Marəke 10:30 - Mbede Lə Luba Kone Gə Sigi

³⁰ nama ɓogəne ja a kinga gɔl tɔl, kəyje, ngan ko̰-ɛje, ko̰ nanje, ko̰je, nganje gə ndɔje ngaɓa d-a kula kəm-e ndoo nama a kinga təbə gə a to gə ndɔ gə ndɔ mə ndɔ gə bara.

Testament ke Siki 1960 (Kabba Laka)

³⁰ Nè na kinga ndè té ke nange nèn lé mare kei ke ngaköè ke dingao, ke ngaköè ke dènè, ke këndjè, ke ngandjé, ke nange, gar dòdòkou, ke ngätar to, ke ndòté ke goukou na kinga tébe ke ke ndò ke ndò.

Marəke 10:30 ပူးပေါင်းရင်းမြစ်များ

Matiye 12:32

Dəw gə ɗa-ɗa gə pa tar gə kṵra̰y dɔ ꞌma gə Ngon lə dəw nama, d-a kɔr tar-ɛ dɔ-ɛ gə, ngaa dəw gə pa tar gə kṵra̰y dɔ Njil Njerɔsangə gə le, Luba a kɔr tar-ɛ dɔ-ɛ gə dɔ ndɔje gə ɓisine ang nəm ɓa dɔ ndɔje gə aw ɗe kede ang nəm.

Matiye 13:8

Mar-ɛje gə kɛm um dɔ nangə gə may gə, ɔr dɔ, ɗaa dɔ-ɛ gə kara unda kand-e tɔl, ye gə nee unda dɔg misa̰, ye gə ɗangə unda dɔg munda.

Matiye 6:33

ꞌSangəje ɓeko̰ lə Luba gə gadə-gadə ja dɔngɔr ɗaa neje gə sisəy aw-je ndoo-e nee le, Luba a kar-si dɔ-ɛ gə.

Lugu 18:30

a kinga mar-ɛ bula dɔ-ɛ gə mə ndɔ gə ɓogəne ngaɓa a kinga təbə gə a to gə ndɔ gə ndɔ mə ndɔ gə bara.

Jean 10:23

Jeju nja mə kəy gə lə Luba, aw gəl lo gə ꞌɓar-ɛ ta kəy lə Salomo tɔ, təl tɔ.

Koula 14:22

d-ula jingaw mə ngan njenendoje gə ngaɓa ꞌdəji-je mba kar d-uwa takagə lə-je gədərə tɔ. Cibi ꞌtəl ꞌpa d-ar-je to gə ɗəw ko ꞌməsərə ya̰ ɓa dəw a kandə ne mə ɓeko̰ gə lə Luba.

Koula 16:25

Dan lo dana ɗaa, Pɔl je gə Silas ꞌdəji Luba ngaɓa d-ɔsə pa kɔsə gaji-ɛ d-ar dəwje gə kɛm gə d-uwa-je kara d-o ndu-je.

Koula 5:41

Njeka̰ykulaje nee le d-ɔdə no ngɔ gangə tar gə lə Jiibije nee le gə rɔləl mba ko gə Luba oje to gə d-asə kar ꞌɗa-je məyɛr mba ri Mbayɓe.

Romaindjé 5:3

Cibi ɓa, le dan ꞌməsərəje gə ja kara sijee j-a ɗa rɔləl, mba j-a gərə to gə ꞌməsərə uji kuwa gədərə,

Romaindjé 6:23

Mba kuga lə neɗa gə kṵra̰y to yo; ngaa nekarə baa lə Luba to təbə gə gə ndɔ gə ndɔ ɗəw gə lə Mbayɓe lə-sijee Kirisi Jeju.

2 Corinthiendjé 6:10

d-ula wungu mə-si gə, ngaa rɔ-si ləl-si gə ndooje tɔ̰y, j-unda dəwje dan may gə ja ngaa d-o si gə njendooje, d-o si to gə dəwje gə ne lə-je godo, ngaa ja to bawje.

Philippiendjé 3:8

Ngaɓa m-o ne tɔ̰y gə ne gə baa mba m-gərə Kirisi Jeju gə Mbayɓe lə-m m-ar al dɔ lo. Mb-ɛ ꞌne ja m-mbadə ne neje tɔ̰y ngaɓa m-o ne tɔ̰y gə dɔ yibi mba kinga ne Kirisi.

2 Thessaloniciendjé 2:16

May kar ꞌne gə Mbayɓe lə-si Jeju Kirisi je gə Bɔ-sijee Luba gə njigi-si ɓa ula jingaw mə-si gə gə ndɔ gə ndɔ ngaɓa ar-si ne kunda mə gə gə may pɛdə ɗəw mənuji gə le,

1 Timoce 4:8

May kḭya̰ rɔ-i mə ji Luba gə, mba kula rɔ ndubu may ja ngaa, kila kuji dɔ ne gə lə Luba may unda neje tɔ̰y, be ɓa Luba gɔl təbə gə ɓogəne gə ye gə bara ar dəw gə ḭya̰ rɔ-ɛ mə ji-a gə.

1 Timoce 6:6

Tɔgərɔ ja, kila kuji dɔ Luba gə to ngira nekuga dɔ ji ja to gə j-ɛm mə-si dɔ ne gə to ji-a gə.

Jacques 1:12

Nokarə to ɔji dɔ dəw gə uwa gədərə ta nena gə; mba go nena gə ce dɔ-ɛ gə le, n-a kinga jɔgə təbə gə Mbayɓe uwa dɔ gɔl-ɛ ngina ne dəwje gə ꞌnjigi-e.

Jacques 5:11

Oje, tar gə ja pa ɓa nee: Nokarə to ɔji dɔ dəwje gə d-uwa gədərə. Oje tar lə Job gə uwa gədərə, gə ne gə Mbayɓe ɗa ar-ɛ gə ɗudu, mba Mbayɓe to nje ko kəmtondoo, gə nje bḭ man no kəm dəwje gə.

1 Jean 2:25

Ye ɓa to ne gə ɔji dɔ təbə gə ndɔ gə ndɔ gə n-uwa dɔ gɔl-ɛ n-ar-si.

1 Jean 3:1

Aje oje, pa njigi gə Bɔ dəwje njigi-si le ɓa ꞌɓar-si ne nganje lə Luba! Ɗaa, j-a to ngan-ɛ ja. Gəl ne gə dɔ nangə gərə ne si ang le ɓa nee: ꞌNe kara ꞌgər-eje ang tɔ.

Apocalypse 2:9

M-gərə ne ur ti lə-i gə ndoo lə-i, ngaa ꞌto njenekinga, ɗaa tar paje gə kṵra̰y lə nje gə ꞌɗa rɔ-je gə Jiibije ngaa ꞌto Jiibije ang baa, ꞌto kəy nendo lə ꞌSu.

Apocalypse 3:18

M-ndəj-i mba kar-i ꞌndogo sə-m maa gə d-ula-a ndubu pədə d-ar ar yororo mba kar-i ꞌtəl ꞌto ne njenekinga, gə kubuje gə nda mba kar-i ula rɔ-i gə on ne lo rɔ kul lə-i, gə kam ngogula ila kəm-i gə mba kar-i o ne lo.