Lugu 8:30 - Mbede Lə Luba Kone Gə Sigi

³⁰ Jeju dəji dəw nee le na: Ri-i na-na wa? N-ila kəne na: Ri-m na: Dəwje gə bula. N-pa be mba njilje gə kṵra̰y bula d-andə m-e gə.

Testament ke Siki 1960 (Kabba Laka)

³⁰ Jésus doudjè, Ri na na wa? Nè mpana, Bayabaya, mbata ndildjé ke madjang baya baya ao mèa té.

Lugu 8:30 ပူးပေါင်းရင်းမြစ်များ

Matiye 26:53

Ose ꞌi əji to gə m-asə dəji Bɔ-mje kar-ɛ ar-m anjije kuduɓe dɔg gə gir-e gə joo gə dɔ-ɛ ɓisine ang wa?

Matiye 4:24

No kula lə Jeju oso dɔ nangə gə Siiri ja tɔ̰y. ꞌƊe gə dəwje tɔ̰y gə rɔko̰je bula ula kəm-je ndoo gə naməje dang-dang, nje gə njilje gə kṵra̰y ula gərəng mə-je gə, njeməngərəje, gə nje gə dəbə rɔ-je uy ɗaa n-aji-je.

Matiye 8:29

D-uru ꞌkuwi na: Ngon lə Luba, ɗi ɓa aw njigi ji-si gə wa? ꞋI ɗe mba bɛ̰ ta-si kede nam ɓa kar ndɔ gangə tar gə Luba ɔji asə wa?

Marəke 16:9

Jeju ce buwa yo gə gə ndɔ dɔmasi gə ndɔɔ-sḭ, N-ce n-ar Məri gə Magədala gə n-tɔbə njilje gə kṵra̰y siri m-e gə ja o-e kede.

Marəke 5:9

Ngaɓa n-təl n-dəj-e na: Ri-i na-na wa? N-ila-a kəne na: Njeɗɔje gə bula ɓa to ri-m mba j-a bula ya̰.

Lugu 8:2

Ngan njenendoje gə dɔg gə gir-je gə joo je gə jeneje gə kɛm gə ꞌtɔbə njilje gə kṵra̰y mə-je gə, gə nje gə d-ɔr rɔko̰ lə-je, to gə: Məri gə Magədala, ꞌne gə njilje siri ce m-e gə le,

Lugu 8:29

Jeju un ndu ar njil gə kṵra̰y mba kar-ɛ ce mə jingaw gə nee le, njil nee le ɗa ɓe m-e gə ula-a ngəw ləw baa. Ɗaa ꞌtɔ-ɛ ɓa ngom-e ɓi, ꞌtɔ ji-a gə gɔl-ɛ gə kula lar, ngaa n-ti kula lar gə ꞌtɔ-ɛ ne le mbidi-mbidi, ngaɓa njil ɔs-e aw sə-a ndag lo gə.