Lugu 4:35 - Mbede Lə Luba Kone Gə Sigi

³⁵ Jeju ḭ sə-a gə tar na: Udu ta-i ɓo ꞌce mə dəw gə nee le. Njil gə kṵra̰y uwa dəw le ila-a nangə, ngaɓa ɔsə lo ce ɗaa ɗa sə-a ne kara ang.

Testament ke Siki 1960 (Kabba Laka)

³⁵ Jésus ndangè pana, Eo, etéh daka mè doou té nèn. Tokou ndil ke madjang ila doou nèn nange horodè té, nè ntéh daka mèa té, nda sa madjang ang.

Lugu 4:35 ပူးပေါင်းရင်းမြစ်များ

Matiye 17:18

Jeju ndangə njil gə kṵra̰y le gə singa ɗaa njil le ce mə ngon gə le ar-ɛ aji gə lo-e gə əng ja.

Matiye 8:26

Jeju ḭ gə je na: ꞌƁəəlje mba ɗi wa? ꞌToje dəwje gə takagə lə-si əngə. Ngaɓa Jeju ḭ ar taar, ndangə ləl je gə babo ɗaa mbi lo pa kəng.

Marəke 1:26

Njil gə kṵra̰y le sore dəw le ar-ɛ isa pig-pig, ngaɓa ɔsə lo ce gə ꞌkuwi t-ɛ gə ɓolong.

Marəke 4:39

Be ɓa Jeju ndol ɗaa, ndangə ləl ngaɓa pa ar babo na: Əw rɔ-i! Ləl gangə njɛd ar mbi lo pa kəng.

Marəke 9:26

Be ɓa n-ce gə ꞌkuwi ngaɓa n-uwa ngon le gə singa ɗaa, ngon le to rəgədə to gə dəw gə uy be, ar dəwje bula ja ꞌpa na n-uy ngaa.

Lugu 11:22

Ngaa, dəw gə uba singa unda-a ce dɔ-ɛ gə, cɛd-ɛ ɗɔ ngaɓa uwa-a nekadəje lə-a gə n-unda m-e kəne car ta ɗaa, odo nekingaje lə-a tɔ̰y kay dəwje.

Lugu 4:23

Jeju pa ar-je na: Gə kən ɗaa, a paje gusutar gə nee: Dɔgətoro, aji rɔ-i ꞌi ja. Neje tɔ̰y gə ꞌɗa mə ɓe gə Kapɛrənom gə j-o tar-ɛ le, ꞌɗa ɗəw kara baa mə ɓe kuji-i gə nee tɔ.

Lugu 4:39

Jeju ɗəm yəng gə dɔ-ɛ gə ɗaa, n-ndangə rɔ-ɛ gə ta pər lam-lam le, ɗaa təl kul mbɔ̰y. Lo-e gə nee ja, mum Simo-je le uba nangə ḭ taar ar-je nekusa.

Lugu 4:41

Njilje gə kṵra̰y gə ce mə dəwje gə bula le d-uru ꞌkuwi na: ꞌI to ngon lə Luba. Ngaa Jeju ḭ gə je gə singa, ɗaa un ɗəw ar-je kar ꞌpa tar ang mba ꞌgərə som to gə n-to Kirisi.

Lugu 8:24

Ngan njenendoje lə-a ꞌndol-e ɗaa ꞌpa na: Njenetɔji, Njenetɔji, j-a kaw kinga tuji! Jeju ndol ɗaa, ndangə ləl gə ꞌpagəm le ɗaa d-unda nangə ar mbi lo pa kəng.

Lugu 9:39

Njil le uwa-a nama ar-ɛ n-uru ꞌkuwi, ngaɓa n-isa baa mir-mir, hug-hug t-ɛ uwa t-ɛ ndor-ndor. Njil le ula kəm-e ndoo ya̰ ɓa ḭya̰-a ɓi.

Lugu 9:42

Logə ngon le unda dɔ Jeju dəb ɗaa, njil le uwa-a gə singa ila-a nangə, ngaɓa mbir-e ar-ɛ n-to rəgədə to gə dəw gə uy be. Ngaa Jeju ndangə njil gə kṵra̰y le ɗaa, aji ngon le, ngaɓa təl ula-a ji bɔ-ɛje gə.

Apocalypse 12:12

Gəl-e gə nee ɓa, dara, gə sisəy gə lo kisi lə-si to kəne ꞌɗa-je ndam. Tuji uba-si, dɔ nangə, gə babo, mba ꞌSɛ̰ngərɛ̰ le aw gə nangə dɔ-si gə əng wungu ɗusu m-e, mba n-gərə to gə dɔ kar lə-a nay njɛ̰ baa ngaa.