Lugu 7:13 - Mbede Lə Luba Kone Gə Sigi

¹³ Logə Mbayɓe un kəm-e ila dɔ-ɛ gə ɗaa, o kəmtondoo lə-a ngaɓa pa ar-ɛ na: ꞌNo ang!

Testament ke Siki 1960 (Kabba Laka)

¹³ Tokou Mbaibé Seigneur woè, nè nda mè madji sa, nè mpa narè, Enò ang.

Lugu 7:13 ပူးပေါင်းရင်းမြစ်များ

Marəke 8:2

M-o kəmtondoo lə bula dəwje nee; mba ndɔ munda ja ngaa d-isi sə-m, ngaa d-inga ne d-usa ang.

Lugu 10:1

Go-e gə ɗaa, Mbayɓe tɔr ngan njenendoje gə ɗangə dɔg siri gə gir-je gə joo, ula-je joo-joo kede mə ɓeje gə tɔ̰y gə loje tɔ̰y gə ꞌne ja n-a kaw kəne.

Lugu 11:1

Ndɔ kara, Jeju aw lo gə kara be aw dəji Luba. Logə n-ila dəji lə-a nangə ɗaa, dəw kara horo ngan njenendoje gə lə-a pa ar-ɛ na: Ja̰ tɔji ngan njenendoje lə-a ɗəw dəji Luba, ꞌI kara, Mbayɓe, ꞌndo-si ɗəw dəji Luba.

Lugu 11:39

Ngaa Mbayɓe pa ar-ɛ na: Sisəy, Parijiyɛ̰je, ꞌtogoje gir ngo kay man gə gir ngo kusa ne ar-je arə ngadə, ngaa mə-sisəy ɗaa kəji bogo gə məndul ja ɗusu nji.

Lugu 12:42

Ɗaa Mbayɓe ila kəne na: Na ɓa to njengom ne gə to ngon kuji gə unda kəm karə dɔ rɔ-ɛ gə, ɓa ꞌɓəə-eje um kula ji-a gə, mba kar-ɛ n-ar dəwje gə mə kəy gə nekusa gə dɔ kar-ɛ kar-ɛ wa?

Lugu 13:15

Jeju ila-a kəne na: Njetar mulaje, ndɔ kuwa kɔr ja ɓa, dəwje gə kɛm horo-si gə ꞌtudu mangə ose kororo ta bəgərə nekusa gə d-ar aw ay man ang wa?

Lugu 17:5

Njeka̰ykulaje ꞌpa d-ar Jeju na: Ar singa takagə gə lə-si oso dɔ mar-ɛ gə.

Lugu 17:6

Mbayɓe ila kəne na: To gə ɓo takagə lə-si to yəm-yəm baa to to gə kandə kam nay gə ri-a na mutarədə ja kara, ꞌpaje ar-je kagə sikomɔr gə nee na: Ɔr gə ngira-i ɓo aw maa rɔ-i dan babo gə kən nama n-a kila kuji dɔ si gə.

Lugu 18:6

Mbayɓe pa dɔ mar-ɛ gə ja cibi na: ꞌTugaje mbi-si maj-ɛ oje ne tar gə nje gangə tar gə gə mbɔr-ɛ nee pa.

Lugu 19:8

Jase ar taar ɗaa, pa ar Mbayɓe na: O! Mbayɓe, m-a kar njendooje dəbə nekingaje lə-m tɔ̰y, ngaɓa, to gə ɓo m-ta ne lə dəw gə dɔ buguru nama, m-a kar-ɛ gɔl sɔɔ dɔ mar-ɛ gə.

Lugu 22:61

Mbayɓe kəl go-e a Piyɛr jii, ɗaa mə Piyɛr ole dɔ tar gə Mbayɓe pa sə-a na: Nam ɓa kar kura̰ ila mbərə ɓogəne le, a ma̰y tar gɔl munda na ꞌgərə-m ang.

Lugu 24:3

Logə d-andə mə buwa yo gə ɗaa, d-inga nin Mbayɓe Jeju le ang.

Lugu 24:34

ɗaa, nje gə dɔg gə gir-je gə kara nee le pa ar-je gə joo le na: Tɔgərɔ ja, Mbayɓe le ꞌndol-e ja, n-tɔji rɔ-ɛ n-ar Simo.

Lugu 7:12

Logə Jeju unda dɔ ɓe dəb ɗaa, ꞌɗe gə yo mba dubu, to ngon kara lə jene nduba. Bula dəwje ꞌdan jene nee le.

Lugu 7:14

N-ɔdə n-uwa ta tuwa ɗaa nje gə d-un nin le d-ar nangə. Ɗaa n-pa na: Ngon basa̰, m-pa m-ar-i, ḭ taar!

Lugu 7:19

ula-je rɔ Mbayɓe gə mba kar ꞌdəji-e: Se ꞌi ja ꞌto dəw gə a ɗe le ose j-a ngəbə dəw gə ɗangə wa?

Lugu 8:52

Dəwje tɔ̰y ꞌno ngaɓa ꞌkunda kar-je mba ngon le. Jeju pa ar-je na: ꞌNoje ang, ngon le uy ang, ngaa n-aw cibi baa.

Jean 11:2

To Məri gə nee le ja ɓa um ubu gə ba̰y kəndə mambo̰ to kəne dɔ Mbayɓe gə cibi ngaɓa bɔrə gɔl-ɛ gə bḭ dɔ-ɛ. Ɗaa, ngon ngaw lə-a Lawjar ɓa rɔ-ɛ to-e.

Jean 11:3

Ko̰ nan-ɛje le d-ula ꞌpa d-ar Jeju na: Mbayɓe, rɔ njekura lə-i to-e.

Jean 20:13

ꞌJejee nee le ꞌpa d-ar Məri na: Jene, ꞌno mba ɗi wa? N-ila-je kəne na: D-ɔr Mbayɓe lə-m ɗaa, m-gərə lo gə d-ila-a kəne ang.

Jean 20:15

Jeju dəji-e na: Jene, ꞌno mba ɗi wa? Na ɓa ꞌsang-ɛ wa? N-əji to gə njendɔ ɗaa, n-pa n-ar-ɛ na: Bɔy, to gə ɓo ꞌI ɓa un-e aw sə-a nama ꞌpa lo gə ila-a kəne ar-m, ɗaa ꞌma, m-a kaw kun-e

Jean 4:1

Jeju gərə to gə Parijiyɛ̰je d-o tar təl gə n-təl dəwje ya̰ gə ngan njenendoje lə-a ngaɓa n-ɗa-je batɛm ya̰ tɔy Ja̰ nəm tɔ.

Jean 6:23

Ngaa, toje gə ɗangə d-ḭ Tiberiyadə gə ꞌɗe ꞌce dəb gə lo gə Mbayɓe ɗa oyo Luba ɓa ar dəwje mbə d-usa kəne.

1 Corinthiendjé 7:30

nje gə ꞌno kara may kar ɗa to to gə ꞌno ang be, nje gə ꞌɗa rɔləl kara may kar ꞌɗa to to gə ꞌɗa rɔləl ang be, nje gə ꞌndogo ne kara may kar ꞌɗa to to gə ne godo ji-je gə be,

1 Thessaloniciendjé 4:13

Ngan ko̰-mje, j-a njigi kar-sisəy isije dɔ mbə gə ɔji dɔ dəwje gə d-aw cibi le ang, mba kar ꞌɗaje ne rɔ-si gə ndoo to to gə dəwje gə ne kunda mə lə-je godo be ang.

Ebərəje 2:17

Cibi ɓa ɗəw neje gə tɔ̰y ja n-a təl ta naa gə ngan ko̰-ɛ kəne ɓa gə mba təl to buba njekapolo gə nje ɗa məmay, gə dəw gə gadə-gadə, ɗəw kula gə lə Luba kɔr ne tar neɗa gə kṵra̰y dɔ dəw mə ɓeje gə.

Ebərəje 4:15

Mba buba njekapolo lə-si le a kasə kum gə si naa gə dɔ ɗəəm gə lə-si ja, gəl-e gə ne ɓa ꞌne kara nena ce dɔ-ɛ gə ɗəw kara baa to to gə sijee be ja tɔ, ngaa n-ɗa neɗa gə kṵra̰y ang.