Lugu 22:19 - Mbede Lə Luba Kone Gə Sigi

¹⁹ Cibi, Jeju un mbə, ɗaa ar oyo Luba ngaɓa uwa cɛdə dana ula ar-je pa ne tar t-ɛ gə na: ꞌYe gə nee to gə darɔ-m gə m-un m-ar-sisəy. ꞌƊaje ne gə nee le oleje ne mə-si dɔ-m gə.

Testament ke Siki 1960 (Kabba Laka)

¹⁹ Nè noun mourou, tokou nè nda woio mbä, nè noukou nkai naredè, mpana, Yéh nèn to ròm ke dare mbata losè. Edaidjé né nèn ta kedji dòm té.

Lugu 22:19 ပူးပေါင်းရင်းမြစ်များ

Matiye 14:19

N-un ndu n-ar dəwje kar d-isi nangə dɔ mu gə, ɗaa n-odo mbə gə mi gə kənji gə joo le, ɗaa n-un kəm-e gə dara, n-tɔr ndu-e kəne, cibi n-cɛdə n-ar ngan njenendoje ꞌkay bula dəwje le.

Matiye 15:36

ngaɓa n-odo mbə gə siri gə kənji le n-tɔr ndu-e dɔ-ɛ gə ngaɓa n-cɛdə dana n-ar ngan njenendoje lə-a kay-je.

Lugu 22:17

N-un ngo nekay ɗaa n-ar oyo Luba ngaɓa n-pa na: ꞌTaje ɓo ꞌkayje naa horo-si gə.

Lugu 22:20

Ɗəw kara baa, go nekusa gə ɗaa, n-un nekay, n-ɗa to gə mar-ɛ gə kede le ja cibi ɗaa n-pa na: Nekay gə nee le to kone gə sigi ɗəw gə lə məsə-m gə kay nangə mba tar lə-si.

Lugu 24:30

Logə n-isi gə je ta ka nekusa gə ɗaa, n-un mbə ngaɓa ꞌɗa oyo Luba ɗaa, n-cɛdə dana n-kay-je.

Jean 6:23

Ngaa, toje gə ɗangə d-ḭ Tiberiyadə gə ꞌɗe ꞌce dəb gə lo gə Mbayɓe ɗa oyo Luba ɓa ar dəwje mbə d-usa kəne.

Jean 6:51

ꞌMa le, m-to mbə gə to kəm baa gə ḭ dara. To gə ɓo dəw usa mbə gə nee le nama a kaw kəm baa gə ndɔ gə ndɔ; ngaɓa mbə gə ꞌma m-a kar le, to gə darɔ-m gə m-ar mba təbə lə dəwje gə dɔ nangə gə nee.

1 Corinthiendjé 10:16

Ngo nekay kar ndu tɔr gə ja tɔr ndu si kəne le, to gə kum naa gə gə məsə Kirisi ang wa? Mbə gə j-a cɛdə le, to gə kum naa gə gə darɔ Kirisi ang wa?

1 Corinthiendjé 10:4

ngaɓa d-ay man gə kara baa ɗəw njil gə, mba d-ay man gə ɗəw njil gə ce mə kɔr ər gə gə nja ndole go-je, ngaɓa kɔr ər nee le to Kirisi.

Galatedjé 1:4

Mbayɓe Jeju Kirisi gə un rɔ-ɛ uga ne neɗa gə kṵra̰y lə-si, mba kɔr-si ne dɔ ndɔje gə ɓogəne gə may ang gə go mənjigi lə Bɔ-sijee Luba.

Galatedjé 4:25

Agar le tɔji dɔ ər gə Sinayi le to dɔ nangə gə Arabi ɗaa, ꞌne n-asə naa gə ɓe gə Jerujalɛm gə ɓisine, mba n-to ɓərə gə ngan-ɛje naa gə kara baa.

Ephésiendjé 5:2

ngaɓa ꞌnja-je dan njigi gə ɗəw kara baa to gə Kirisi kara njigi sijee ɗaa ye ja un rɔ-ɛ ila mə ji Luba gə uga ne dɔ sijee gə nenuji, gə nekunja məsə, asə naa gə ba̰y kəndə mambo̰ gə ba̰y-e əndə ləl tɔ.

1 Thessaloniciendjé 5:18

Dan neje gə tɔ̰y le, ꞌɗaje oyo; mba to gə mə njigi lə Luba gə ɔji dɔ-si ɗəw gə lə Kirisi Jeju.

Tite 2:14

Kirisi ja un rɔ-ɛ uga ne dɔ-si, ɓa ɔr ne si dan neɗa gə kṵra̰y gə. N-ɗa to gə be mba mbo̰ ne si gə dəwje lə-a gə n-mbərə-je n-togo-je ngaɓa mba kar ɓo ɗa kulaje gə may-may to ne mə-si gə.

1 Piyɛr 2:24

ꞌne gə n-unda dɔ-ɛ kede n-ta ne neɗaje gə kṵra̰y lə-si, n-uy ne dɔ kagə gə, mba kar-sijee gə ja to dəwje gə j-uy ɗəw neɗa gə kṵra̰y gə le, j-aw ne kəm baa ɔji dɔ neɗa gə dana gadə, ngaɓa do gə ninga le ɓa ajije ne kəbərə.