Lugu 9:18 - Mbede Lə Luba Kone Gə Sigi

¹⁸ Ndɔ kara, Jeju aw dəji Luba gə kar-ɛ baa, ngan njenendoje lə-a ꞌɗe d-inga-a, ɗaa n-dəji-je tar na: Dəwje pa na m-to na ja wa?

Testament ke Siki 1960 (Kabba Laka)

¹⁸ Ndò kada, tokou nè ke kadèba nao ndoudjou Allah, ndjè kao gè tédjé isi sa, nè ndoudjoudè, Dooudjé pana mam nto na wa?

Lugu 9:18 ပူးပေါင်းရင်းမြစ်များ

Matiye 14:23

Logə Jeju tɔbə dəwje ɗaa, uba dɔ ər gə mba kaw kisi ngərəng, dəji Luba. Kar kumatagə ɗaa, Jeju ar gə kar-ɛ baa.

Matiye 26:36

Go-e gə ɗaa Jeju aw gə ngan njenendoje lə-a lo gə ɓar-ɛ na Gɛɗəsəmane ngaɓa pa ar-je na: Isije nangə nee logə m-a kaw ngangə lo gə nu mba dəji Luba.

Lugu 11:1

Ndɔ kara, Jeju aw lo gə kara be aw dəji Luba. Logə n-ila dəji lə-a nangə ɗaa, dəw kara horo ngan njenendoje gə lə-a pa ar-ɛ na: Ja̰ tɔji ngan njenendoje lə-a ɗəw dəji Luba, ꞌI kara, Mbayɓe, ꞌndo-si ɗəw dəji Luba.

Lugu 3:21

To gə Ja̰ ɗa dəwje tɔ̰y batɛm le, Jeju kara n-ɗ-ɛ batɛm tɔ. Logə Jeju aw dəji Luba ɗaa, kəm dara cɛ̰,

Lugu 6:12

Ndɔ kara be, Jeju aw dɔ ər gə mba dəji Luba, ngaɓa n-dəji Luba mə cil saar lo ar dɔ-ɛ gə.

Lugu 9:19

D-ila kəne na: ꞌTo Ja̰ Njeɗabatɛm, nje gə kɛm na ꞌto Eli; nje gə ɗangə na ꞌto kara lə pajambərəje gə ləw gə uy ɓa təl ndol.

Lugu 9:28

Ndɔ kara be, ndɔ siri go tar gə Jeju pa ar-je ɗaa, Jeju ɔr Piyɛr, je gə Ja̰, gə Jagə, ɗaa n-aw dɔ ər mba kaw dəji Luba.

Lugu 9:29

Logə Jeju aw dəji Luba ɗaa, kəm-e mbəl ngaɓa kubu lə-a təl nda kələw-kələw.