Lugu 9:22 - Mbede Lə Luba Kone Gə Sigi

²² Be ɓa, Jeju təl pa ja cibi: To may kar ꞌma gə Ngon lə dəw, m-o ꞌməsərə ya̰. Buba ɓeje, buba njekapoloje je gə njekɔr gəl toronduje d-a mbadə-m, ngaɓa d-a tɔl-m ɗaa ndɔ gə njekum gə munda m-a təl ndol.

Testament ke Siki 1960 (Kabba Laka)

²² Nè mpana, Ngon lo doou ase ta kinga né ongou nya, ke tokou dooudjé ke tokou ndjè kòrdjé, ke ndjè da maketourou ndedjidjé dèdè da mbetè, ke da tòlè, ke gè té ndò mouta nè nase ta kï.

Lugu 9:22 ပူးပေါင်းရင်းမြစ်များ

Matiye 17:12

Ngaa m-pa m-ar-si to gə Eli ɗe nam ja, ngaa ꞌgər-e ang ɗaa ꞌɗa sə-a ne gə mə-je njigi. Be ɓa ꞌma gə Ngon lə dəw kara m-a ko ꞌməsərə ji-je gə tɔ.

Matiye 17:22

Ndɔ kara, ngan njenendoje mbo naa dɔ nangə gə Galile ɗaa, Jeju pa ar-je na: ꞌMa gə Ngon lə dəw le d-a kuwa-m kula-m ji dəwje gə;

Matiye 27:63

ɗaa ꞌpa na: Mbay, mə-si ole dɔ tar gə nje kərə dəwje le pa, logə isi ne gə təbə baa ɓi na: To gə ɓo ndɔ munda go kuy gə lə ne nama, n-a kɔsə lo ce buwa yo gə.

Marəke 8:31

Ɗaa n-un kudu kila mbi-je gə to gə kəm kar ꞌma gə Ngon lə dəw, m-o ꞌməsərə ya̰. Buba ɓeje, buba njekapoloje je gə njekɔr gəl toronduje d-a mbadə-m, ngaɓa d-a tɔl-m ɗaa ndɔ gə njekum gə munda nama m-a təl ndol.

Marəke 9:31

Mba n-aw n-tɔji ne ngan njenendoje ngaɓa n-pa n-ar-je na: ꞌMa gə Ngon lə dəw le, d-a kuwa-m kula-m ji dəwje gə, kar-je d-a tɔl-m, ndɔ munda go-e gə ɗaa, m-a təl ndol.

Lugu 17:25

Ngaa kede nam ɓa nama, may kar n-o ꞌməsərə ya̰ ngaɓa kar dəwje gə ɓogəne d-a mbad-ɛ.

Lugu 24:26

To may kar Kirisi, dəw gə d-uwa dɔ-ɛ gə ubu le, o ꞌməsərə gə nee, ngaɓa a kandə dan riɓar gə lə-a le ang wa?

Lugu 24:44

Ngaɓa n-pa n-ar-je na: Oje tar gə m-pa m-ar-si lo gə m-ga̰ gə si baa ɓi le: May kar ne gə ꞌɗa tar-ɛ ɔji dɔ-m mə torondu gə lə Moyiji, gə Pajambərəje, gə pa no mangə gə nee le ɗa ne ɓa.

Lugu 24:7

n-pa na: May kar ꞌma Ngon lə dəw le, d-ila-m mə ji njeneɗaje gə kṵra̰y gə d-ar ɓərə-m kagə dəsə gə, ngaɓa ndɔ gə njekum gə munda, ɗaa m-ndol.

Lugu 9:44

Sisəy le, ꞌtugaje mbi-si gə maj-ɛ oje ne tar nee: ꞌMa gə Ngon lə dəw le, d-a kuwa-m kula-m ji dəwje gə.

1 Corinthiendjé 15:4

ꞌdub-e, ɗaa ndɔ gə njekum gə munda ɗaa n-ndol, to gə mbede pa,

1 Piyɛr 1:11

Njil Kirisi gə to mə-je gə le, pa ar-je kede nam to gə Kirisi a ko ꞌməsərə ngaɓa rɔnduba a kore go-e. Be ɓa Pajambərəje nee le ꞌsangə ɗəw gə mba gərə dɔ ndɔ gə neje nee le a ɗe ne ngaɓa a to to gə ban wa?