Lugu 5:32 - Mbede Lə Luba Kone Gə Sigi

³² M-ɗe mba ɓar dəwje gə gadə-gadə ang, ngaa m-ɗe mba ɓar dəwje gə njeneɗaje gə kṵra̰y kar ꞌturu kəji lə-je.

Testament ke Siki 1960 (Kabba Laka)

³² Mam ndé ta bar dooudjé ke gaté gaté ang, mam ndé ta bar dooudjé ke ndjè né da ke madjangdjé, ta karedè mbeté kedji né da ke madjang lodè.

Lugu 5:32 ပူးပေါင်းရင်းမြစ်များ

Matiye 18:10

Oje gə maj-ɛ, əwje rɔ-si dabəje ngon kara dasəra horo nje gə d-o-je gə ne ang gə mba m-pa m-ar-si to gə, anjije lə-je gə dara d-a lo gə kəm Bɔy gə isi mə dara jaga ja.

Matiye 9:13

Aw-je aw sangəje mə tar gə na: Ko kəmtondoo ɓa m-njigi ɓo nepolo ang mba m-ɗe mba ɓar dəwje gə d-o rɔ-je gə dəwje gə gadə-gadə ang, ngaa m-ɗe mba njeneɗaje gə kṵra̰y.

Marəke 15:10

Mba n-gərə to gə nər mə ɓa buba njekapoloje d-uwa ne Jeju d-ula-a ji-a gə.

Marəke 15:7

Dəw kara ri-a na Barabas je gə njekuraje lə-a d-umje kəy kula gə gə nje gə ꞌɗa dɔ ngang gə njeko̰ ɓeje ꞌtɔl ne dəw.

Marəke 2:17

Logə tar-ɛ oso mbi Jeju gə ɗaa, pa ar-je na: Dəwje gə rɔ-je to gə maj-ɛ le ꞌsangə dɔgətoro ang, ngaa njerɔtoje ɓa. M-ɗe mba ɓar dəwje gə gadə-gadə ang, ngaa mba njeneɗaje gə kṵra̰y.

Lugu 15:10

Ɗəw kara baa, m-pa m-ar-si, logə njeneɗa gə kṵra̰y turu kəji lə-a nama, rɔ anjije lə Luba ləl-je.

Lugu 15:7

Ɗəw kara baa, m-pa m-ar-si, logə njeneɗa gə kṵra̰y turu kəji nama, to rɔləl ya̰ mə dara gə unda dəwje gə gadə-gadə dɔg ji nay kara gə gir-je gə ji nay kara gə ꞌturu kəji lə-je ang.

Lugu 19:10

Mba ꞌma gə Ngon lə dəw m-ɗe mba sangə gə kaji nje gə d-igi.

Lugu 24:47

Ɗaa, d-a kila mbərə turu kəji gə kar kɔr tar neɗa gə kṵra̰y gə ri-a dɔ gəl kuji dəwje gə tɔ̰y, a kun kud-e mə ɓe gə Jerujalɛm gə.

Lugu 5:31

Be ɓa, Jeju ila-je kəne na: Dəwje gə rɔ-je to gə maj-ɛ le ꞌsangə dɔgətoro ang, ngaa njerɔtoje ɓa.

Lugu 5:33

Cibi, ꞌpa d-ar Jeju na: Ngan njenendoje lə Ja̰ gə nje kar Parijiyɛ̰je ꞌtɔl mə-je ɓo taar-taar ngaɓa ꞌdəji Luba, ngaa nje kar-ije d-usa ne gə d-ay ne tɔ.

Koula 17:30

Luba le, ḭya̰ go neje gə dəw ɗa dɔ kar mbə gə ɗaa ɓogəne ila mbərə ar dəwje gə lo tɔ̰y ja mba kar ꞌturu kəji lə-je,

Koula 2:38

Piyɛr pa ar-je na: ꞌTuruje kəji lə-si, ngaɓa na-na ja kara ar ꞌɗ-ɛ batɛm gə ri Jeju Kirisi, mba kar tar neɗa gə kṵra̰y ɔr ne dɔ-ɛ gə, ɗaa a kingaje nenuji lə Njil Njerɔsangə.

Koula 20:21

m-pa gə ɗaga m-ar Jiibije gə dəwje gə ꞌgərə Luba ang mba kar turu kəji gə rɔ Luba gə ngaɓa ꞌta kagə Mbayɓe lə-si Jeju.

Koula 3:19

Be ɓa ꞌturuje kəji lə-si gə ꞌmbəlje mə-si ɓo ar-je Luba bɔrə ne neɗa gə kṵra̰y lə-si gə kɔrɔ.

Koula 3:26

Luba ɔr ngon njekula lə-a ula ɓe lə-sisəy ja dɔngɔr, mba kar n-tɔr ndu dɔ si gə, gə mba kar na-na kara mbadə ne go neɗaje gə kṵra̰y lə-a.

Koula 5:31

Luba unda-a dɔ ji kɔl-ɛ gə, gə Mbay ngaɓa gə Njekaji dəwje, mba kar Ijirayɛlje ꞌturu ne kəji lə-je ngaɓa gə mba kar tar neɗa gə kṵra̰y ɔr ne dɔ-je gə.

2 Piyɛr 3:9

To ngə̰y ɓa Mbayɓe ngə̰y dɔ tar təl gə lə-a le to to gə nje gə kɛm d-əji ne ang. Ngaa n-ila m-e dɔ mar-ɛ gə ɔji dɔ sisəy ja, mba n-njigi kar dəw kara horo-si gə uba tuji ang, ngaa kar dəwje tɔ̰y ja ꞌturu kəji lə-je.