Lugu 5:17 - Mbede Lə Luba Kone Gə Sigi

¹⁷ Ndɔ kara be, Jeju aw tɔji ne dəwje. Parijiyɛ̰je gə njekɔr gəl toronduje d-isi mbɔr-ɛ gə. D-ḭ ngan ɓeje gə dɔ nangə gə Galile, gə dɔ nangə gə Jude, gə mə ɓebo gə Jerujalɛm. Singamongə lə Mbayɓe nay gə Jeju ar-ɛ aji ne dəwje.

Testament ke Siki 1960 (Kabba Laka)

¹⁷ Mare ndò kada tokou nè nao ntòdjou tar, mare Pharisiendjé ke ndjè tòdjou tar ndedjidjé disi ngosiba. Dèdè ndé ke béh té toï ke Galilée ke Judée ke Jérusalem. Singa lo Mbaibé Seigneur éh ke Jésus ta da rò dooudjé madji.

Lugu 5:17 ပူးပေါင်းရင်းမြစ်များ

Matiye 11:5

Nje kəm tɔje d-o lo, njeməndəje ꞌnja, gə rɔ njebənjije arə ngadə nəm, mbigije kara d-o tar nəm, dəwje gə d-uy kara ꞌtəl ndol nəm ɓa, d-ila mbərə Tar gə May d-ar njendooje nəm.

Matiye 15:1

Be ɓa Parijiyɛ̰je gə njekɔr gəl toronduje d-ḭ Jerujalɛm ꞌɗe d-inga Jeju ɗaa ꞌpa na:

Marəke 1:45

Ngaa, dəw nee le, logə ɔdə aw ɗaa, ila mbərə tar le gadəmagay gə ɓolong-ɓolong ngaɓa aw ne gə kede-kede, ar logə Jeju a kandə ne mə ɓe gə nda̰-nda̰ godo. Be ɓa Jeju ar gir ɓe gə ɗaga, ndag lo gə, d-ḭ gə loje dang-dang ꞌɗe d-inga-a.

Marəke 16:18

d-a kuwa li gə ji-je, ꞌyɛl-je gə kuma tɔl dəw d-ar d-ay kara a ɗa gə je ne kara ang, d-a kila ji-je dɔ njerɔko̰je gə ɗaa nj-ɛje d-a kaji.

Marəke 3:22

Njekɔr gəl toronduje gə d-ḭ Jerujalɛm ꞌpa na: Bɛləjebul ɗa ɓe m-e gə; mbay lə njilje gə kṵra̰y ɓa ar-ɛ singa n-tɔbə ne njilje gə kṵra̰y.

Marəke 5:30

Jeju gərə gə tɔg-ɛ baa mba singa-a ɔr. N-turu kəm-e wuri dan bula dəwje ɗaa n-pa na: Na ɓa ula ji-a ɔr ne kubu lə-m wa?

Marəke 7:1

Parijiyɛ̰je gə njekɔr gəl toronduje gə kɛm gə d-ḭ Jerujalɛm ɗe d-isi gə Jeju.

Lugu 15:2

Parijiyɛ̰je gə njekɔr gəl toronduje ꞌyṵrṵ tar horo naa ngaɓa ꞌpa na: Dəw gə nee le uwa njeneɗaje gə kṵra̰y gə rɔ-ɛ gə, ngaɓa usa gə je ne nəm səmə!

Lugu 2:46

Ndɔ gə njekum gə munda ɓa d-inga ngon le mə kəy gə lə Luba. N-isi horo njekɔr gəl toronduje gə, n-tuga mbi-a n-o tar lə-je ngaɓa n-dəji-je tar tɔ.

Lugu 5:21

Njekɔr gəl toronduje je gə Parijiyɛ̰je ꞌyṵrṵ tar mə-je gə ngaɓa ꞌpa na: Dəw gə nee le to na ja ɓa, aw pa tar taji ne Luba nee wa? Na ɓa asə kɔr tar neɗaje gə kṵra̰y dɔ dəw gə wa? Se Luba ja gə kar-ɛ baa ang wa?

Lugu 5:30

Parijiyɛ̰je je gə njekɔr gəl toronduje ꞌyəngə tar ngaɓa ꞌpa d-ar ngan njenendoje lə-a na: Mba ɗi ɓa usa-je ne gə ay-je ne gə njembo̰ lar gədə ɓeje gə njeneɗaje gə kṵra̰y naa gə wa?

Lugu 6:19

Bula dəwje sangə ɗəw mba kɔr rɔ Jeju gə ji-je mba singa ce rɔ-ɛ gə ɓa aji-je tɔ̰y.

Lugu 7:30

Parijiyɛ̰je je gə njekɔr gəl toronduje ꞌmbadə ne gə Luba njigi ɗa mba tar lə-je, ɗaa njigi kar Ja̰ ɗa-je batɛm ang.

Lugu 8:46

Ngaa Jeju ila kəne na: Dəw ɔr rɔ-m, mba m-gərə to gə singa-m ɔr wudu.

Jean 3:10

Jeju təl ila-a kəne na: ꞌI gə to njenetɔji gə boy mə ɓe gə Ijirayɛl le ja ꞌgərə ne gə nee ang wa?

Jean 3:21

Ngaa dəw gə nje ɗa ne gə tɔgərɔ le nja dan lokarə gə, mba kila ne dɔ kula ɗ-ɛje gə ɗaga tɔji ne to gə ɗa kulaje lə-a gə go mə njigi lə Luba.

Koula 19:11

Luba uwa ji Pɔl ɗa ne nemisije gə dəw o gɔl kara ang,

Koula 4:30

Ula ji-i aji ne njerɔko̰je, gə ꞌɗa ne netɔjije gə neje dang-dang gə kəm dəw o ndɔ kara ang gə ri ngon njekula lə-i Jeju gə njerɔsangə.

Koula 5:34

Ngaa Parijiyɛ̰ kara ri-a na Gamaliyɛl, gə to baw negərə gə ɔji dɔ torondu ngaɓa dəw mə ɓeje tɔ̰y ꞌnjigi tar lə-a ya̰, uba nangə ḭ no ngɔ gangə tar gə lə Jiibije, un ɗəw mba kar dəwje nee le ꞌce ɗaga ɓəəl ɓa ꞌtəl ɓi.