Lugu 24:26 - Mbede Lə Luba Kone Gə Sigi

²⁶ To may kar Kirisi, dəw gə d-uwa dɔ-ɛ gə ubu le, o ꞌməsərə gə nee, ngaɓa a kandə dan riɓar gə lə-a le ang wa?

Testament ke Siki 1960 (Kabba Laka)

²⁶ To tar lo Christ ta kinga né ongou nèn ta karè ntéh loou ndokoo té la ang wa?

Lugu 24:26 ပူးပေါင်းရင်းမြစ်များ

Lugu 24:44

Ngaɓa n-pa n-ar-je na: Oje tar gə m-pa m-ar-si lo gə m-ga̰ gə si baa ɓi le: May kar ne gə ꞌɗa tar-ɛ ɔji dɔ-m mə torondu gə lə Moyiji, gə Pajambərəje, gə pa no mangə gə nee le ɗa ne ɓa.

Lugu 24:46

Ngaɓa n-pa n-ar-je na: To gə ꞌɗa mə mbede na: Kirisi le, a ko ꞌməsərə ngaɓa ndɔ gə njekum gə munda lə-a ɗaa, n-a ndol horo nje gə d-uy gə.

Lugu 24:7

n-pa na: May kar ꞌma Ngon lə dəw le, d-ila-m mə ji njeneɗaje gə kṵra̰y gə d-ar ɓərə-m kagə dəsə gə, ngaɓa ndɔ gə njekum gə munda, ɗaa m-ndol.

Jean 2:22

Logə Jeju ce mə buwa yo gə ngaɓa mə ngan njenendoje lə-a ole dɔ tar gə nee le ɓa ꞌta ne kagə tar gə mbede pa nəm, gə dɔ tarje gə lə-a gə n-pa nəm tɔ.

Jean 20:9

Mba tar lə Luba gə pa na, may kar n-ndol horo nje gə d-uy gə le, ꞌgərə unja-je ngadə ang ɓi.

Koula 17:3

be ɓa Pɔl ɔr gəl-e ngaɓa tɔji to gə Kirisi a ko ꞌməsərə ngaɓa a ndol horo nje d-uy gə. N-təl n-pa na: Jeju gə m-aw m-pa tar lə-a m-ar-si nee le, ꞌne ja n-to Kirisi.

Ebərəje 12:2

kəm-si gə dɔ Jeju gə, gə ye ja to ngira takagə lə-si le, mba kar-ɛ gədə-si saar tɔl t-ɛ. N-gərə rɔləl gə to ngina-a ɗaa, n-o ko̰ kagə dəsə gə, n-o rɔ kul gə ne ang, be ɓa n-isi ne dɔ ji kɔl Luba gə.

1 Piyɛr 1:11

Njil Kirisi gə to mə-je gə le, pa ar-je kede nam to gə Kirisi a ko ꞌməsərə ngaɓa rɔnduba a kore go-e. Be ɓa Pajambərəje nee le ꞌsangə ɗəw gə mba gərə dɔ ndɔ gə neje nee le a ɗe ne ngaɓa a to to gə ban wa?

1 Piyɛr 1:3

Ndu tɔr to dɔ Luba gə Bɔ Mbayɓe lə-si Jeju Kirisije gə, gə go məmay lə-a gə boy ɓa uji si ne to gə sigi, ɗəw ce buwa yo gə lə Jeju Kirisi horo nje gə d-uy gə, mba kar j-unda ne mə-si dɔ kisi kəm baa gə,