Marəke 12:35 - Mbede Lə Luba Kone Gə Sigi

³⁵ Jeju un tar pa aw tɔji ne mə kəy gə lə Luba. N-dəji-je na: Na ban ɓa njekɔr gəl toronduje ꞌpa na Kirisi to gə gəl kuji gə lə Dabidi ɓi wa?

Testament ke Siki 1960 (Kabba Laka)

³⁵ Tokou Jésus ao tòdjou tar tokou kei Allah té, nè mpana, Ke deo di a ndjè da maketourou ndedjidjé ase pana Christ to to ngon lo David wa?

Marəke 12:35 ပူးပေါင်းရင်းမြစ်များ

Matiye 26:55

Dɔ kar-ɛ gə əng ja Jeju turu kəm-e pa ar bula dəwje le na: ꞌƊeje gə kiya bayje gə guruje ɓa uwa-mje ne to gə d-uwa ne gayim be. ꞌMa le m-isi mə kəy gə lə Luba gə ndɔje tɔ̰y ja, m-tɔji ne kəne nəm ngaa uwa-mje ang.

Matiye 9:27

Logə Jeju ɔdə lo-e gə nee ɗaa, nje kəm tɔje joo d-uru ꞌkuwi ꞌndole ne go-e na: Ngon ka Dabidi, o kəmtondoo lə-si!

Marəke 10:1

Jeju oso ɗəw boo mba kaw gə dɔ nangə gə Jude, tura man Jurədɛ̰ gə. Bula dəwje mbo̰ naa mbɔr-ɛ gə, n-təl n-tɔji-je ne gɔl kara ja cibi, to gə n-aw n-ɗa ne kede-kede.

Marəke 11:27

Jeju je gə ngan njenendoje lə-a ꞌtəl d-aw to gə ɗangə mə ɓe gə Jerujalɛm, logə Jeju aw nja mə kəy gə lə Luba bənəng ɗaa, buba njekapoloje, gə njekɔr gəl toronduje gə buba ɓeje ꞌɗe d-inga-a

Marəke 14:49

ꞌMa le m-ga̰ gə si gə ndɔje tɔ̰y mə kəy gə lə Luba, m-tɔji ne kəne ja ngaa uwa-mje ang. Ngaa ɗa to gə be gə mba kar tar gə Luba pa le to ne lo-e gə.

Lugu 19:47

Jeju tɔji ne gə ndɔje tɔ̰y mə kəy gə lə Luba. Buba njekapoloje, njekɔr gəl toronduje gə buba ɓeje ꞌsangə ɗəw gə mba tɔl-ɛ.

Lugu 20:1

Ndɔ kara be, Jeju aw tɔji dəw mə ɓeje ne mə kəy gə lə Luba ngaɓa ila mbərə Tar gə May ɗaa, buba njekapoloje gə njekɔr gəl toronduje ngaɓa buba ɓeje ꞌce pɔɔ d-inga-a.

Lugu 21:37

Jeju ɗa ndɔ kara dum mə kəy gə lə Luba tɔji ne kəne ngaa lo gə lo aw ndul ɗaa, n-ce n-aw dɔ wuri gə kagə olibiyeje d-ar kəne n-to kəne.

Jean 18:20

Jeju ila-a kəne na: ꞌMa le, m-pa tar təgəsə ja m-ar dəwje; M-tɔji ne jaga-jaga mə kəy nendo gə gə mə kəy gə lə Luba, lo gə Jiibije tɔ̰y ꞌmbo̰ naa kəne, ngaɓa m-pa tar kara lo kiya-a gə ang nəm tɔ.

Jean 7:42

Kirisi le a kḭ gəl Dabidi gə, ɗaa n-a kḭ Bɛdəlɛhɛm gə to ɓe lə Dabidi ɓa Mbede pa be ang wa?