Lugu 4:41 - Mbede Lə Luba Kone Gə Sigi

⁴¹ Njilje gə kṵra̰y gə ce mə dəwje gə bula le d-uru ꞌkuwi na: ꞌI to ngon lə Luba. Ngaa Jeju ḭ gə je gə singa, ɗaa un ɗəw ar-je kar ꞌpa tar ang mba ꞌgərə som to gə n-to Kirisi.

Testament ke Siki 1960 (Kabba Laka)

⁴¹ Ndildjé ke madjang téh mè maredjé té ke baya to, mpana, I to Ngon lo Allah. Nè ndangedè, nè naredè ta pa tar ang mbata dèdè ngeré nè nto Christ ndja.

Lugu 4:41 ပူးပေါင်းရင်းမြစ်များ

Matiye 26:63

Jeju ar t-ɛ munduru. Ɗaa buba njekapolo le pa ar-ɛ na: M-un ndu-m m-ar-i gə ri Luba gə nje kisi kəm baa ja, mba kar-i ꞌpa ar-si j-o, ꞌto Kirisi, Ngon lə Luba wa?

Matiye 4:3

Nje kərə dəwje le ɗe inga-a ɗaa pa ar-ɛ na: To gə ɓo ꞌto Ngon lə Luba nama, un ndu-i ar kɔr ərje gə nee le ꞌtəl mbə d-ar-i usa.

Matiye 8:16

Kar kumatagə ɗaa, ꞌɗe gə dəwje bula gə njilje gə kṵra̰y ɗa ɓe mə-je gə. Logə Jeju pa tar ja ɗaa njilje le ce, ar nj-ɛje d-inga kaji.

Matiye 8:29

D-uru ꞌkuwi na: Ngon lə Luba, ɗi ɓa aw njigi ji-si gə wa? ꞋI ɗe mba bɛ̰ ta-si kede nam ɓa kar ndɔ gangə tar gə Luba ɔji asə wa?

Matiye 8:4

Cibi ɓa Jeju təl pa ar-ɛ na: ꞌNgom ta-i, ɓo ꞌpa ar dəw ang, ɗaa ɔdə aw ar njekapolo o-i, ngaɓa aw un nepolo to gə Moyiji pa tar-ɛ mə mbede gə le, mba kar to tar naji ar-je ꞌgərə to gə rɔ-i arə ngadə.

Marəke 1:25

Jeju ndang-ɛ na: Udu ta-i ɓo ꞌce mə dəw gə nee le!

Marəke 1:32

Kar kumatagə, logə kar andə sɔlɔgə ɗaa, ꞌɗe gə njerɔtoje tɔ̰y ngaɓa nje gə njilje gə kṵra̰y ꞌɗa ɓe mə-je gə d-ar Jeju.

Marəke 1:34

Jeju aji dəwje bula gə rɔko̰je dang-dang ɗa-je, ngaɓa n-tɔbə njilje gə kṵra̰y bula ja ngaa n-ḭya̰ ɗəw n-ar ꞌpa tar ang mba ꞌgər-e som.

Marəke 3:11

Logə nje gə njilje gə kṵra̰y ɗa ɓe mə-je gə d-o Jeju ɗaa, d-oso nangə no gɔl-ɛ gə ngaɓa d-uru ꞌkuwi na: ꞌI to Ngon lə Luba.

Lugu 4:39

Jeju ɗəm yəng gə dɔ-ɛ gə ɗaa, n-ndangə rɔ-ɛ gə ta pər lam-lam le, ɗaa təl kul mbɔ̰y. Lo-e gə nee ja, mum Simo-je le uba nangə ḭ taar ar-je nekusa.

Jean 20:31

Ɗaa, neje gə nee le, ꞌɗa mba kar-si ꞌtaje ne kagə to gə Jeju to Kirisi, Ngon lə Luba, ngaɓa gə ɗəw takagə gə nee tɔ ɗaa ingaje ne təbə gə ri-a tɔ.

Jacques 2:19

ꞌTa kagə to gə Luba kara baa ɗəgədə wa? ꞌƊa gə dɔ gɔl-ɛ ja. Njilje gə kṵra̰y kara ꞌta kagə to gə bənəng tɔ, ɗaa ꞌɓəəl d-isa baa ɗɛgə-ɗɛgə.