Marəke 10:52 - Mbede Lə Luba Kone Gə Sigi

⁵² Be ɓa Jeju pa ar-ɛ na: Aw, takagə lə-i aji-i. Ɗaa ji naa gə nee ja n-o lo ɗaa n-ɔdə n-uwa go Jeju loje gə aw gə kəne.

Testament ke Siki 1960 (Kabba Laka)

⁵² Jésus pa arè, Ao, ko mè té loi da ròi madji mbä. Loshénè loshénè nè no loou ke nè nao go Jésus té ke deo bo.

Marəke 10:52 ပူးပေါင်းရင်းမြစ်များ

Matiye 11:5

Nje kəm tɔje d-o lo, njeməndəje ꞌnja, gə rɔ njebənjije arə ngadə nəm, mbigije kara d-o tar nəm, dəwje gə d-uy kara ꞌtəl ndol nəm ɓa, d-ila mbərə Tar gə May d-ar njendooje nəm.

Matiye 12:22

Be ɓa dəwje ꞌɗe gə dəw gə njil gə kṵra̰y ɗa ɓe m-e gə ar təl nje kəm tɔ nəm, gɔdə nəm d-ar Jeju aji-ɛ. Ɗaa n-pa tar nəm, n-o lo nəm tɔ.

Matiye 15:28

Ɗaa Jeju təl ila-a kəne na: Jene, takagə lə-i to ɓəəl ya̰ may kar inga ne gə aw ndoo-e. Ɗaa dɔ kar-ɛ əng ja ngon-e gə jene aji kəbərə.

Matiye 21:14

Nje kəm tɔje gə njeməndəje ꞌɗe d-inga-a mə ndogo gə, kəy gə lə Luba ɗaa n-aji-je.

Matiye 8:3

Be ɓa Jeju ula ji-a ɔr ne rɔ-ɛ ngaɓa pa na: M-njigi ja, may kar rɔ-i arə ngadə. Logə Jeju pa be ɗaa, gə lo-e gə əng ja bənji ɔr rɔ-ɛ gə ar rɔ-ɛ arə ngadə.

Matiye 9:22

Jeju turu kəm-e o-e ɗaa pa ar-ɛ na: Ngon-m, unda singa-i dɔ mar-ɛ gə, takagə lə-i aji-i. Ɗaa jene le aji gə dɔ kar-ɛ gə əng ja.

Marəke 1:31

Jeju uwa ji-a uru-e taar, ɗaa rɔ-ɛ le təl kul mbɔ̰y, ar n-ar-je nekusa.

Marəke 5:34

Ngaa Jeju pa ar-ɛ na: Ngon-m, takagə lə-i aji-i. Aw gə ɗɛgɛgɛ ɗaa may kar rɔko̰ nee le ɔr rɔ-i gə.

Marəke 8:25

Jeju təl ila ji-a kəm-e gə to gə ɗangə; cibi, logə nje kəm tɔ le a lo jii ɗaa kəm-e unja ar-ɛ o neje tɔ̰y gə maj-ɛ.

Lugu 7:50

Cibi, n-pa n-ar jene na: Takagə lə-i aji-i, aw gə ɗɛgɛgɛ.

Lugu 9:48

ngaɓa pa ar-je na: Dəw gə uwa ngon gə njɛ̰ gə rɔ-ɛ gə gə ri-m, nama ꞌma ja nj-ɛ uwa-m gə rɔ-ɛ gə əng; ngaa ɓo dəw gə uwa-m gə rɔ-ɛ gə nama, uwa dəw gə njekula-m gə rɔ-ɛ gə tɔ. Mba dəw gə o-eje gə ne ang horo-si gə tɔ̰y nee le, nj-ɛ əng ja to dəw gə to ɓəəl.

Jean 9:32

Ləw baa nee ja, dəw ja gə d-uji-e gə nje kəm tɔ le, ndɔ kara ꞌpa tar lə-a d-ar d-o to gə dəw ɗa kəm-e ar-ɛ unja ang ja saar.

Jean 9:39

Ngaɓa Jeju pa cibi na: ꞌMa le, gangə tar gə dɔ nangə gə nee le ɓa m-ɗe gə mb-ɛ, mba kar nje gə kəm-je o lo ang nama d-o lo, ngaɓa nje gə kəm-je o lo nama d-a təl to gə nje kəm tɔje.

Koula 26:18

mba kar-i ꞌcɛ̰ kəm-je ar-je d-uba londul d-ḭya̰ ꞌturu kəm-je gə lokarə gə ngaɓa kar ꞌce lo gə ꞌSu o̰ ɓe kəne ɓo ꞌɗəm gə rɔ Luba gə, ɓo d-ar tar neɗa gə kṵra̰y ɔr dɔ-je gə, ngaɓa d-inga nenduba naa gə gə nje gə to gə losang-ɛ ɗəw ta kagə-m gə.