Marəke 12:15 - Mbede Lə Luba Kone Gə Sigi

¹⁵ Jeju gərə tar mula lə-je som, ɗaa ila-je kəne na: Mba ɗi ɓa ꞌna-mje ne wa? ꞌƊeje gə sulay kara ar-mje m-o.

Testament ke Siki 1960 (Kabba Laka)

¹⁵ Ase djèdjè djouka aséh djèdjè djouka ang wa? Mbata Jésus geré kere lodè nè mpa naredè, Sésè eremdjé mbata di wa? Sésè amidjé narè kada baa ma mase ta ko.

Marəke 12:15 ပူးပေါင်းရင်းမြစ်များ

Matiye 20:2

N-gɔl gə njekulaje mba kuga-je gə lar sagə kara kəm ndɔ kara ngaɓa n-ula-je mə ndɔ bḭyə̰ gə le ɓi.

Matiye 22:18

Ngaa Jeju gərə kəji lə-je gə kṵra̰y ɗaa, ila-je kəne na: Njetar mulaje, mba ɗi ɓa ꞌna-mje ne wa?

Marəke 10:2

Parijiyɛ̰je ꞌɗe dəji-e tar mba n-ɛ ne na: To kəm kar jingaw tɔbə jene lə-a wa?

Marəke 12:14

ꞌƊe ꞌpa d-ar-ɛ na: Njenetɔji, j-a gərə to gə ꞌto nje pa tar gə tɔgərɔ nəm, ꞌɓəəl ne kəm dəw ang; mba ꞌi o pa kun darɔ lə dəwje gə ɗaga baa ang nəm, ꞌtɔji dəwje pa nja gə ta kəm Luba nəm tɔ. Ɗəw to kar dəw uga lar gədə ɓe lə Sejar wa? J-a kuga ose j-a kuga ang wa?

Marəke 12:16

ꞌƊe gə sulay kara; ɗaa Jeju dəji-je na: Se dɔ dəw, gə nekunja gə nee to kar na wa? D-ila-a kəne na, to kar Sejar.

Lugu 20:23

Ngaa Jeju gərə tar mula lə-je, ɗaa ila-je kəne na:

Jean 21:17

N-pa n-ar-ɛ gə njekum gə gɔl munda na: Simo, ngon lə Ja̰, ꞌNjigi-m wa? Kəm Piyɛr ɗa ndoo mba pa gə Jeju pa ar-ɛ gə njekum gə gɔl munda na: ꞌNjigi-m wa? Ɗaa n-pa n-ar-ɛ na: Mbayɓe! ꞌI le, ꞌgərə ne tɔ̰y! ꞌI le, ꞌgərə som to gə, ꞌma le, m-njigi-i ja! Jeju pa ar-ɛ na: Uul badəmje lə-m.

Jean 8:6

ꞌPa bənəng gə mba na ne m-e, ɓa gə mba kinga ne ɗəw kila ne tar dɔ-ɛ gə. Ngaa Jeju ɗugu nangə ɗaa aw tunja ne nangə gə ngaw ji-a.

Koula 5:9

Be ɓa Piyɛr təl pa ar-ɛ na: Ɗa to gə ban ja ɓa umje mə-si naa gə ꞌnaje ne Njil Mbayɓe wa? A o: Kɔr gɔl nje gə ꞌdubu ngab-ije aw ɓar ta kəy gə nee, d-a ɗe kun nin-i kaw dubu ja tɔ.

1 Corinthiendjé 10:9

Ja naje mə Kirisi to to gə nje gə kɛm horo-je gə ꞌna-e ne ɓa lije tɔ̰-je tɔl-je mburugu-mburugu be ang.

Ebərəje 4:13

Ɓa nekunda kara gə iya rɔ-ɛ ta kəm-e gə godo: Dəw gə ja tura go ne no-ɛ gə le, ne tɔ̰y ja to gadəmagay gə ngaɓa to təgəsə ta kəm-e gə.

Apocalypse 2:23

Ngan-ɛ le, m-a kar-je d-uy, ɗaa mbo̰ naa lə njetakagəje tɔ̰y d-a gərə to gə ꞌma m-to gə dəw gə nje gərə mə dəwje gə dɔ ɓəngərə-je, ɗa m-a kuga dɔ ji si, na-na nama ɔji dɔ kula ɗ-ɛje.