Lugu 23:2 - Mbede Lə Luba Kone Gə Sigi

² D-un kudu gangə tar kunda t-ɛ gə na: J-inga dəw gə nee le ar aw sula dəw mə ɓeje lə-si gə mba kar d-ila karəw gə njeko̰ ɓeje, mba kar-je d-uga lar gədə ɓe lə mbay Sejar ang, ngaɓa ɓar rɔ-ɛ gə Kirisi, dəw gə d-um ubu dɔ-ɛ gə, ngaɓa gə mbay nəm tɔ.

Testament ke Siki 1960 (Kabba Laka)

² Dèdè dao ntoula dè mpana, Djèdjè djinga doou nèn tòdjou tar maina horo gel dooudjé té lodjè. Nè ntò deo lodjè ta kouka lʼimpôt kare César, ke nè mpana nè ndja nto to Christ mare mbaibé kada.

Lugu 23:2 ပူးပေါင်းရင်းမြစ်များ

Matiye 17:27

Gəl-e gə nee ɓa mba kar j-a tuji mə lar gədə ɓeje le ang ɗaa, ɔdə aw ta man bo gə, aw ila kuwi, ɗaa kənji gə a kuwa dɔngɔr ja, cɛ̰ t-ɛ ɗaa a kinga sulay kəne kara. Ɗaa un ɗe uga ne dɔ ꞌma gə ꞌi.

Matiye 22:21

D-ila-a kəne na: To kar Sejar. Be ɓa Jeju pa ar-je na: Ne gə to kar Sejar nama ar-je Sejar, ne gə to kar Luba nama ar-je Luba.

Matiye 27:11

D-aw gə Jeju no njeko̰ ɓe gə. Ɗaa njeko̰ ɓe le dəji-e na: ꞌTo mbay lə Jiibije wa? Jeju ila-a kəne na: ꞌI ja ꞌpa.

Marəke 12:17

Be ɓa, Jeju pa ar-je na: Ne lə Sejar nama ar-je Sejar, a to gə ɓo ne lə Luba nama ar-je Luba, ɗaa lo tar igi-je sɛl.

Marəke 15:2

Pilad dəji-e tar na: ꞌTo mbay lə Jiibije wa? Jeju ila-a kəne na: ꞌI ja ꞌpa.

Lugu 23:14

ngaɓa pa ar-je na: ꞌƊeje gə dəw gə nee le ɓə lə-m nee mba ꞌpaje to gə n-sula dəwje kar-je d-al tar. Ngaa ꞌma ɗaa, logə m-dəji gəl tarje ta kəm-si gə nee ɗaa, m-inga ne kara be rɔ dəw gə nee gə asə mba kar m-gangə ne tar dɔ-ɛ gə ɔji go neɗaje gə kṵra̰y tɔ̰y gə sisəy ꞌturaje dɔ-ɛ gə nee ang.

Lugu 23:5

Ngaa d-ar dɔ gɔl-je gə njiriri ꞌpa na: N-sula dəw mə ɓeje mba kar-je d-al tar gə go ɗəw netɔji lə-a gə n-un kud-e dɔ nangə gə Galile gə saar n-ce nee dɔ nangə gə Jude, ɗaa ɓisine n-ɗe ne mə ɓe gə Jerujalɛm nee ngaa.

Jean 18:29

Pilad ce cila kəm-je ɗaa pa na: Tar gə ban ɓa ila-je dɔ dəw gə nee le wa?

Jean 18:30

D-ila-a kəne na: To gə ɓo dəw gə nee to nje ɗa ne gə kṵra̰y ang nama j-a kula-a mə ji-i gə ang baa.

Jean 19:12

Un kud-e kəne əng ɗaa, Pilad sangə ɗəw gə mba kḭya̰-a kila-a taar. Ngaa Jiibije ꞌpa tar gə ndu-je gə boy wəəl na: To gə ɓo ḭya̰-a ila-a tar nama ꞌto njekura lə Sejar ang. Dəw gə ɗa-ɗa gə ɗa rɔ-ɛ gə mbay nama to nje tɔsə ta Sejar.

Koula 24:13

Ngaɓa ɓisine d-asə tɔji gəl ne gə d-ila ne tar dɔ-m gə le ang.

Koula 24:5

J-inga dəw gə ar nee le gə dəw gə kṵra̰y gə nje kɔsə gəl ɓɛlɛ horo Jiibije gə tɔ̰y gə dɔ nangə nee, njekɔr no dəwje gə d-unda rɔ-je gangə gə ꞌɓar-je gə dəwje gə Najarɛd,

Romaindjé 13:7

Na-na ja nama ar-ɛje ne gə ɔji dɔ-ɛ: Dəw gə kəm kar uga-je lar dɔ ne no-ɛ gə nama uga-aje, dəw gə kəm kar uga-je sə-a lar gədə ɓe nama uga-je, dəw gə kəm kar-si ꞌɓəəl-eje nama ꞌɓəəl-eje, dəw gə kəm kar-si ꞌɗɔy-ɛje nama ꞌɗɔy-ɛje.