Lugu 6:19 - Mbede Lə Luba Kone Gə Sigi

¹⁹ Bula dəwje sangə ɗəw mba kɔr rɔ Jeju gə ji-je mba singa ce rɔ-ɛ gə ɓa aji-je tɔ̰y.

Testament ke Siki 1960 (Kabba Laka)

¹⁹ Dèdè toï ke mbona dao nsange deo ta kòrè, mbata singa téh rè té ke da ròdè toï madji.

Lugu 6:19 ပူးပေါင်းရင်းမြစ်များ

Matiye 14:36

ꞌƊa Jeju kɔgərɔ kar iya̰ ɗəw ar d-uwa ta kubu lə-a ja baa. Be ɓa dəwje tɔ̰y gə d-ɔr rɔ-ɛ le, d-aji kəbərə ja tɔ.

Marəke 3:10

Mba n-aji dəwje ya̰ ɗaa njerɔko̰je ꞌto kəgəgə gə mba kɔr-ɛ gə ji-je.

Marəke 5:30

Jeju gərə gə tɔg-ɛ baa mba singa-a ɔr. N-turu kəm-e wuri dan bula dəwje ɗaa n-pa na: Na ɓa ula ji-a ɔr ne kubu lə-m wa?

Marəke 6:56

Lo tɔ̰y gə n-aw kəne, ɓeboje, gə ngan ɓeje ose dɔ ndɔje, d-um njerɔko̰je nada ngaɓa ꞌɗ-ɛ kɔgərɔ kar n-ḭya̰ ɗəw n-ar d-uwa ta kubu lə-a ja baa. Be ɓa dəwje tɔ̰y gə d-ɔr rɔ-ɛ le d-aji kəbərə.

Marəke 8:22

Go-e gə ɗaa d-ɔdə d-aw Bɛdəsayida; ꞌɗe gə nje kəm tɔ d-ar Jeju, ngaɓa ꞌɗ-ɛ kɔgərɔ gə mba kar n-ɔr rɔ-ɛ.

Lugu 5:17

Ndɔ kara be, Jeju aw tɔji ne dəwje. Parijiyɛ̰je gə njekɔr gəl toronduje d-isi mbɔr-ɛ gə. D-ḭ ngan ɓeje gə dɔ nangə gə Galile, gə dɔ nangə gə Jude, gə mə ɓebo gə Jerujalɛm. Singamongə lə Mbayɓe nay gə Jeju ar-ɛ aji ne dəwje.

Lugu 6:18

Dəwje tɔ̰y nee le ꞌɗe mba ko tar lə Jeju ngaɓa ꞌɗe mba kar n-ɔr rɔko̰je lə-je. Jeju aji nje gə njilje gə kṵra̰y d-ula kəm-je ndoo.

Koula 19:12

ngaɓa ɗa ar dəwje d-aw gə ta kubuje ose kubuje gə ɔr rɔ Pɔl d-aw d-ɔr ne rɔ njerɔko̰je nama d-aji kəbərə ngaɓa njilje gə kṵra̰y kara ce mə-je nəm tɔ.

1 Piyɛr 2:9

Sisəy le ɗaa, ꞌtoje ko dəwje gə ꞌmbərə-je, njekapoloje gə kəy mbay gə, gəl kuji gə to gə losang-ɛ, dəwje gə n-unda-je gə njeka-ɛje, mba kar ilaje mbərə lə nje kɔr-si dan cil ciməri gə, kar isije dan lokarə gə al dɔ lo gə.