Lugu 8:14 - Mbede Lə Luba Kone Gə Sigi

¹⁴ Kandə kər gə um mə kun gə le to to gə dəwje gə ꞌtuga mbi-je d-o ne tar nee le, ngaa no rɔje, gə nemayje, gə rɔləl gə dɔ nangə nee udu dɔ tar le ar kand-e ɔr ndəl ang.

Testament ke Siki 1960 (Kabba Laka)

¹⁴ Dèdè ke doso horo konn té, to dèdè ke do tar, tokou dao deo té lodè, dèdè dare koula ke ta da né lodè ke né kinga ba, ke né koukou ke tébe ke nange nèn tò deo lodè, ke dèdè dan kandé ke madji ang.

Lugu 8:14 ပူးပေါင်းရင်းမြစ်များ

Matiye 13:22

Kandə kər gə um mə kunje gə le nay ɗəw kara baa gə dəw gə tuga mbi-a o ne tar lə Luba, ngaa no rɔ gə ɔji dɔ kəji neje gə nangə nee, gə ɓo nekingaje, ɗe udu dɔ tar lə Luba gə n-o le ngaɓa ɗa ar kand-e godo.

Marəke 4:19

ngaa no rɔ gə ɔji dɔ ne gə nangə nee, gə ɓo nekingaje gə dɔ nangə nee, kəm kə̰y neje dang-dang ɗe udu dɔ tar lə Luba gə d-o le ngaɓa ɗa ar kand-e godo.

Lugu 16:13

Ngon njekula kara baa ja ꞌɓəə-ejeje d-a kḭ joo ang, mba n-a njigi dəw gə kara ang gə kɔrɔ ɗaa dəw gə kara ɓa n-a njigi-e, ose n-a kiyi rɔ-ɛ rɔ dəw gə kara gə ɗaa n-a dabə dəw gə kara dasəra. Sisəy a poloje Luba je gə lar joo kɛm ang baa.

Lugu 21:34

Undaje kəm karə dɔ rɔ-si gə, ɓo ar-je mə-si to gə dɔ gə nekay mbə gə, gə nekusa gə gə ka guru gə ja kara baa ang, mba kar uwa-si ɓərə ang, ngaɓa gə tar kəjije gə ɔji dɔ kisi kəm baa gə mba kar ndo-ɛ nee le uba-si nangə bus ang.

Lugu 8:13

Kandə kər gə um dɔ ranga gə le to to gə dəwje gə d-o tar, ɗaa ꞌta tar le gə tɔg-ɛ ɓa gə rɔləl, ngaa tar le ula ngira-a mə-je gə gə maj-ɛ ang; logə ꞌta kagə ɓa ɓo nena inga-je nama ꞌmbadə takagə lə-je.

Lugu 8:15

Kandə kər gə um dɔ nangə gə may gə le to dəwje gə ꞌta tar gə mə gə may gə to dana gadə. ꞌNgom nəm, d-ila ngon kuji dɔ-ɛ gə d-ar kand-e to.

Lugu 8:7

Kɛs-ɛ gə kɛm um dan kunje gə; kunje d-ḭ sə-a naa gə ɗaa udu dɔ-ɛ ɔg-ɛ kar ce gə mbi.

Jean 15:6

Dəw gə um sə-m naa gə ang nama d-ɔs-ɛ d-ila-a ɗaga asə naa gə bar kəm kagə bḭyə̰, n-tudu kurum ɗaa d-un-e d-ila-a pədə ɗaa pər o̰.

1 Timoce 6:17

ꞌNdəji bawje gə dɔ ndɔ gə ɓogəne mba kar d-unda kar-je ang, ngaɓa mba kar d-unda mə-je to dɔ nekinga gə a nday gə ang, ngaa d-unda mə-je dɔ Luba gə. ꞌNe gə to nje kar-si ne gə j-aw ndoo-e gə kobəre mba kar j-a ɗa ne rɔləl.

2 Timoce 4:10

mba Demas mbadə-m mba nemayje gə dɔ nangə nee, ɗaa ɔdə aw gə mə ɓe gə Tesaloniki; Keresa̰s aw dɔ nangə gə Galasi gə, ngaɓa Titə aw mə ɓe gə Daləmati.

Ebərəje 6:1

Gəl-e gə nee ɓa, ar-si j-ḭya̰je dɔngɔr nendo gə ɔji dɔ Kirisi le, ɗaa j-ore kəm-si ndəng dɔ ye gə kar tɔgə ne gə, to gə kunda gəl nendoje gə nee to gə sigi ang: ꞌturuje kəji dɔ neje gə a kuji yo gə ta kagə Luba,