Lugu 9:41 - Mbede Lə Luba Kone Gə Sigi

⁴¹ Jeju ila kəne na: ꞌToje dəwje gə nje məkədərəje, gə njetula pa nja-je naa gə je, m-a ga̰ gə si saar ndɔ gə ɗa gə ja ɓi wa? Ose m-a kore uru-m dɔ si gə saar ndɔ gə ɗa gə wa? ꞌƊeje gə ngon le ar-mje.

Testament ke Siki 1960 (Kabba Laka)

⁴¹ Jésus tél tar pana, Dooudjé ke ndjè ko mè té ang, ke ndjè né da ke gatang, ma kisi kesè ndò ban wa ke mem a kenge ang? Oun ngoni, dé sa nèn.

Lugu 9:41 ပူးပေါင်းရင်းမြစ်များ

Matiye 11:28

ꞌƊeje gə rɔ-m gə nee, sisəy tɔ̰y gə ɔrəje gə nekodo uway-si le, ɗaa m-a kar-si uwaje kɔr-si.

Matiye 12:39

N-ila-je kəne na: Gəl kuji gə kṵra̰y gə nje ɓogo lo to mba turu gir-e kar Luba, dəji netɔji, nama d-a kar-ɛ netɔji gə ɗangə kara unda dɔ kar pajambərə gə lə Luba, gə ri-a na Jonas ang.

Matiye 12:45

N-təl n-aw ɓar njilje gə ɗangə siri gə kṵra̰y d-unda-a n-um-je go-e gə; ngaɓa d-andə mə kəy gə le ꞌɗa ɓe kəne ɗaa dəw nee le təl kṵra̰y unda kisi lə-a gə kede. Kar gəl kuji gə nee kara a to to gə be ja tɔ.

Matiye 16:4

Gəl kuji gə kṵra̰y gə nje ɓogo lo to mba turu gir-e kar Luba, dəji netɔji nama, d-a kar-ɛ netɔji gə ɗangə kara unda dɔ kar Jonas gə ang. Ngaɓa Jeju iya̰-je ɔdə aw.

Matiye 17:17

Jeju ila kəne na: ꞌToje dəwje nje məkədərəje, ꞌtoje njetula pa nja-je naa gə je, m-a ga̰ gə si saar ndɔ gə ɗa gə wa? Ose m-a kore uru-m dɔ si gə saar ndɔ gə ɗa gə wa? ꞌƊe-je gə ngon le ar-mje.

Matiye 23:36

Tɔgərɔ ja m-pa m-ar-si, neje tɔ̰y nee le tar-ɛ a kuwa dɔ gəl kuji gə ɓogəne.

Matiye 3:7

Logə n-o to gə Parijiyɛ̰je gə Sadusiyɛ̰je ꞌɗe bula ya̰ mba batɛm ɗaa n-pa n-ar-je na: Sisəy gə ꞌtoje to gə kondɔtɔlje be, na ɓa tɔji-si pa ka̰y wungu lə Luba gə aw ɗe le wa?

Marəke 10:14

Logə Jeju o be ɗaa rɔ-ɛ ləl-e ang, ngaɓa pa ar-je na: Ḭya̰je nganje ar-je ꞌɗe rɔ-m gə ɓo ɔgəje-je ang; mba ɓeko̰ lə Luba le to mba nje gə ꞌto to gə nganje be.

Marəke 10:49

Jeju təl ar nangə ɗaa, pa na: ꞌƁar-ɛje! Be ɓa ꞌɓarje nje kəm tɔ le ꞌpa d-ar-ɛ na: Unda singa-i dɔ rɔ-i gə, ɓo ḭ taar, n-aw n-ɓar-i.

Marəke 9:19

Jeju ila-je kəne na: ꞌToje dəwje gə nje məkədərəje, m-a ga̰ gə si saar ndɔ ɗa gə ja ɓi wa? M-a kore uru-m dɔ si gə saar ndɔ gə ɗa gə wa? ꞌƊe-je gə ngon le ar-mje. Ɗaa ꞌɗe sə-a d-ar-ɛ tɔ.

Lugu 8:25

Cibi, Jeju ula ngan njenendoje lə-a na: Takagə lə-si to ɗa ngaa nee wa? Ngaa ꞌɓəəlje ngaɓa mə-je gangə man ar ꞌpa tar horo naa gə na: Dəw gə nee to na ja wa? N-un ndu n-ar ləl je gə man ɗaa d-o tar t-ɛ gə səmə!

Lugu 9:40

M-oso kul no ngan njenendoje gə lə-i kar ꞌtɔb-ɛ, ngaa d-asə ang.

Lugu 9:42

Logə ngon le unda dɔ Jeju dəb ɗaa, njil le uwa-a gə singa ila-a nangə, ngaɓa mbir-e ar-ɛ n-to rəgədə to gə dəw gə uy be. Ngaa Jeju ndangə njil gə kṵra̰y le ɗaa, aji ngon le, ngaɓa təl ula-a ji bɔ-ɛje gə.

Jean 14:9

Jeju pa ar-ɛ na: Ga̰ gə m-ga̰ gə si ləw baa kuru lo əw nee ja, kar be kara ꞌgərə-m ang ja ɓi wa, Pilibi! Dəw gə o-m ꞌma nama o Bɔy ja tɔ. Ɗa ban ɓa ꞌI cibi ꞌpa na: ꞌTɔji-si rɔ Bɔ dəwje wa?

Jean 20:27

Ngaɓa n-pa n-ar Toma na: Ula ngaw ji-i nee, ngaɓa o ji-mje, ula ji-i gə kede ɓo ila mbo kar-m gə! Ar mə-i kədərə ang ɓo ꞌta kagə!

Koula 13:18

Asə ɓal dɔg sɔɔ ja Luba ore m-e dɔ pa nja-je gə mə ndag lo gə,

Koula 2:40

Ngaɓa n-pa tarje bula n-ula ne jingaw mə-je gə nəm ngaɓa n-pa ne tar naji na: Ar-je d-aji-si horo dəwje gə kṵra̰y gə ɓogəne.

Romaindjé 2:4

Ose məmay lə-a gə boy, gə kila mə dɔ mar-ɛ gə lə-a ngaɓa kore ur lə-a le ꞌi o gə neje gə baa, lal kar-i ꞌgərə to gə məmay lə Luba ɔs-i ngug-ngug kar-i ꞌturu ne kəji lə-i wa?

Ebərəje 3:19

Be ɓa j-oje to gə d-ila gɔl-je kəne ang mba məkədərə lə-je ja tɔ.

Ebərəje 4:11

Be ɓa ar-si ja ndəbə-je ndəbə kandə lo kuwa kɔr gə kən le, mba kar dəw kara ja kara ndəji kəm ko tar ang gə njekara le ja uba ne tuji to gə ka-sijee ang.

Ebərəje 4:2

Mba d-ila mbərə Tar gə May d-ar-sijee nəm, d-ila d-ar ꞌjejee nəm. Ngaa tar gə d-o-je le, kara kara ɗa kula rɔ-je ang, mba ꞌɗa mə kara gə nje gə d-o le dɔ takagə gə ang.

Ebərəje 7:25

Be ɓa dəwje gə ꞌce gə ɗəw gə rɔ-ɛ gə mba kaw ɓe lə Luba nama n-asə kar d-inga kaji gə gə ndɔ gə ndɔ, mba n-aw kəm baa gə ɓal-ɓal ɗaa n-aw n-dəji Luba taar-taar mba je.