Marəke 13:22 - Mbede Lə Luba Kone Gə Sigi

²² Mba kirisije gə gə mbɔr-ɛ baa gə pajambərəje gə gə mbɔr-ɛ baa d-a ɗe ɗa netɔjije gə neje dang-dang gə kəm dəw o ndɔ kara ang, mba kar ɗəw to nama kərə ne dəwje gə ꞌmbərə-je.

Testament ke Siki 1960 (Kabba Laka)

²² Mbata lo christidjé ke ndjè ngemdjé ke prophètedjé ke ndjè ngemdjé da dé, da da né tòdjou ke né ke ta da baa kare mè dooudjé ounda dò bia, ta tòdjou deo kere kare dèdè ke Allah bardè ke daka, tokou dase ta da tokou ban.

Marəke 13:22 ပူးပေါင်းရင်းမြစ်များ

Matiye 24:24

Mba kirisije gə gə mbɔr-ɛ baa gə Pajambərəje gə gə mbɔr-ɛ baa d-a ɗe ɗa netɔjije gə to ɓəəl to ɓəəl, gə neje dang-dang gə kəm dəw o ndɔ kara ang, mba kar ɗəw to nama kərə ne dəwje gə Luba mbərə-je ja kara nəm.

Matiye 7:15

Aje rɔ-si rɔ pajambərəje gə gə mbɔr-ɛ baa. ꞌƊa rɔ-je to gə badəmje be ngaa ꞌto njagəmanjɛrje njekusa da dɔngɔr gə je dɔ ɓəngərə-je gə.

Marəke 13:21

To gə ɓo dəw pa ar-si na: Kirisi a ar nee, ose ye n-ar nu kən, nama ꞌtaje kag-ɛ ang.

Marəke 13:23

Undaje kəm karə dɔ rɔ-si gə, m-pa tar-ɛ tɔ̰y m-ar-si kede nam.

Marəke 13:6

Mba dəwje bula d-a ɗe gə ri-m ngaɓa d-a pa na: To ꞌma ja. Ngaɓa d-a kərə ne dəwje bula.

Jean 4:48

Jeju pa ar-ɛ na: To gə ɓo oje netɔjije, gə neje dang-dang gə kəm dəw o ndɔ kara ang nama a taje kagə kara be ang ja saar.

2 Timoce 2:19

Tar gə tɔgərɔ gə Luba ja ula ngira nangə: Mbayɓe gərə dəwje tɔ̰y gə to njeka-ɛje, ngaɓa ɓo na-na ja ɓa pa na n-to nje kar Luba nama a kɔsə neɗa gə dɔ buguru rəw ɓa.

1 Jean 2:18

Ngan-m gə gɔgɔ, oje, j-isi dɔbo̰ ndɔ gə, to gə sisəy oje tar-ɛ na nje kəm tar lə Kirisi aw ɗe; ngaɓa ɓogəne ne kara nje kəm tarje lə Kirisi bula ꞌga̰ nee, gəl-e gə nee ɓa sijee ja gərə ne to gə dɔbo̰ ndɔ ɗe nam.

1 Jean 2:19

Nje kəm tarje lə Kirisi le ꞌce horo-sijee gə ja ɓa d-aw, ngaa ꞌto kar-sijee ang ngaa; mba to gə ɓo ꞌto dəwje lə-si nama d-a kisi gə si; ngaa, to arə ngadə to gə ꞌjejee tɔ̰y ja ꞌto dəwje lə-si ang.

1 Jean 2:26

M-ɗa mbede nee m-pa ne tar lə dəwje gə njigi kuru-si muu.

Apocalypse 13:8

Dəwje tɔ̰y gə d-isi dɔ nangə gə nee, gə ri-je godo mə mbede təbə gə lə ngon badəm gə d-uja-a gə ne məsə, un kud-e lo kunda gəl nangə gə ja, d-a pol-e ꞌne gə da le.

Apocalypse 17:8

Da gə o-e le ga̰, n-ga̰ kede, ngaa n-godo ngaa. N-a kɔsə lo ce mə buwa wəl gə sṵra̰ godo gə mba kaw lo tuji gə. Ɗaa dəwje gə d-isi dɔ nangə nee, gə un kud-e lo kunda dɔ nangə gə ja, gə ꞌɗa ri-je mə mbede kaji gə ang le, lo gə d-a ko da le nama, lo tar a kigi-je sɛl, mba n-ga̰ kede, n-godo magə, ngaa n-a təl ɗe.