Marəke 13:27 - Mbede Lə Luba Kone Gə Sigi

²⁷ Ngaɓa m-a kula anjije lə-m kar d-a mbo̰ dəwje gə m-mbərə-je kil nangə gə sɔɔ gə, ko̰ nangə gə saar ce ne ko̰ dara gə.

Testament ke Siki 1960 (Kabba Laka)

²⁷ Ke gè té nè na koula angedjé ke dara ta mbòn dèdè ke Allah bardè ke daka, ke loou ke lél sò oula, ke ngange nange toï sar ngange dara toï.

Marəke 13:27 ပူးပေါင်းရင်းမြစ်များ

Matiye 12:42

Mbay jene gə go ɓe gə dɔ kɔl a kuba nangə kḭ ndɔ gangə tar gə naa gə gə gəl kuji gə nee ngaɓa a kila tar dɔ-ɛ gə, mba n-ḭ ko̰ nangə gə ja n-ɗe mba ko kəm karə lə mbay Salomo, ngaa oje dəw gə to ɓəəl unda Salomo ja ar nee.

Matiye 13:41

ꞌMa gə Ngon lə dəw m-a kula anjije lə-m kar ꞌtɔr nje gə to jigi tuga gɔl marəje-je gə nje ɗa ne dɔ buguruje mə ɓeko̰ gə lə-m

Matiye 13:49

Dɔbo̰ ndɔ a to to gə be: anjije d-a ɗe kɔr kəm njeməngo̰yje horo nje ɗa neje gə gadə-gadə gə

Matiye 24:22

Ngaɓa to gə ɓo Luba ɔsə ta ndɔje nee le gangə ang nama, dəw kara kara a kinga kaji ang, ngaa mba dəwje gə Luba ja mbərə-je le ɗaa, n-a kɔsə ne ta ndɔje nee le gangə.

Matiye 24:24

Mba kirisije gə gə mbɔr-ɛ baa gə Pajambərəje gə gə mbɔr-ɛ baa d-a ɗe ɗa netɔjije gə to ɓəəl to ɓəəl, gə neje dang-dang gə kəm dəw o ndɔ kara ang, mba kar ɗəw to nama kərə ne dəwje gə Luba mbərə-je ja kara nəm.

Matiye 24:31

ꞌMa gə Ngon lə dəw m-a kula anjije lə-m gə ndu kuul gə a ɓar ɓolong ngaɓa d-a mbo̰ dəwje gə m-mbərə-je kil nangə gə sɔɔ gə, un kude ko̰ nangə gə saar ce ne ko̰ dara gə.

Marəke 13:20

Ngaɓa, to gə ɓo Mbayɓe ɔsə ta ndɔje nee le gangə ang nama, dəw kara kara a kinga kaji ang, ngaa n-gangə ndɔje nee le mba dəwje lə-a gə n-mbərə-je.

Marəke 13:22

Mba kirisije gə gə mbɔr-ɛ baa gə pajambərəje gə gə mbɔr-ɛ baa d-a ɗe ɗa netɔjije gə neje dang-dang gə kəm dəw o ndɔ kara ang, mba kar ɗəw to nama kərə ne dəwje gə ꞌmbərə-je.

Marəke 13:28

Oje ne gə kagə tungu tɔji-si gə gusutar nee: Logə ba̰a̰ kag-ɛ iri gə kam-ɛje unji nama ꞌgərə-je to gə nay ɓar nay njɛ̰ baa ngaa.

Lugu 16:22

Logə njendoo le uy ɗaa anjije d-un-e d-aw sə-a mbɔr Abəraham gə. Njenekinga kara uy tɔ ɗaa ꞌdub-e.

Lugu 18:7

Ɗaa Luba a pa tar dɔ dəwje gə lə-a gə n-mbərə-je, gə no no gɔl-ɛ gə kar gə cil ang wa? N-a kar-je ꞌngɔb-ɛ wa?

Jean 10:16

Badəmje lə-m gə ɗangə ꞌga̰ kəne əng ɓi gə ꞌgodo mə kinga gə nee ɗaa ꞌje gə kən kara, may kar-m m-ɗe gə je; d-a ko ndu-m ɗaa d-a kum naa gə kuduɓe kara baa ngaɓa njekuul-je kara kara baa tɔ.

Jean 11:52

Ngaɓa gə mba gəl kuji Ijirayɛl ja gə kar-ɛ baa ang, ngaa gə mba mbo̰ ne nganje lə Luba gə ꞌsɛ̰rɛ̰ naa le dɔ naa gə gə darɔ gə kara baa.

Romaindjé 8:33

Na ɓa a kila tar dɔ nje gə Luba mbərə-je gə wa? Luba ja to nje kar dəw to gadə-gadə!

Colossiendjé 3:12

Be ɓa Luba ja njigi-si, mbərə-si ngaɓa togo-si le ɗaa, may kar ko kəmtondoo gə tɔgərɔ, gə məmay, kula dɔ ngulum, gə kaw yururu gə kila mə dɔ mar-ɛ gə ɓa ar-je uwa mə-si.

2 Thessaloniciendjé 2:1

Ngan ko̰-mje, tar gə ɔji dɔ ndɔ təl lə Mbayɓe lə-si Jeju Kirisi, mbo̰ gə j-a mbo̰ naa mbɔr-ɛ gə, ne gə j-a dəji-si kəne ɓa nee:

2 Timoce 2:10

Gəl-e gə ne ɓa m-uwa ne gədərə dan ne gə tɔ̰y mba kar nje gə Luba mbərə-je le d-inga ne kaji gə ḭ rɔ Kirisi Jeju gə, gə riɓar gə a to gə ndɔ gə ndɔ.

1 Piyɛr 1:2

Luba mbərə-si kede nam, ɗəw gə Njil unda-si ne gə losang-ɛ mba kar ila-je ne kuji dɔ Jeju Kirisi gə ɓo kar ꞌtusu ne məs-e dɔ-si gə, ɗaa may kar mənuji gə ɗɛgɛgɛ ɔsə kudu naa ngug-ngug dɔ-si gə.