Lugu 21:12 - Mbede Lə Luba Kone Gə Sigi

¹² Ngaa nam ɓa kar neje nee nday nama, d-a tuwa-si mba kula kəm-si ndoo, d-a kun dɔ-si mə kəy nendoje gə, d-a tuwa-si kum-si kəy kula gə, d-a kaw gə si no mbayje gə, gə no njeko̰ ɓe gə mba tar lə-m.

Testament ke Siki 1960 (Kabba Laka)

¹² A dongor né nèn toï, dèdè da kwaasè, da ngäsè ke tar nya. Dèdè da kilasè dji dooudjé té ke mè kei Allah té, ke kei koula té, dèdè da kao kesè no mbaibédjé té ke mbaidjé mbata rim ndja.

Lugu 21:12 ပူးပေါင်းရင်းမြစ်များ

Matiye 22:6

Ngaɓa nje gə kɛm d-uwa ngan njekulaje le ꞌɗaje məyɛr ngaɓa ꞌtɔl-je.

Matiye 24:8

Neje tɔ̰y nee le a to to gə kuma kudu ndo gə aw to jene be baa ɓi.

Lugu 21:11

Dɔ nangə a yəgə yig-yig, gə loje ɓədə-ɓədə le, lo tɔgə a koso, ɓo a ko̰, ngaɓa neje gə to ɓəəl ya̰ a ɗa ne mə dara gə, ngaɓa gə netɔjije gə bo-bo d-a tɔji rɔ-je mə dara gə tɔ.

Jean 15:20

Ar-je mə-si ole dɔ tar gə ꞌma m-pa m-ar-si: Ngon njekula to ɓəəl ya̰ unda ꞌɓəə-eje ang; to gə ɓo d-ula kəm-m ndoo nama sisəy kara d-a kula kəm-si ndoo tɔ; to gə ɓo ꞌngom tar lə-m ꞌma nama d-a ngom tar lə-sisəy tɔ.

Jean 15:21

Be ɓa neje tɔ̰y nee le d-a ɗa gə si ɔji dɔ ri-m mba ꞌgərə dəw gə njekula-m le ang.

Koula 22:30

Lokar-ɛ ɗaa ꞌnjigi gərə gəl ne Jiibije d-ila ne tar dɔ Pɔl gə le ɗaa, d-ɔr-ɛ ngaɓa d-un ɗəw d-ar buba njekapoloje gə nje gə no ngɔ gangə tar gə lə Jiibije tɔ̰y mba kar ꞌmbo̰ naa, ngaɓa d-aw gə Pɔl no-je gə.

Koula 5:40

Be ɓa ꞌnjigi go tar gə lə-a. Ngaa ꞌɓarje njeka̰ykulaje le d-ar d-unda-je gə abəlay cibi d-un ndu d-ɔgə ne ɗəw mba kar ꞌpaje tar gə ri Jeju ang nəm, ngaɓa d-ḭya̰-je ɓi.

Koula 8:3

Ngaa Sɔl ɗaa sangə ɗəw mba tuji Mbo̰ naa lə njetakagəje, n-aw gə ta kəy kəy, n-tuwa jingawje gə jeneje n-aw n-um-je kəy kula gə.

Koula 9:4

N-ce n-oso nangə ɗaa n-o ndu dəw pa ar-ɛ na: Sɔl, Sɔl, mba ɗi ɓa ula kəm-m ndoo wa?

1 Piyɛr 2:13

May kar osoje kul no njeko̰ dɔ dəwje gə tɔ̰y mba Mbayɓe, no mbay gə gə njeko̰ dɔ-si gə,

Apocalypse 2:10

ꞌƁəəl mba ꞌməsərə gə a ko ang. O, ꞌSɛ̰ngərɛ̰ a kum nje gə kɛm horo-si gə kəy kula gə, mba na ne mə-si ko, ɗaa nenaje d-a na mə-si kəm ndɔ dɔg. Uwa ar-ɛ ngəng saar uy ne, ɗaa m-a kar-i jɔgə təbə.