Marəke 1:39 - Mbede Lə Luba Kone Gə Sigi

³⁹ Be ɓa, n-ula dɔ nangə gə Galile wur-wur, n-ila mbərə tar lə Luba mə kəy nendoje gə ngaɓa n-tɔbə ne njilje gə kṵra̰y nəm tɔ.

Testament ke Siki 1960 (Kabba Laka)

³⁹ Jésus ao do nange té ke Galilée toï, mpa tar mè kei Allah té lodè, ke ntouba ndildjé ke madjang.

Marəke 1:39 ပူးပေါင်းရင်းမြစ်များ

Matiye 4:23

Jeju nja dɔ nangə gə Galile tɔ̰y, tɔji dəwje ne mə kəy nendoje gə lə Jiibije, ngaɓa ila mbərə Tar gə May ɔji dɔ ɓeko̰ nəm, aji njerɔko̰je ɓədə-ɓədə gə njeməndəje ɓədə-ɓədə horo dəw mə ɓeje nəm tɔ.

Matiye 9:35

Jeju nja gə ɓeboje tɔ̰y gə ngan ɓeje, tɔji dəwje ne kəy nendoje gə, ila mbərə Tar gə May gə ɔji dɔ ɓeko̰ nəm ɓa, aji njerɔko̰je ɓədə-ɓədə gə njeməndəje ɓədə-ɓədə nəm tɔ.

Marəke 1:21

Jeju je gə ngan njenendoje lə-a ꞌce mə ɓe gə Kapɛrənom. Logə Jeju andə mə kəy nendo gə, gə ndɔ kuwa kɔr ɗaa, tɔji dewje tar lə Luba.

Marəke 1:23

Dəw kara gə njil gə kṵra̰y ɗa ɓe m-e gə ga̰ kəy nendo gə le tɔ. Dəw le uru ꞌkuwi na:

Marəke 1:38

N-ila-je kəne na: J-awje gə ɗangə, gə ɓeje gə to mbɔr ye gə nee gə, mba kar m-aw m-ila mbərə tar lə Luba kəne tɔ ɓa na ye ja m-ce mb-ɛ.

Marəke 3:1

Jeju təl andə mə kəy nendo gə to gə ɗangə. Dəw kara gə ji-a uy ga̰ kəne.

Marəke 6:6

Lo tar igi-e sɛl mba məkədərə lə-je. Jeju nja gə ngan ɓeje gə mbɔr ɓe kuj-e gə tɔji ne.

Marəke 7:30

Be ɓa logə n-ɔdə n-aw ɓə lə-a ɗaa, n-inga ngon-e dɔ cira gə, ngaɓa njil gə kṵra̰y le kara ce tɔgərɔ ja tɔ.

Lugu 4:41

Njilje gə kṵra̰y gə ce mə dəwje gə bula le d-uru ꞌkuwi na: ꞌI to ngon lə Luba. Ngaa Jeju ḭ gə je gə singa, ɗaa un ɗəw ar-je kar ꞌpa tar ang mba ꞌgərə som to gə n-to Kirisi.