Lugu 8:18 - Mbede Lə Luba Kone Gə Sigi

¹⁸ Undaje kəm karə dɔ rɔ-si gə ɔji dɔ pa ko tar lə-si; mba dəw gə ne ga̰ ji-a gə ɓa d-a kar-ɛ mar-ɛ kəne, ngaa dəw gə ne godo ji-a gə le, ꞌye gə n-əji to gə ga̰ ji-a gə ja kara d-a ta ɗɔdə.

Testament ke Siki 1960 (Kabba Laka)

¹⁸ Ngemidjé madji, sésè woidjé tar tokou di wa, mbata nè ke néh ke né, da karè marè dè té, nè ke néh ke né ang, da taa né ke nè nedji to ngë.

Lugu 8:18 ပူးပေါင်းရင်းမြစ်များ

Matiye 13:12

mba dəw gə ne ga̰ ji-a gə ɓa d-a kar-ɛ mar-ɛ ɗaa a ɗusu ji-a, ngaa dəw gə ne godo ji-a gə le, ye gə ga̰ ji-a gə njɛ̰ ja kara d-a ta ɗɔdə.

Matiye 25:29

Mba dəw gə ne ga̰ ji-a gə ɓa d-a kar-ɛ mar-ɛ ɗaa a ɗusu ji-a, ngaa dəw gə ne godo ji-a gə le, ye gə ga̰ ji-a gə njɛ̰ ja kara d-a ta ɗɔdə.

Marəke 13:14

Logə a koje njeneɗa gə ngabula gə to nje tuji lo a ɗe kisi lo gə to ɔji dɔ-ɛ ang gə ɗaa, may kar nje tura mbede o gə maj-ɛ ɓa! Nje gə d-a kisi dɔ nangə gə Jude nama may kar d-a̰y gə dɔ ərje gə.

Lugu 19:26

M-pa m-ar-si: Dəw gə ne ga̰ ji-a gə ɓa d-a kar-ɛ mar-ɛ kəne, ngaa dəw gə ne godo ji-a gə le, ye gə ga̰ ji-a gə njɛ̰ ja kara, d-a ta ɗɔdə.

Lugu 9:44

Sisəy le, ꞌtugaje mbi-si gə maj-ɛ oje ne tar nee: ꞌMa gə Ngon lə dəw le, d-a kuwa-m kula-m ji dəwje gə.

Jean 15:2

Bar kəm kagə bḭyə̰ gə ɗa-ɗa gə uba kar-m gə ɓa ɓo andə ang ɗaa n-tuga-a gə ɗangə; ngaɓa bar kəm kagə bḭyə̰ gə andə ɗaa n-ndər dɔ-ɛ mba kar-ɛ andə gə kede-kede.

Koula 10:33

Be ɓa gə tɔg-ɛ baa ja m-ula m-ɓar-i ɗaa ꞌi kara ꞌɗa may ya̰ ja tɔ ɓa ḭ ꞌɗe nee. Ɓisine j-isi no Luba gə tɔ̰y ja mba ko tar gə Mbayɓe ula-i ne le.

Koula 17:11

Jiibije gə Bere nee le kəji lə-je may unda nje gə Tesaloniki, ꞌtaje tar gə mə kara ngaɓa ꞌtənje mbedeje lə Luba so-so gə ndɔ-ndɔ mba ko se tar gə d-aw pa d-ar-je le to gə dɔ gɔl-ɛ ja wa?

Romaindjé 12:3

Be ɓa m-pa m-ar-si gə go nuji gə d-uwa sə-m le ɗaa, mba kar dəw kara ja kəji lə-a to kəji kəsə tar gə kəji dɔ godo ang, ngaa kar kəji tar lə-a to gə maj-ɛ gə go ɗəb-e, na-na kara gə go singa takagə gə Luba ar-ɛ.

1 Corinthiendjé 14:37

Dəw gə to gə ɓoo rɔ-ɛ gə pajambərə ose gə dəw njil ɔr kəm-e nama may kar gərə gə maj-ɛ tar gə m-ɗa mə mbede gə nee le gə ndu Mbayɓe.

1 Corinthiendjé 3:18

May kar dəw ərə rɔ-ɛ ang. To gə ɓo dəw kara horo-si gə o rɔ-ɛ gə nje kəm karə gə dɔ ndɔ gə ɓogəne nama may kar-e təl mbə ɓa mba təl to nje kəm karə ɓi.

1 Corinthiendjé 8:2

To gə ɓo dəw əji na n-gərə ne kara nama kəm kar n-gərə to gə n-gərə ne ang ɓi.

Philippiendjé 3:4

Ɓo to gə be nama, ꞌma ja kara m-a kunda kar-m gə ne gə darɔ gə tɔ. To gə ɓo nje gə kɛm d-o to gə d-asə kunda kar-je gə ne gə darɔ gə nama ꞌma m-a nday-je,

Ebərəje 2:1

Gəl-e gə nee ɓa j-a ngom-je tar gə ꞌpa d-ar-si le gə maj-ɛ mba kar j-a ndəəm ang.