Lugu 6:47 - Mbede Lə Luba Kone Gə Sigi

⁴⁷ Dəw gə ɗa-ɗa ɓa ɗe rɔ-m gə, o tar ta-m gə ngaɓa ɗa ne kula nama m-a tɔji-si dəw gə n-taa sə-a naa.

Testament ke Siki 1960 (Kabba Laka)

⁴⁷ Dooudjé kada kada toï ke dé rom té, ke wo tar lom, ke dèdè ngem, ma ma tòdjousè dèdè nto tokou di wa.

Lugu 6:47 ပူးပေါင်းရင်းမြစ်များ

Matiye 12:50

Mba, dəw gə ɗa-ɗa gə ɗa mə njigi lə Bɔ-mje gə isi mə dara gə nama, nj-ɛ nee ɓa to ngon ko̰-m, ko̰ nan-m gə ko̰-mje.

Matiye 17:5

Logə Piyɛr aw pa tar be ja ɓi ɗaa, kil lə nji gə kasə rogo-rogo ɗe dəbə dɔ-je gə rigim. Ɗaa ndu dəw ɓar mə kil lə nji gə le na: ꞌNe gə nee le n-to Ngon njigi lə-m, gə n-to ngira rɔləl lə-m, oje tar t-ɛ gə.

Lugu 11:28

Ngaa Jeju ila kəne na: Nje gə d-o tar lə Luba gə ngom le, ꞌto njenokarəje!

Lugu 14:26

To gə ɓo dəw ɗe rɔ-m gə, ngaɓa ɓo njigi bɔb-ɛje, ose ko̰-ɛje, ose jene lə-a, ose ngan-ɛ, ose ngan ko̰-ɛ gə ko̰ nan-ɛ ose təbə lə-a ja ang gə kɔrɔ, nama to ngon njenendo lə-m ang.

Lugu 6:48

N-taa naa gə dəw gə unda kəy, uru buwa gadə kəy ar uru ya̰ ɓa um ər kəne nam ɓa unda kəy dɔ-ɛ gə. Logə man ta lo ɗaa kəy le to taar jagəra, mba kəy le d-unda gə maj-ɛ.

Lugu 8:13

Kandə kər gə um dɔ ranga gə le to to gə dəwje gə d-o tar, ɗaa ꞌta tar le gə tɔg-ɛ ɓa gə rɔləl, ngaa tar le ula ngira-a mə-je gə gə maj-ɛ ang; logə ꞌta kagə ɓa ɓo nena inga-je nama ꞌmbadə takagə lə-je.

Lugu 8:8

Kɛs-ɛ gə ɗangə um dɔ nangə gə may gə; logə ce gə mbi ɗaa unda tɔl-tɔl. Jeju pa tar gə ndu-e gə boy na: May kar dəw gə mbi-a to mbi ko tar nama o ne!

Jean 10:27

Badəmje lə-m d-o ndu-m, ꞌma le, m-gərə-je, ɗaa ꞌjejee ꞌndole go-m tɔ.

Jean 13:17

To gə ɓo ꞌgərəje gəl ne gə kən le gə maj-ɛ ngaɓa ꞌɗaje ne kula nama a toje gə njenokarəje.

Jean 14:15

To gə ɓo ꞌnjigi-mje nama a ngomje ndu-mje.

Jean 5:40

Ɗaa ꞌnjigije mba ɗe rɔ-m gə gə mba kinga təbə ang.

Jean 6:35

Jeju pa ar-je na: ꞌMa ja m-to gə mbə gə kar kisi gə təbə; dəw gə ɗe rɔ-m nama, ɓo a kɔr-ɛ ang ja saar, ngaɓa dəw gə ta kagə-m nama kunda a kɔr-ɛ ang ja saar tɔ.

Jean 6:37

Dəwje tɔ̰y gə Bɔ dəwje um-je ji-m gə le, d-a ɗe rɔ-m gə, ngaɓa dəw gə ɗe rɔ-m gə nama, m-a tɔb-ɛ kila-a ɗaga ang ja saar,

Jean 8:52

Be ɓa Jiibije ꞌpa d-ar-ɛ na: Ɓisine j-a gərə to gə njil gə kṵra̰y ula gərəng mə-i gə. Abəraham uy ngaɓa pajambərəje kara nəm tɔ, ɗaa ꞌI, ꞌpa na: To gə ɓo dəw um m-e dɔ-m gə nama a ko yo gə kəm-e ang ja saar!

Ebərəje 5:9

Logə n-tɔl ta kula lə-a bɛm ɗaa, n-təl n-to ɗəw kaji gə gə ndɔ gə ndɔ lə dəwje tɔ̰y gə d-a kila kuji dɔ-ɛ gə.

Jacques 4:17

Dəw gə gərə ɗa ne gə may, ɓa bo ɗa ang nama, ye ɗa neɗa gə kṵra̰y.

1 Piyɛr 2:4

ꞌƊəmje gə rɔ-ɛ gə, ꞌne gə n-to kɔr ər gə to kəm baa gə dəwje ꞌmbadə, ngaa n-may ta kəm Luba gə ɓa mbər-e.

2 Piyɛr 1:10

Gəl-e gə nee ɓa, ngan ko̰-m, undaje singa-si dɔ mar-ɛ gə ɔji dɔ ɓar gə Luba ɓar-si ngaɓa mbərə-si le, ɓo ꞌɗaje to gə be nama a koso-je dan neɗa gə kṵra̰y gə ang.

1 Jean 2:29

To gə ɓo sisəy ꞌgər-eje gə dəw gə gadə-gadə nam, to gə ɓo dəw ɗa-ɗa ɓa ɗa ne gə gadə-gadə nama may kar ꞌgərəje to gə ꞌne ja n-uji-e.

1 Jean 3:7

Ngan-m gə gɔgɔ, ar-je dəw ərə-si ang, dəw gə to nje ɗa ne gə gadə-gadə le to dəw gə gadə-gadə ja tɔ, to gə ꞌne kara n-to dəw gə gadə-gadə.

Apocalypse 22:14

Nje gə ꞌtogo kubu lə-je le, ꞌto gə njenokarəje mba d-asə kusa kandə kagə təbə, ngaɓa mba kar d-andə mə ɓebo gə ta ɗəw kəyje tɔ.