Lugu 8:3 - Mbede Lə Luba Kone Gə Sigi

³ Jəni, jene lə Kuja, njegəm ne lə Erɔdə, gə Sujan je gə jeneje gə kɛm bula gə ꞌɗe d-un nekingaje lə-je la ne gə je ꞌga̰ tɔ.

Testament ke Siki 1960 (Kabba Laka)

³ Jeanne, dènè lo Chuza ndjè ngem né lo Hérode, ke Susanne, ke mare dènèdjé baya, dèdè doun né lodè ta da ke Jésus.

Lugu 8:3 ပူးပေါင်းရင်းမြစ်များ

Matiye 14:1

Dɔ kar-ɛ gə əng le, Erɔdə Antipas gə to njeko̰ ɓe gə Galile, o tar gə ɔji dɔ Jeju

Matiye 14:3

Erɔdə pa to gə be mba ꞌne ja n-ar-je d-uwa Ja̰ ꞌtɔ-ɛ gə kula lar, d-ila-a kəy kula gə mba tar lə Erɔdiyadə gə to jene lə ngon ko̰-ɛ Pilibi.

Matiye 14:6

Logə ndɔ ɗa nay kuji Erɔdə asə ɗaa, ngon lə Erɔdiyadə gə jene uru dana gə la ɗaa la le ləl Erɔdə ya̰,

Matiye 2:11

D-andə kəy, ɗaa d-ingaje ngon tay le je gə ko̰-ɛje Məri, d-undaje ꞌburamba no-ɛ gə ngaɓa ꞌpolo-eje, cibi d-ɔrəje ta ɓɔl lə-je d-ar-ɛ nenuji, maa gə ubu gə əndə sululu gə no kagə gə ꞌɓar-ɛ mir.

Matiye 20:8

Logə kar andə sɔlɔgə ɗaa, njendɔ bḭyə̰ le pa ar njengom neje lə-a na: ꞌƁar njekulaje le ɓo uga dɔ ji-je, un kud-e dɔ nje gə dɔ gugu gə ɓa ce ne dɔ nje gə dɔngɔr gə.

Matiye 25:40

Ɗaa Mbay le a təl kila-je kəne na: Tɔgərɔ ja, m-pa m-ar-si, lo gə ɗa gə ja ɓa ꞌɗaje məmay gə dəw kara baa ja horo ngan ko̰-mje gə nee ɗaa, to ꞌma ja ɓa ꞌɗaje sə-m kən.

Matiye 26:11

Mba njendooje le ɗaa, ꞌga̰ gə si gə ndɔje tɔ̰y, ngaa ꞌma le, m-a ga̰ gə si gə ndɔje tɔ̰y ang baa.

Matiye 27:55

Lo-e gə əng le jeneje bula d-ar dɔ ji ndə̰w̰ ɓa d-a lo: To jeneje gə d-ḭ gə Jeju dɔ nangə gə Galile nu ja, ꞌdan-ɛ mba la sə-a.

Lugu 24:10

To gə Məri gə Magədala gə Jəni ngaɓa Məri gə ko̰ Jagə je; ngaɓa jene mar-jeje gə kɛm kara ꞌpa d-ar njeka̰ykulaje tɔ.

Jean 12:6

N-pa bənəng mba kəji gə n-əji dɔ njendooje gə to gə tɔgərɔ ang, ngaa mba n-to nje ɓogo, ngaɓa ɓɔl lar gə to ji-a gə le, n-ula ji-a n-un ne gə d-um kəne taar-taar tɔ.

Koula 13:1

Mbo̰ naa lə njetakagəje gə mə ɓe gə Antiyos le pajambərəje gə njenetɔjije ꞌga̰ kəne: Barənabas, Simiyo̰ gə ꞌɓar-ɛ Nijɛr, Lusiyus gə ɓe lə-a Sirɛn, Manayɛn gə nje baa kuji lə Erɔdə njeko̰ ɓe ngaɓa Sɔl tɔ.

2 Corinthiendjé 8:9

Be ɓa, sisəy ꞌgərə-je mənuji lə Mbayɓe lə-sijee Jeju Kirisi, gə to baw ja ngaa, ɗa rɔ-ɛ gə njendoo mba kar ɗəw ndoo gə lə-a ɗaa sisəy a toje nebawje.

Philippiendjé 4:22

Ngan ko̰ naaje gə d-isi sə-m nee, na d-o si. Nje gə kəy mbay gə, gə njerɔsangəje tɔ̰y ja d-o si tɔ.

1 Timoce 5:10

may kar neɗaje lə-a gə may to ɗaga pay-pay kəm dəwje gə: ɗəw siri ngan-ɛ gə gə maj-ɛ, ɗəw kuwa mbaje gə, ɗəw togo gɔl njetakagəje, ɗəw la gə nje gə d-isi dan nekəmtondoo gə, ɗəw ɗa ne gə may gə lo-e lo-e.