Lugu 8:25 - Mbede Lə Luba Kone Gə Sigi

²⁵ Cibi, Jeju ula ngan njenendoje lə-a na: Takagə lə-si to ɗa ngaa nee wa? Ngaa ꞌɓəəlje ngaɓa mə-je gangə man ar ꞌpa tar horo naa gə na: Dəw gə nee to na ja wa? N-un ndu n-ar ləl je gə man ɗaa d-o tar t-ɛ gə səmə!

Testament ke Siki 1960 (Kabba Laka)

²⁵ Nè mpa naredè, Ko mè té losè éh da wa? Bel dadè, dèdè dedji nya, dèdè mpa horodè té, Bana yèn to na wa, nè ndange lél ke man ndja, ke dèdè do tar la?

Lugu 8:25 ပူးပေါင်းရင်းမြစ်များ

Matiye 14:31

Jeju ula ji-a gə tɔg-ɛ baa uwa ne Piyɛr ngaɓa təl pa ar-ɛ na: ꞋI ꞌto dəw gə takagə lə-i əngə, ꞌma̰y tar mba ɗi wa?

Matiye 17:20

Jeju pa ar-je na: Mba takagə lə-si njɛ̰ baa. Tɔgərɔ, m-pa m-ar-si, to gə ɓo takagə lə-si to yəm-yəm baa to to gə kandə kam nay gə ri-a na mutarədə ja kara, ꞌpaje ar-je ər gə ar na: Ɔdə gə nu nama n-a kɔdə; ne gə a kal dɔ-si kara kara a godo.

Matiye 6:30

To gə ɓo mu gə to ne gə ce mə ndɔɔ gə ɓogəne baa ngaɓa bara nama a pər a ko̰ ɓa ɓo Luba ula-a kubu le se, Luba asə kula sisəy kubu ang wa? Njeməkəngəje!

Matiye 8:10

Logə Jeju o tar gə njekun dɔ njeɗɔje gə tɔl le pa to gə be, ɗaa lo tar ig-e sɛl gə rɔləl, cibi ɓa təl pa ar dəwje gə ꞌndole go-a na: Tar gə tɔgərɔ ja m-pa m-ar-si to gə horo dəw mə ɓeje gə Ijirayɛl nee tɔ̰y ja kara m-o takagə gə bo to gə be ang.

Matiye 8:26

Jeju ḭ gə je na: ꞌƁəəlje mba ɗi wa? ꞌToje dəwje gə takagə lə-si əngə. Ngaɓa Jeju ḭ ar taar, ndangə ləl je gə babo ɗaa mbi lo pa kəng.

Marəke 4:35

Ndɔ-ɛ gə əng ja, kar kumatagə, Jeju pa ar-je na: J-aw-je tura man gə ər kara gə.

Lugu 12:28

To gə ɓo mu gə to ne gə ce mə ndɔ gə ɓogəne baa ngaɓa bara nama pər a ko̰, ɓa ɓo Luba ula-a kubu le se, Luba asə kula sisəy kubu ang wa? Njeməkəngəje!

Lugu 8:24

Ngan njenendoje lə-a ꞌndol-e ɗaa ꞌpa na: Njenetɔji, Njenetɔji, j-a kaw kinga tuji! Jeju ndol ɗaa, ndangə ləl gə ꞌpagəm le ɗaa d-unda nangə ar mbi lo pa kəng.

Lugu 8:26

Jeju je gə ngan njenendoje lə-a ce dɔ nangə gə Geraja gə turu kəm-e ar dɔ nangə gə Galile.

Jean 11:40

Jeju ila-a kəne na: To gə ɓo ꞌta kagə nama a ko rɔnduba lə Luba ɓa m-pa be m-ar-i ang wa?