Lugu 5:22 - Mbede Lə Luba Kone Gə Sigi

²² Ngaa Jeju gərə kəji lə-je, ɗaa pa ar-je na: Mba ɗi ja ɓa kəji tar gə be to mə-si gə wa?

Testament ke Siki 1960 (Kabba Laka)

²² Tokou Jésus geré kedji lodè, nè ntél tar naredè, Mbata di a edjidjé tar nèn mèsè té wa?

Lugu 5:22 ပူးပေါင်းရင်းမြစ်များ

Matiye 12:15

Ngaa Jeju o tar-ɛ ɗaa ɔdə lo-e gə gə ɗangə. Dəwje bula ꞌndole go-e ɗaa n-aji-je tɔ̰y;

Matiye 12:25

Mba Jeju gərə kəji lə-je le ɗaa pa ar-je na: Ɓeko̰ gə ɗa-ɗa ɓa ɓo kay rɔ-ɛ dana cila kəm naa nama a tuji. Ngaɓa ɓebo ose kəy gə kay naa to kəne ɓa ꞌtəl cila kəm naa nama a tuji tɔ.

Matiye 9:4

Be ɓa, Jeju gə gərə kəji lə-je le təl pa ar-je na: Mba ɗi ɓa aw-je gə kəji tar gə kṵra̰y be mə-si gə wa?

Marəke 8:17

Jeju gərə tar kəji lə-je ɗaa pa ar-je na: Mba ɗi ɓa ꞌwɛdə-je tar horo naa gə mba mbə gə godo ji-si gə le wa? Oje tar ɗaa unja-si ang ja dɔro ɓi wa? Ose ꞌgərəje m-e ang ja dɔro ɓi wa? Mə-si kədərə wa?

Lugu 24:38

Ngaɓa Jeju pa ar-je na: Mba ɗi ɓa ꞌjɔgəje rɔ-si, ngaɓa tar ma̰y ɗusu dɔ ɓəngərə si wa?

Lugu 5:21

Njekɔr gəl toronduje je gə Parijiyɛ̰je ꞌyṵrṵ tar mə-je gə ngaɓa ꞌpa na: Dəw gə nee le to na ja ɓa, aw pa tar taji ne Luba nee wa? Na ɓa asə kɔr tar neɗaje gə kṵra̰y dɔ dəw gə wa? Se Luba ja gə kar-ɛ baa ang wa?

Lugu 5:23

Pa tar kar dəw na: Tar neɗaje gə kṵra̰y ɔr dɔ-i gə ɓa to ɓəəl ya̰ ose, ꞌye gə na: Ḭ taar, un tuwa lə-i, ɓo n-nja ɓa to ɓəəl ya̰ wa?

Koula 5:3

Be ɓa Piyɛr pa ar Ananiyas na: Mba ɗi ɓa ꞌSu ta mə-i ar-i ꞌpa tar gə ɗəgərə ar Njil Njerɔsangə ngaɓa ɔr dəbə lar lo le iya gə go ji-i wa?

Ebərəje 4:12

Mba tar lə Luba le to kəm baa ngaɓa mii, adə unda kiya bayi gə t-ɛ ɓe joo gə adə pəm-pəm; n-andə mə kəm gə kɔrɔgə, n-andə mə njil gə kɔrɔgə, n-asə gangə lokurugo̰je gə kandə dan ubu gə mə singa gə; n-təgə ɓo neje gə tar kəjije gə to mə dəw gə n-um ɗaga.

Apocalypse 2:23

Ngan-ɛ le, m-a kar-je d-uy, ɗaa mbo̰ naa lə njetakagəje tɔ̰y d-a gərə to gə ꞌma m-to gə dəw gə nje gərə mə dəwje gə dɔ ɓəngərə-je, ɗa m-a kuga dɔ ji si, na-na nama ɔji dɔ kula ɗ-ɛje.