ rɔ-si gə ang ɓo ꞌdəjije Luba mba kar-si osoje dan nena gə ang. Kəji lə-si a njigi to njang ja ngaa darɔ mbɔr-ɛ gə mbɔr-ɛ.

Matiye 6:13

ꞌTa-si ji Njekṵra̰y gə, ɓo iya̰ si ar j-oso dan nekərə gə ang. Mba ꞌi ja ɓa ɓeko̰, gə singamongə gə rɔnduba, To kar-i gə ɓal-ɓal, saar gə no. Oyo!

Marəke 14:34

N-pa n-ar-je na: Mə-m gangə man saar ce kəm gə lə-m ar m-əndə ba̰y yo; isije nee, ɓo ɔgəje kəm-si ɓi.

Marəke 14:37

N-təl n-ɗe n-inga ngan njenendoje lə-a dɔ ɓi gə, ngaɓa n-pa n-ar Piyɛr na: Simo, ꞌcibi wa! Asə gə mba kɔgə kəm-i ɓi kar kara baa ja kara nəm ang wa!

Marəke 14:39

Jeju təl ɔdə aw nganga̰ to gə ɗangə ɗaa, dəji Luba to gə mar-ɛ gə kede le ja cibi.

Lugu 21:36

Ɔsəje kəm-si kɔrə ɓo ꞌdəjije Luba gə karje ja tɔ̰y, mba kar d-ɔr-si d-unda si gə kəm-e mba kar-si ꞌce-je nee ta neje gə a ɗe dɔ ndɔ gə bara gə, ngaɓa gə mba kar ar-je ne dɔ gɔl si gə njang no Ngon lə dəw gə.

Lugu 22:40

N-ce lo-e gə ne ɗaa, n-pa n-ar-je na: ꞌDəjije Luba mba kar-si osoje dan nena gə ang.

Lugu 22:46

N-pa n-ar-je na: ꞌCibije mba ɗi wa? Ḭje taar ɓo ꞌdəjije Luba mba kar-si osoje dan nenaje gə ang.

1 Corinthiendjé 16:13

ꞌCibije dɔ rɔ-si gə ang, ar-je njang dɔ takagə gə, uwaje rɔ-si gə jingawje, ar-je gədərə.

Galatedjé 5:17

Mba neje gə kar darɔ tila kəm kar Njil, ngaɓa kar Njil kara tila kəm kar darɔ; neje lə darɔ gə neje lə Njil, ꞌtɔsə kəm naa ɓa gə mba kar ꞌɗaje neje gə mə-si njigi ang.

Philippiendjé 2:12

Be ɓa sisəy gə m-njigi-si ya̰, gə go kila kuji lə-si taar-taar le, ꞌɗaje kula kaji gə ingaje le gə ɓəəl gə kisa, to gə m-ga̰ ne gə si baa ang ngaa ɓisine gə m-godo kara ꞌɗaje ar al dɔ lo ja,

1 Piyɛr 5:8

Undaje kəm karə dɔ rɔ-si gə, ꞌcibije dɔ rɔ-si gə ang, njeba̰a̰ lə-si, ꞌSɛ̰ngərɛ̰ uwa mii hər-hər gugu ne si kɔrɔrɔ-kɔrɔrɔ to to gə ꞌnam be, sangə ne dəw gə a kore kuwa-a;

Apocalypse 3:10

Mba ꞌngom tar lə-m uwa gədərə ɗaa, ꞌma kara m-a ngom-i dɔ kar nena gə a ɗe dɔ dəwje gə tɔ̰y, gə a kum dəwje gə dɔ nangə gə nee dan nena gə.