Lugu 7:47 - Mbede Lə Luba Kone Gə Sigi

⁴⁷ Gəl-e gə nee ɓa, m-pa m-ar-i, neɗaje gə kṵra̰y lə-a gə bula le Luba ɔr tar-ɛ dɔ-ɛ gə, mba n-tɔji njigi gə to m-e gə. Ngaa to gə ɓo Luba ɔr tar neɗa gə kṵra̰y dɔ dəw gə njɛ̰ baa nama dəbe nee le tɔji njigi gə to m-e gə njɛ̰ baa ja tɔ.

Testament ke Siki 1960 (Kabba Laka)

⁴⁷ Tokou ban ma mpa mari, né ke madjang la ke to baya, goto nga, mbata nè ndiki nya. A doou ke dïya né ke madjang la ngadji, nè ndiki ngadji.

Lugu 7:47 ပူးပေါင်းရင်းမြစ်များ

Matiye 10:37

Dəw gə njigi bɔb-ɛje ose ko̰-ɛje ya̰ unda-m nama asə to nje kar ꞌma ang, ngaɓa dəw gə njigi ngon-e gə jingaw ose ye gə jene unda-m nama asə to nje kar ꞌma ang tɔ,

Lugu 7:39

Logə Parijiyɛ̰ gə ɓar Jeju le o be ɗaa, əji tar m-e gə na: To gə ɓo dəw nee le to pajambərə nama a gərə to gə jene gə ɔr rɔ-ɛ le to kaya jene.

Lugu 7:46

ꞌI um ubu dɔ-m gə ang, ngaa jene nee le um ba̰y kəndə mambo̰ gɔl-m gə.

Lugu 7:48

Ɗaa, Jeju pa ar jene le na: Luba ɔr tar neɗa gə kṵra̰y dɔ-i gə.

Koula 5:31

Luba unda-a dɔ ji kɔl-ɛ gə, gə Mbay ngaɓa gə Njekaji dəwje, mba kar Ijirayɛlje ꞌturu ne kəji lə-je ngaɓa gə mba kar tar neɗa gə kṵra̰y ɔr ne dɔ-je gə.

Romaindjé 5:20

Torondu ce mba kar kal tar ba̰y ne gə kede, ngaa lo gə neɗa gə kṵra̰y ba̰y kəne nama mənuji bula kəne al dɔ lo.

2 Corinthiendjé 5:14

Mba njigi lə Kirisi o̰ dɔ sijee, sijee ja gərə to gə dəw kara baa uy mba dəwje tɔ̰y ɗaa, dəwje tɔ̰y d-uy sə-a ɗəw kara baa;

Galatedjé 5:6

Mba dəw gə um naa gə Kirisi Jeju nam le, kunja bərə ose kunja bərə ang ɓa to gə ne ang, ngaa takagə gə tɔji rɔ-ɛ, gə njigi ɓa to gə ne.

Ephésiendjé 6:24

May kar mənuji nay gə dəwje tɔ̰y gə ꞌnjigi Mbayɓe lə-sijee Jeju Kirisi gə pa njigi gə unda nangə ang.

Philippiendjé 1:9

Ngaɓa m-dəji Luba mba kar njigi lə-si ɔsə dɔ mar-ɛ gə kede-kede, kar kəm-si unja ar ꞌgərəje ne ne gə may ngaɓa kar ɔrəje ne kəm ne gə may gə ne gə kṵra̰y.

1 Timoce 1:14

Ngaa mənuji lə Mbayɓe lə-si gə ɔji dɔ-m le al dɔ-m, m-ta kag-e ngaɓa m-inga njigi ḭ rɔ Kirisi Jeju gə nəm tɔ.

1 Jean 1:7

Ngaa to gə ɓo j-a njaje dan lokarə gə, to gə ꞌne kara n-to lokarə, nama j-a ɗa mə kara gə naa gə yo gə nee, ngaɓa məsə Jeju togo neɗa gə kṵra̰y lə-si tɔ̰y.

1 Jean 3:18

Ngan-m gə gɔgɔ, j-a njigije naa gə ta-si gə tar gə may baa ang, ngaa ꞌtɔjije njigi lə-si ɗəw kula gə ngaɓa gə tar gə tɔgərɔ.

1 Jean 4:19

Ye gə ɔji dɔ sijee ɗaa, njigi to mə-si gə mba ꞌne ja n-njigi-si dɔngɔr.

1 Jean 5:3

Be ɓa, njigi lə Luba le to ngom ndu-eje. Cibi ndu-eje le ɔyi ang,