Lugu 22:32 - Mbede Lə Luba Kone Gə Sigi

³² Ngaa ꞌma ɗaa, m-dəji Luba mba-i mba kar takagə lə-i unda nangə ang. Ɗaa ꞌi, lo gə ꞌtəl um sə-m naa gə nama, ꞌi ngaɓa a kula jingaw mə ngan ko̰-ije gə.

Testament ke Siki 1960 (Kabba Laka)

³² A mam ndoudjou mbata loi, ta kare ko mè té loi nai ang. Tokou i tél marè bai, are ngaköidjé ta kisi ngeng.

Lugu 22:32 ပူးပေါင်းရင်းမြစ်များ

Matiye 18:3

M-pa tar gə tɔgərɔ ja m-ar-si, to gə ꞌmbəl-je mə-si ar-ɛje to gə kar gə nganje gə njɛ̰-njɛ̰ be ang nama, a kandə-je mə ɓeko̰ gə dara ang magə.

Matiye 26:75

Be ɓa mə Piyɛr ole dɔ tar gə Jeju pa kede ar-ɛ na: Nam ɓa kar kura̰ ila mbərə ɗaa a ma̰y tar gɔl munda na ꞌgərə-m ang. N-ɔsə lo n-ce ɗaga ngaɓa n-no ɓəgəgə-ɓəgəgə.

Marəke 14:72

Gə ngɔdə baa kura̰ ila mbərə gə gɔl joo lə-a, ɗaa mə Piyɛr ole dɔ tar gə Jeju pa kede ar-ɛ na: Nam ɓa kar kura̰ ila mbərə gɔl joo ɗaa, a ma̰y tar gɔl munda na ꞌgərə-m ang. Be ɓa Piyɛr oso dɔ no gə no.

Marəke 16:7

Ɓisine ɗaa, ɔdəje aw ꞌpaje ar-je Piyɛr gə ngan njenendoje gə kɛm to gə n-aw no sisəy gə kede Galile nam. Lo gə əng ɓa a ko-eje kəne to gə n-pa ne n-ar-si le.

Lugu 8:13

Kandə kər gə um dɔ ranga gə le to to gə dəwje gə d-o tar, ɗaa ꞌta tar le gə tɔg-ɛ ɓa gə rɔləl, ngaa tar le ula ngira-a mə-je gə gə maj-ɛ ang; logə ꞌta kagə ɓa ɓo nena inga-je nama ꞌmbadə takagə lə-je.

Jean 14:19

Waga ɓəəl ɓi ɗaa, dəwje gə dɔ nangə gə nee d-a ko-m ang gə dɔbo̰; ngaa sisəy ɗaa, a ko-mje, ꞌma le, m-isi kəm baa, ngaɓa sisəy kara a kisije kəm baa tɔ.

Koula 3:19

Be ɓa ꞌturuje kəji lə-si gə ꞌmbəlje mə-si ɓo ar-je Luba bɔrə ne neɗa gə kṵra̰y lə-si gə kɔrɔ.

Romaindjé 8:32

ꞌNe gə Ngon-e ja ɓi ɓa n-ɔr kəm-e ang, ngaa n-un-e mba dəwje tɔ̰y nee le ja n-a kasə kar-si ne tɔ̰y sə-a ɗəw mənuji gə ang wa?

Romaindjé 8:34

Na ɓa a kar tar uwa dɔ-je wa? Kirisi Jeju le ɓa to dəw gə uy, cibi ɓa ndol, aw isi dɔ ji kɔl Luba gə, aw dəji Luba mba sijee!

2 Timoce 2:18

Jeje ja d-uba tar gə tɔgərɔ d-ḭya̰; ngaɓa paje d-ar-je dəwje na Luba ndol nje gə d-uy nam ngaa, d-ar-je nje gə kɛm ꞌtusu ne takagə lə-je d-ḭya̰.

Tite 1:1

ꞌMa Pɔl, ngon njekula lə Luba ngaɓa njeka̰ykula lə Jeju Kirisi mba kar takagə lə nje gə Luba mbərə-je may ne pɛdə, ngaɓa ꞌgərə ne tar gə tɔgərɔ gə go kila kuji dɔ ne gə lə Luba.

Ebərəje 12:15

May kar-si oje gə maj-ɛ mba kar mənuji lə Luba lal dəw kara ang, mba kar dəw təl to riya gə adə, mba riya gə adə le oso mə mar-ɛ gə nama a tuji mar-eje tɔ̰y ɗaa dəw a kusa ang.

Ebərəje 7:25

Be ɓa dəwje gə ꞌce gə ɗəw gə rɔ-ɛ gə mba kaw ɓe lə Luba nama n-asə kar d-inga kaji gə gə ndɔ gə ndɔ, mba n-aw kəm baa gə ɓal-ɓal ɗaa n-aw n-dəji Luba taar-taar mba je.

1 Piyɛr 1:1

ꞌMa Piyɛr, njeka̰ykula lə Jeju Kirisi, m-ɗa mbede nee m-ar nje gə Luba mbərə-je, gə ja̰rɛ̰ naa gə mbaje dɔ nangə gə Po̰, gə Galasi, gə Kapadosə, gə Aji ngaɓa Bitini,

1 Piyɛr 1:13

Gəl-e gə nee ɓa, ilaje ɓərə-si kagə, undaje kəm karə dɔ rɔ-si gə ngaɓa undaje mə-si dɔ mənuji gə d-a kar-si dɔ ndɔ gə Jeju Kirisi a kila rɔ-ɛ gə ɗaga.

1 Piyɛr 1:5

Sisəy gə ꞌtaje kagə Luba le, Luba ngom-si gəl singamongə gə, mba kaji gə a kila rɔ-ɛ gə ɗaga ɓisine baa dɔ ɗudu ndɔ gə.

2 Piyɛr 3:14

Gəl-e gə nee ɓa, sisəy gə m-njigi-si ya̰, uwaje rɔ-si ngang ar-ɛje n-ɗe n-inga-si gə rɔ gə arə ngadə ngaɓa kar tar uwa dɔ-si ang mba kar ɗɛgɛgɛ to ne horo-si gə gə Luba.

1 Jean 2:19

Nje kəm tarje lə Kirisi le ꞌce horo-sijee gə ja ɓa d-aw, ngaa ꞌto kar-sijee ang ngaa; mba to gə ɓo ꞌto dəwje lə-si nama d-a kisi gə si; ngaa, to arə ngadə to gə ꞌjejee tɔ̰y ja ꞌto dəwje lə-si ang.