Lugu 22:43 - Mbede Lə Luba Kone Gə Sigi

⁴³ Be ɓa anji gə dara kara ce ula njingaw m-e gə.

Testament ke Siki 1960 (Kabba Laka)

⁴³ Ange ke dara kada téh rè té ta karè singa.

Lugu 22:43 ပူးပေါင်းရင်းမြစ်များ

Matiye 26:53

Ose ꞌi əji to gə m-asə dəji Bɔ-mje kar-ɛ ar-m anjije kuduɓe dɔg gə gir-e gə joo gə dɔ-ɛ ɓisine ang wa?

Matiye 4:11

Be ɓa ꞌSɛ̰ngərɛ̰ ɔdə ḭya̰ Jeju, ɗaa anjije ꞌɗe gə nekusa d-ar Jeju.

Matiye 4:6

ngaɓa pa ar-ɛ na: To gə ɓo ꞌi to ngon lə Luba nama, ḭ taar ꞌce oso nangə, mba ꞌɗa mə mbede gə na: Luba a kun ndu kar anjije lə-a mba-i; Ɗaa d-a kunda ji-je ta-i nee, Mba kar gɔl-i dar ər ang.

Lugu 22:32

Ngaa ꞌma ɗaa, m-dəji Luba mba-i mba kar takagə lə-i unda nangə ang. Ɗaa ꞌi, lo gə ꞌtəl um sə-m naa gə nama, ꞌi ngaɓa a kula jingaw mə ngan ko̰-ije gə.

Koula 14:22

d-ula jingaw mə ngan njenendoje gə ngaɓa ꞌdəji-je mba kar d-uwa takagə lə-je gədərə tɔ. Cibi ꞌtəl ꞌpa d-ar-je to gə ɗəw ko ꞌməsərə ya̰ ɓa dəw a kandə ne mə ɓeko̰ gə lə Luba.

Koula 18:23

Dɔ ndo-ɛ gə əng le kur-e əw njɛ̰ Antiyos ngaɓa n-day mə ɓeko̰je gə Galasi gə Piriji n-aw n-ula jingaw mə ngan njenendoje gə.

1 Timoce 3:16

Cibi, ne gə to kəm kar ja gərə-je ɓa nee, negərə gə to ɓəəl ya̰ gə to lokiya ɓa takagə tɔji-si le ɓa nee: N-təl tɔji rɔ-ɛ gə dəw, N-tɔji rɔ-ɛ gə dəw gə gadə-gadə mə Njil gə, N-tɔji rɔ-ɛ n-ar anjije, D-ila mbərə lə-a horo dəwje gə ꞌgərə Luba ang Ta kag-ɛ gə dɔ nangə gə nee D-ila riɓar dɔ-ɛ gə.

Ebərəje 1:14

Anjije nee tɔ̰y le, ꞌto njilje gə Luba aw ula-je ang baa wa? Luba aw ula-je mba kar ꞌla gə nje d-a kuwa kaji gə neduba.

Ebərəje 1:6

Cibi, logə n-a kaw kula ngon-e gə to dəər dɔ nangə nee ɗaa, n-pa na: May kar anjije lə Luba tɔy ja d-ɔsə takəji-je nangə no-ɛ gə

Ebərəje 2:17

Cibi ɓa ɗəw neje gə tɔ̰y ja n-a təl ta naa gə ngan ko̰-ɛ kəne ɓa gə mba təl to buba njekapolo gə nje ɗa məmay, gə dəw gə gadə-gadə, ɗəw kula gə lə Luba kɔr ne tar neɗa gə kṵra̰y dɔ dəw mə ɓeje gə.