Lugu 20:22 - Mbede Lə Luba Kone Gə Sigi

²² Ɗəw to kar j-uga lar gədə ɓe lə Sejar ose j-uga ang wa?

Testament ke Siki 1960 (Kabba Laka)

²² Tar ndedji pana ase ta kouka lʼimpôt kare César, aséh ta kouka ang wa?

Lugu 20:22 ပူးပေါင်းရင်းမြစ်များ

Matiye 17:25

Piyɛr ila kəne na: Oyo, n-uga ja. Logə n-andə kəy ɗaa Jeju ja un tar kede pa na: Simo Piyɛr, ꞌi əji kəne ban wa? Na ɓa a kuga lar gədə ɓe ose ne ndu kar mbayje gə dɔ nangə ne wa? Ngan njeɓeje ose njembaaje wa?

Lugu 20:21

ꞌDəji-e tar gə tɔgərɔ na: Njenetɔji, j-a gərə to gə ꞌto nje pa tar gə tɔgərɔ, ngaɓa ꞌtɔji dəwje ne gə ɗəw gə dana gadə-gadə. ꞌI ɔr kəm dəwje ang ngaɓa ꞌtɔji dəwje pa nja gə ta kəm Luba nəm tɔ.

Lugu 20:23

Ngaa Jeju gərə tar mula lə-je, ɗaa ila-je kəne na:

Lugu 23:2

D-un kudu gangə tar kunda t-ɛ gə na: J-inga dəw gə nee le ar aw sula dəw mə ɓeje lə-si gə mba kar d-ila karəw gə njeko̰ ɓeje, mba kar-je d-uga lar gədə ɓe lə mbay Sejar ang, ngaɓa ɓar rɔ-ɛ gə Kirisi, dəw gə d-um ubu dɔ-ɛ gə, ngaɓa gə mbay nəm tɔ.

Koula 5:37

Go-e gə ɗaa, Judas gə ngon njeɓe gə Galile, dɔ ndɔ tura dəwje gə, uba nangə ḭ um dəwje go-e gə, ngaa uba tuji ja tɔ ngaɓa dəwje tɔ̰y gə d-um go-e gə kara ꞌja̰rɛ̰ naa tɔ.

Romaindjé 13:7

Na-na ja nama ar-ɛje ne gə ɔji dɔ-ɛ: Dəw gə kəm kar uga-je lar dɔ ne no-ɛ gə nama uga-aje, dəw gə kəm kar uga-je sə-a lar gədə ɓe nama uga-je, dəw gə kəm kar-si ꞌɓəəl-eje nama ꞌɓəəl-eje, dəw gə kəm kar-si ꞌɗɔy-ɛje nama ꞌɗɔy-ɛje.