Lugu 7:19 - Mbede Lə Luba Kone Gə Sigi

¹⁹ ula-je rɔ Mbayɓe gə mba kar ꞌdəji-e: Se ꞌi ja ꞌto dəw gə a ɗe le ose j-a ngəbə dəw gə ɗangə wa?

Testament ke Siki 1960 (Kabba Laka)

¹⁹ Jean bar ndjè kao gè tédjé djo, nouladè rò Mbaibé Seigneur té, mpana, I to nè ke nata dé, aséh djase ngebe mare doou ke dang wa?

Lugu 7:19 ပူးပေါင်းရင်းမြစ်များ

Marəke 6:7

Be ɓa Jeju ɓar ngan njenendoje gə dɔg gə gir-je gə joo le ɗaa ula-je joo-joo, ar-je singamongə dɔ njilje gə kṵra̰y gə.

Lugu 10:1

Go-e gə ɗaa, Mbayɓe tɔr ngan njenendoje gə ɗangə dɔg siri gə gir-je gə joo, ula-je joo-joo kede mə ɓeje gə tɔ̰y gə loje tɔ̰y gə ꞌne ja n-a kaw kəne.

Lugu 11:1

Ndɔ kara, Jeju aw lo gə kara be aw dəji Luba. Logə n-ila dəji lə-a nangə ɗaa, dəw kara horo ngan njenendoje gə lə-a pa ar-ɛ na: Ja̰ tɔji ngan njenendoje lə-a ɗəw dəji Luba, ꞌI kara, Mbayɓe, ꞌndo-si ɗəw dəji Luba.

Lugu 11:39

Ngaa Mbayɓe pa ar-ɛ na: Sisəy, Parijiyɛ̰je, ꞌtogoje gir ngo kay man gə gir ngo kusa ne ar-je arə ngadə, ngaa mə-sisəy ɗaa kəji bogo gə məndul ja ɗusu nji.

Lugu 12:42

Ɗaa Mbayɓe ila kəne na: Na ɓa to njengom ne gə to ngon kuji gə unda kəm karə dɔ rɔ-ɛ gə, ɓa ꞌɓəə-eje um kula ji-a gə, mba kar-ɛ n-ar dəwje gə mə kəy gə nekusa gə dɔ kar-ɛ kar-ɛ wa?

Lugu 13:15

Jeju ila-a kəne na: Njetar mulaje, ndɔ kuwa kɔr ja ɓa, dəwje gə kɛm horo-si gə ꞌtudu mangə ose kororo ta bəgərə nekusa gə d-ar aw ay man ang wa?

Lugu 17:5

Njeka̰ykulaje ꞌpa d-ar Jeju na: Ar singa takagə gə lə-si oso dɔ mar-ɛ gə.

Lugu 17:6

Mbayɓe ila kəne na: To gə ɓo takagə lə-si to yəm-yəm baa to to gə kandə kam nay gə ri-a na mutarədə ja kara, ꞌpaje ar-je kagə sikomɔr gə nee na: Ɔr gə ngira-i ɓo aw maa rɔ-i dan babo gə kən nama n-a kila kuji dɔ si gə.

Lugu 18:6

Mbayɓe pa dɔ mar-ɛ gə ja cibi na: ꞌTugaje mbi-si maj-ɛ oje ne tar gə nje gangə tar gə gə mbɔr-ɛ nee pa.

Lugu 19:8

Jase ar taar ɗaa, pa ar Mbayɓe na: O! Mbayɓe, m-a kar njendooje dəbə nekingaje lə-m tɔ̰y, ngaɓa, to gə ɓo m-ta ne lə dəw gə dɔ buguru nama, m-a kar-ɛ gɔl sɔɔ dɔ mar-ɛ gə.

Lugu 22:61

Mbayɓe kəl go-e a Piyɛr jii, ɗaa mə Piyɛr ole dɔ tar gə Mbayɓe pa sə-a na: Nam ɓa kar kura̰ ila mbərə ɓogəne le, a ma̰y tar gɔl munda na ꞌgərə-m ang.

Lugu 24:34

ɗaa, nje gə dɔg gə gir-je gə kara nee le pa ar-je gə joo le na: Tɔgərɔ ja, Mbayɓe le ꞌndol-e ja, n-tɔji rɔ-ɛ n-ar Simo.

Lugu 7:13

Logə Mbayɓe un kəm-e ila dɔ-ɛ gə ɗaa, o kəmtondoo lə-a ngaɓa pa ar-ɛ na: ꞌNo ang!

Lugu 7:20

Logə ngan njenendoje lə Ja̰ ɗe d-inga Jeju ɗaa, ꞌpa d-ar-ɛ na: Ja̰ Njeɗabatɛm ula si ɓə lə-i kar j-a dəji j-o: Se ꞌi ja ꞌto dəw gə a ɗe le, ose j-a ngəbə dəw gə ɗangə wa?

Jean 11:2

To Məri gə nee le ja ɓa um ubu gə ba̰y kəndə mambo̰ to kəne dɔ Mbayɓe gə cibi ngaɓa bɔrə gɔl-ɛ gə bḭ dɔ-ɛ. Ɗaa, ngon ngaw lə-a Lawjar ɓa rɔ-ɛ to-e.

Jean 4:1

Jeju gərə to gə Parijiyɛ̰je d-o tar təl gə n-təl dəwje ya̰ gə ngan njenendoje lə-a ngaɓa n-ɗa-je batɛm ya̰ tɔy Ja̰ nəm tɔ.

Jean 4:25

Jene pa ar-ɛ na: M-gərə to gə dəw gə d-um ubu dɔ-ɛ gə a ɗe ꞌne gə ꞌɓar-ɛ Kirisi. ꞌNe əng le, lo gə n-a ɗe nama n-a kɔr gəl neje tɔ̰y kar-si.

Jean 6:23

Ngaa, toje gə ɗangə d-ḭ Tiberiyadə gə ꞌɗe ꞌce dəb gə lo gə Mbayɓe ɗa oyo Luba ɓa ar dəwje mbə d-usa kəne.

Apocalypse 11:3

ɗaa m-pa m-ar njetar najije lə-m gə joo, mba kar d-ila mbərə kəm ndɔ tɔl-tɔl dɔg lo kara gə dɔ-ɛ gə tɔl-tɔl joo gə gir-e gə dɔg misa̰ gə d-ula kubu kuwa ndoo.