Lugu 22:42 - Mbede Lə Luba Kone Gə Sigi

⁴² Bɔy, to gə ɓo ꞌnjigi nama, ɔsə nekay ꞌməsərə nee ta-m gə ngərəng gə ɗangə. Be ja kara, to mə njigi lə-m ꞌma ang, ngaa may kar-i ꞌi ja ꞌɗa mə njigi lə-i.

Testament ke Siki 1960 (Kabba Laka)

⁴² Nè mpana, Bòi, tokou i ndiki òrou ngonarè nèn dòm té, a eda né ke mam ndiki ang, eda né ke i ndiki.

Lugu 22:42 ပူးပေါင်းရင်းမြစ်များ

Matiye 11:25

Dɔ kar-ɛ gə əng le, Jeju un tar pa na: M-pidi-i, Bɔy, Mbayɓe gə dɔ dara gə dɔ nangə nee, mba neje gə nee gə iya njekəm karəje gə njenegərəje ngaa ꞌkila gəl-e ar nganje d-o.

Matiye 11:26

Oyo, Bɔy, mba ꞌnjigi kar neje to to gə be gə go məmay lə-i.

Matiye 20:22

Jeju təl ila kəne na: Ne gə ꞌdəjije le ꞌgərəje ang. Ne kay ꞌməsərə gə m-a kay le a kasə kayje ja tɔ wa? D-ila-a kəne na: J-a kasə ja.

Matiye 26:39

Cibi n-ɔdə gə kede njɛ̰ ɗaa, n-təl n-dəbə no-ɛ nangə n-dəji Luba to gə be: Bɔy, ɓo ɗəw to nama ɔsə nekay ꞌməsərə gə nee le ta-m gə ngərəng gə ɗangə! Ngaa ꞌɗa mə njigi lə-i ꞌi ja ɓo kar-m ꞌma ang.

Matiye 26:42

Jeju təl ɔdə aw nganga̰ gə gɔl joo lə-a ja cibi, ɗaa dəji Luba na: Bɔy, to gə ɓo ɗəw gə kar nekay ꞌməsərə nee le a nday ne ta-m gə godo, a ɓo kar-m m-ay gə kay gə no nama, may kar ꞌɗa mə njigi lə-i ja.

Matiye 26:44

N-təl n-aw to gə ɗangə n-aw n-dəji Luba gə gɔl munda lə-a to to gə ye gə kede le ja cibi.

Matiye 6:10

May kar ɗe o̰ ɓe dɔ si gə Kar dəwje gə dɔ nangə nee ꞌɗa mə njigi lə-i to gə ꞌɗa ne dara be.

Marəke 14:36

N-pa na: Bɔy, Bɔy, neje tɔ̰y to tar lə-i ja, ɔsə ngo kay ne nee ta-m gə ngərəng gə ɗangə. Be ja kara, to gə mə-i ja njigi, ɓo ꞌma ang.

Lugu 23:34

Cibi Jeju pa na: Bɔy, ɔr tar dɔ-je gə, mba ne gə ꞌɗa le ꞌgərə ang baa. ꞌƊa ꞌya̰a̰ ꞌkay ne naa kubuje lə-a.

Jean 18:11

Jeju pa ar Piyɛr na: ꞌTəl gə kiya bayi lə-i ula ɓo-e gə. Nekay gə Bɔ dəwje ar-m le, m-a kay ang baa wa?

Jean 4:34

Jeju pa ar-je na: Nekusa ta-m to gə ɗa mə njigi lə dəw gə njekula-m, ngaɓa ɗa kula lə-a tɔl t-ɛ bɛm nəm tɔ.

Jean 5:30

ꞌMa m-asə ɗa ne kara gə dɔ-m baa ang: ne gə m-o gə mbi-m ja ɓa m-gangə ne tar, ngaɓa tar gangə lə-m le to dana gadə mba mə njigi lə-m ꞌma ɓa m-sangə ang, ngaa mə njigi lə dəw gə nje kula-m.

Jean 6:38

mba m-ḭ dara m-ɗe mba ɗa mə njigi lə-m ꞌma ang ngaa, mba ɗa mə njigi lə dəw gə njekula-m.

Koula 21:14

Mba n-ar dɔ ndu-e gə njang le ɗaa lo kar j-a pa tar gə ɗangə godo ɗaa j-a pa na: May kar Mbayɓe ɗa mə njigi lə-a.