Lugu 4:18 - Mbede Lə Luba Kone Gə Sigi

¹⁸ Njil lə Mbayɓe isi dɔ-m gə, Mba n-um ubu dɔ-m gə. Mba kar m-aji nje gə ɓəngərə-je ti mbidi Mba kar m-ila mbərə Tar gə May m-ar njendooje. D-ula-m mba kar m-ta nje gə d-ula kəm-je ndoo m-um-je taar, Nje kəm tɔje kar d-a ko lo, Nje gə d-ula kəmje ndoo kar d-inga dɔ to ləl pɛ.

Testament ke Siki 1960 (Kabba Laka)

¹⁸ Ndil lo Mbaibé Seigneur to dòm té, mbata nè nila oubou dòm té ta pa tar ke madji kare dangetédjé. Nè noulam ta pa kare beredjé tar ta karedè téh daka dòdè to lél pè, ke ta kare ndjè kem tòdjé wo loou, ke ta kòrou dooudjé djidè té ke dwaadè ngeng.

Lugu 4:18 ပူးပေါင်းရင်းမြစ်များ

Matiye 11:5

Nje kəm tɔje d-o lo, njeməndəje ꞌnja, gə rɔ njebənjije arə ngadə nəm, mbigije kara d-o tar nəm, dəwje gə d-uy kara ꞌtəl ndol nəm ɓa, d-ila mbərə Tar gə May d-ar njendooje nəm.

Matiye 12:18

Oje ngon njekula lə-m gə m-mbər-e, ꞌNe gə m-njig-e gə maj-ɛ m-ar kəm lə-m inga rɔləl dɔ-ɛ gə. M-a kum Njil-m dɔ-ɛ gə Ɗaa n-a kila mbərə neɗa gə gadə-gadə kar gəl kuji dəwje

Matiye 12:20

N-a kuwa kɔb gə ɗugu cɛdə ang, Ngaɓa n-a tɔl ɗuguru ta pər gə aw tu ang Saar ja kar neɗa gə gadə-gadə a cɛdə ne ɗɔ.

Matiye 4:16

Dəwje gə d-isi dan cil ciməri gə, A d-o lokarə gə boy, Ngaɓa dəwje gə d-isi dɔ nangə gə Galile. Gə d-isi cil ciməri mba kuy, Ɓa lo ar dɔ-je gə.

Matiye 5:3

Nokarə to kar njendooje mə kəji gə lə-je, Mba ɓeko̰ gə dara to karə-je.

Lugu 4:17

ɗaa d-ula mbede lə pajambərə Ejay ji-a gə; logə n-tudu mbede le ɗaa, n-ila kəm-e dɔ bar-ɛ gə ꞌɗa na:

Lugu 6:20

Jeju a ngan njenendoje lɛdɛdɛ, ɗaa pa na: Nokarə to kar-sisəy njendooje, mba ɓeko̰ lə Luba to kar-si

Lugu 7:22

Cibi, n-ila nje gə d-ula-je kəne na: Neje gə oje gə kəm-si, gə mbi-si nəm le, aw ꞌpaje tar-ɛ ar-je Ja̰ to gə be: Nje kəm tɔje d-o lo, njeməndəje ꞌnja, gə rɔ njebənjije arə ngadə nəm, mbigije kara d-o tar nəm, dəwje gə d-uy kara təl ndol nəm ɓa, d-ila mbərə Tar gə May d-ar njendooje nəm.

Jean 1:41

Ngon ko̰-ɛ Simo ja n-inga dɔngɔr, ɗaa n-pa n-ar-ɛ na: Sijee le j-inga Mesi, kɔr m-e na: Kirisi.

Jean 12:46

ꞌMa gə m-to gə lokarə le, m-ɗe dɔ nangə gə nee mba kar na-na gə ta kagə-m nama isi dan cil ciməri gə ang.

Jean 3:34

mba dəw gə Luba ula-a le, tar gə ta Luba gə ja ɓa ye pa, mba Luba ar Njil lal tura go-e.

Koula 10:38

Luba ar Jeju gə Najarɛd singamongə ɗəw gə lə Njil Njerɔsangə n-nja ne gə lo-lo ɗa ne may ngaɓa n-aji ne dəwje tɔ̰y gə ꞌSɛ̰ngərɛ̰ uwa-je ɓərə gə, mba Luba nay sə-a.

Koula 26:18

mba kar-i ꞌcɛ̰ kəm-je ar-je d-uba londul d-ḭya̰ ꞌturu kəm-je gə lokarə gə ngaɓa kar ꞌce lo gə ꞌSu o̰ ɓe kəne ɓo ꞌɗəm gə rɔ Luba gə, ɓo d-ar tar neɗa gə kṵra̰y ɔr dɔ-je gə, ngaɓa d-inga nenduba naa gə gə nje gə to gə losang-ɛ ɗəw ta kagə-m gə.

Koula 4:26

Mbayje gə nangə nee d-um njuma mə naa gə Ngaɓa mbayje mbo̰ naa D-ila kagə no Mbayɓe gə gə no Kirisi gə lə-a.

Koula 4:27

Tɔgərɔ ja mbay Erɔdə je gə Po̰s Pilad d-um njuma mə naa gə mə ɓe gə nee, gə gəl kujije ngaɓa gə dəw mə ɓeje gə Ijirayɛl d-ila kagə no Jeju gə, ngon njekula gə lə-i njerɔsangə gə um ubu dɔ-ɛ gə.

Colossiendjé 1:13

N-ɔr si lo gə cil ciməri o̰ ɓe kəne, ɗaa n-odo-si n-um-si mə ɓeko̰ gə lə ngon-e gə njigi-e gə maj-ɛ,

Jacques 2:5

Ngan ko̰-mje gə m-njigi-si ya̰, ꞌtugaje mbi-si oje: Se Luba ja ɓa mbərə nje gə ꞌto gə njendooje kəm dəwje gə dɔ nangə nee ɓa mba kar ꞌtəl to gə bawje ɗəw takagə, ngaɓa gə nje kuwa nendubaje gə mə ɓeko̰ gə lə-a, gə n-uwa dɔ gɔl-ɛ n-ngəbə nje gə ꞌnjigi-e le ang wa?

1 Piyɛr 2:9

Sisəy le ɗaa, ꞌtoje ko dəwje gə ꞌmbərə-je, njekapoloje gə kəy mbay gə, gəl kuji gə to gə losang-ɛ, dəwje gə n-unda-je gə njeka-ɛje, mba kar ilaje mbərə lə nje kɔr-si dan cil ciməri gə, kar isije dan lokarə gə al dɔ lo gə.