Lugu 23:34 - Mbede Lə Luba Kone Gə Sigi

³⁴ Cibi Jeju pa na: Bɔy, ɔr tar dɔ-je gə, mba ne gə ꞌɗa le ꞌgərə ang baa. ꞌƊa ꞌya̰a̰ ꞌkay ne naa kubuje lə-a.

Testament ke Siki 1960 (Kabba Laka)

³⁴ Jésus pana, Bòi, ïya tar lodè, mbata dèdè ngeré né ke dèdè nda ang. Dèdè ndoo mbadi ta kai koubou la.

Lugu 23:34 ပူးပေါင်းရင်းမြစ်များ

Matiye 11:25

Dɔ kar-ɛ gə əng le, Jeju un tar pa na: M-pidi-i, Bɔy, Mbayɓe gə dɔ dara gə dɔ nangə nee, mba neje gə nee gə iya njekəm karəje gə njenegərəje ngaa ꞌkila gəl-e ar nganje d-o.

Matiye 11:26

Oyo, Bɔy, mba ꞌnjigi kar neje to to gə be gə go məmay lə-i.

Matiye 5:44

Ngaa ꞌma, ɗaa m-pa m-ar-si: ꞌNjigije njeba̰a̰je lə-si, ꞌtɔrəje ndu-si dɔ nje gə d-ugu ne d-ar-si, ꞌɗaje may gə nje gə ꞌnjigi-si ang gə kɔrɔ ja ꞌdəjije Luba mba nje gə d-ula kəm-si ndoo nəm tɔ.

Marəke 15:24

Logə ꞌɓər-e kagə dəsə gə ɗɔdə ɗaa ꞌɗa ꞌya̰a̰ ꞌkay ne naa kubuje lə-a mba gərə ne ꞌye gə na-na kara a ta.

Lugu 22:42

Bɔy, to gə ɓo ꞌnjigi nama, ɔsə nekay ꞌməsərə nee ta-m gə ngərəng gə ɗangə. Be ja kara, to mə njigi lə-m ꞌma ang, ngaa may kar-i ꞌi ja ꞌɗa mə njigi lə-i.

Jean 17:9

Mba tar lə-ꞌjejee ɓa ꞌma m-dəji-i mb-ɛ. M-dəji-i mba dəwje gə dɔ nangə gə nee ang, ngaa mba ꞌjejee gə um-je mə ji-m gə, mba ꞌto gə nje kar-ije,

Jean 19:11

Jeju ila kəne na: To gə ɓo Luba iya̰ ɗəw ar-i ang nama, a kaw gə singamongə dɔ-m gə kara ang baa. Be ɓa, dəw gə uwa-m ila-m ji-i gə le, tar neɗa gə kṵra̰y gə to ɓəəl ya̰ a kuwa dɔ-ɛ kunda-i.

Koula 16:28

Ngaa Pɔl uru ꞌkuwi gə singa na: ꞌTɔl rɔ-i ang mba ja ga̰ nee tɔ̰y ja.

Koula 3:17

Ɓisine ɗaa ngan ko̰-mje, m-gərə to gə ne gə ꞌɗaje le to negərə ang ɓa o̰ dɔ si ɗəw kara to gə mbayje lə-si tɔ.

Koula 7:60

Cibi, n-um məkəji ngaɓa n-uru ꞌkuwi gə ndu-a gə boy ɓolong na: Mbayɓe, ila tar neɗa gə kṵra̰y nee le dɔ-je gə ang. Logə n-pa to gə be ɗaa n-uy tɔ.

Romaindjé 12:14

ꞌTɔrəje ndu-si dɔ njekula kəm-si ndooje gə, ɔr-je ndu ar-jeje ɓo uguje ne ar-jeje ang.

1 Corinthiendjé 2:8

dəw kara horo mbayje gə lə njilje gə njeko̰ dɔ loje gə dɔ nangə nee kara ꞌgərə ang, mba to gə ɓo ꞌgərə nama d-a ɓərə Mbayɓe gə njerɔnduba kagə dəsə gə ang.

1 Corinthiendjé 4:12

J-ula rɔ-si ndubu j-a ɗa kula gə ji-si ja; ꞌtaji-si kara j-a tɔr ndu dɔ-je gə, d-ula kəm-si ndoo kara j-uwa gədərə;

1 Timoce 1:13

dɔ ndɔ gə kede le, ꞌma, m-to njetaji Luba, m-to nje ɗa singa gə njetakagəje ngaɓa m-to nje kula kəm-je ndoo nəm tɔ. Ɗaa Luba ɗa sə-m məmay nəm mba m-ɗa ne dɔ mbə gə baa, gə məkədərə baa ja tɔ.

1 Piyɛr 3:9

Dəw ɗa si kṵra̰y nama ꞌɗ-ɛje kṵra̰y ba̰a̰ mar-ɛ gə ang nəm, ngaɓa ꞌtaji-si kara ꞌtəl ꞌtajije dəw toro mar-ɛ gə ang, sisəy ɗaa ndu ɓa ꞌtɔrje dɔ dəw gə, mba ye ɓa ꞌɓar-si mb-ɛ, mba kar ingaje ndu tɔr gə neduba.