Lugu 3:1 - Mbede Lə Luba Kone Gə Sigi

¹ Mə ɓal gə dɔg gə gir-e gə mi gə Tibɛr Sejar o̰ ne dɔ nangə gə Rɔm, dɔ ndɔ gə Po̰s Pilad to ne njeko̰ ɓe gə dɔ nangə gə Jude. Erɔdə kara to mbay gə dɔ nangə gə Galile, ngaɓa Pilibi, gə to ngon bɔ Erɔdə le, o̰ dɔ nangə gə Iture gə dɔ nangə gə Tərakonid. Lisaniyas kara to ne mbay gə Abilɛn.

Testament ke Siki 1960 (Kabba Laka)

¹ Ke bal dòkou gérè mi ke Tibère César ö béh, Ponce Pilate isi ndjè ko nange ke Judée, Hérode isi mbai er kada nange té ke Galilée, ke ngoköè Philippe isi mbai er kada nange té ke Iturée ke Trachonite, Lysanias isi mbai er kada nange té ke Abilène.

Lugu 3:1 ပူးပေါင်းရင်းမြစ်များ

Matiye 14:1

Dɔ kar-ɛ gə əng le, Erɔdə Antipas gə to njeko̰ ɓe gə Galile, o tar gə ɔji dɔ Jeju

Matiye 14:3

Erɔdə pa to gə be mba ꞌne ja n-ar-je d-uwa Ja̰ ꞌtɔ-ɛ gə kula lar, d-ila-a kəy kula gə mba tar lə Erɔdiyadə gə to jene lə ngon ko̰-ɛ Pilibi.

Matiye 14:6

Logə ndɔ ɗa nay kuji Erɔdə asə ɗaa, ngon lə Erɔdiyadə gə jene uru dana gə la ɗaa la le ləl Erɔdə ya̰,

Matiye 22:17

ꞌPa tar gə mə kəji gə lə-i ɔji dɔ tar gə nee ar-si j-o: Ɗəw to kar dəw uga lar gədə ɓe lə Sejar ose uga ang wa?

Matiye 27:2

Logə ꞌtɔ-ɛ ɗɔdə ɗaa, d-aw sə-a d-aw d-ula-a ji njeko̰ ɓe gə ri-a na Pilad.

Marəke 6:17

Erɔdə pa to gə be mba ꞌne ja n-ar-je d-uwa Ja̰ kede nam, ngaɓa tɔ-ɛ gə kula lar, d-ila-a kəy kula gə mba tar lə Erɔdiyadə gə to jene lə ngon ko̰-ɛ Pilibi, gə n-t-ɛ le.

Marəke 6:21

To gə be ɓa, ndɔ gə tudu bina a cɛdə koso ne kəm ngəm gə ɗe. Logə ndɔ ɗa nay kuji Erɔdə asə ɗaa, ar-je ꞌkoro muru gadə d-ar ɓar ne dəwje lə-a gə bo-bo, gə njekɔr no njeɗɔje, gə buba ɓeje gə dɔ nangə gə Galile.

Lugu 13:31

Dɔ ndɔ-ɛ gə əng ja, parijiyɛ̰je gə kɛm ɗe d-inga Jeju pa d-ar-ɛ na: Ɔdə lo gə nee gə gə ɗangə mba mbay Erɔdə njigi tɔl-i.

Lugu 2:1

Dɔ ndɔ-ɛ gə əng le, mbay gə boy Sejar Ogusəd un ndu mba kar d-unda ri dəwje tɔ̰y mə mbede gə dɔ nangə gə Rɔm tɔ̰y.

Lugu 23:24

Pilad un ndu kar ꞌɗa ne gə ꞌdəji le d-ar-je.

Lugu 3:19

Ngaa, Ja̰ ndangə Mbay Erɔdə gə ta Erɔdiyadə, jene lə ngon ko̰-ɛ nəm, ngaɓa n-ndang-ɛ ɔji dɔ neɗa-ɛje gə kɛm gə kṵra̰y.

Lugu 9:7

Neje tɔ̰y gə aw nday le, Erɔdə Antipas gə to njeko̰ ɓe gə Galile o tar-ɛ, ɗaa kəji jɔg-ɛ ya̰. Mba nje gə kɛm ꞌpa to gə Ja̰ gə uy le təl ndol;

Koula 23:26

ꞌMa Kolodə Lijiyias, m-ɗa mbede m-ar-sisəy yejeje njeko̰ ɓe, Pilis, m-o-i ɓa.

Koula 24:27

Logə ɓal joo nday ɗaa Pɔrsiyus Pɛsətus ngaɓa a ta toro Pilis. Pilis gə njigi may ta kəm Jiibije le ḭya̰ Pɔl gə kəy kula gə baa.

Koula 26:30

Mbay, gə njeko̰ ɓe, gə Berenisə ngaɓa gə dəwje tɔ̰y gə d-isi gə je le d-uba nangə d-ḭ,

Koula 4:27

Tɔgərɔ ja mbay Erɔdə je gə Po̰s Pilad d-um njuma mə naa gə mə ɓe gə nee, gə gəl kujije ngaɓa gə dəw mə ɓeje gə Ijirayɛl d-ila kagə no Jeju gə, ngon njekula gə lə-i njerɔsangə gə um ubu dɔ-ɛ gə.