Lugu 2:9 - Mbede Lə Luba Kone Gə Sigi

⁹ Anji lə Mbayɓe kara ce dɔ-je gə. Ndogo lə Mbayɓe uru dɔ-je gə, ar ɓəəl unda-je bad gangə-je.

Testament ke Siki 1960 (Kabba Laka)

⁹ Ange lo Mbaibé Seigneur kada téh ròdè té, ke ndokoo lo Mbaibé Seigneur kiridè. Bel dadè nya.

Lugu 2:9 ပူးပေါင်းရင်းမြစ်များ

Matiye 1:20

Logə n-aw n-əji m-e gə to gə be ɓi ɗaa, Anji lə Mbayɓe ɗe uru dɔ-ɛ gə gə ni, pa ar-ɛ na: Jəjəb, ngon ka Dabidi, ꞌɓəəl ang ɓo, uwa Məri le gə rɔ-i gə to gə jene lə-i, mba ngon gə to m-e gə əng le ɗe ɗəw gə lə Njil Njerɔsangə,

Lugu 1:28

Anji le andə dɔ-ɛ ɗaa pa ar-ɛ na: M-o-i ɓa ɓo, ꞌi gə mənuji lə Luba to dɔ-i gə, Mbayɓe nay sə-i.

Lugu 2:8

Njenekuulje kara ꞌga̰ mə ɓe gə nee le tɔ. D-isi gangə lo gə, d-ɔgə kəm-je ɓi mə cil mba ngom nekuulje lə-je.

Lugu 24:4

To gə be ɓa, lo tar igi-je sɛl ɔji dɔ nee le, ngaa a oje, gə lo-e gə əng ja dəwje joo d-ula kubu gə ndo̰y mələg-mələg ꞌce dɔ-je gə təsərə.

Jean 12:41

Tar gə nee le Ejay pa to gə be mba ꞌne n-o rɔnduba lə-a ngaɓa n-pa tar gə ɔji dɔ-ɛ tɔ.

Koula 12:7

Ngaa anji lə Mbayɓe kara ce bus ɗaa lo ndogo mə kəy kula gə dol-dol. Ɗaa anji le unda mbo kar Piyɛr ɓa-ɓa ndol-e ngaɓa pa ar-ɛ na: Ḭ ja̰y. Be ɓa kula larje gə ji-a le gə̰y nangə.

Koula 27:23

Anji lə Luba gə m-to njeka-ɛ gə m-aw m-pol-e ɗe ce dɔ-m gə cil nee,

Koula 5:19

Ngaa lo ndul ɗaa anji lə Mbayɓe ɗe tɔr ta kəyje gə kəy kula gə ar-je ꞌce ngaɓa pa ar-je na:

2 Corinthiendjé 3:18

Sijee tɔ̰y gə ta kubu nee godo kəm-si gə le, j-a tɔji riɓar lə Mbayɓe gə ɗaga ta kəm-si gə to gə tatara gə dəw o ne rɔ-ɛ be. Mbayɓe gə to Njil mbəl si ar j-a ta sə-a naa dan riɓar gə ɔsə dɔ naa gə kede-kede.

2 Corinthiendjé 4:6

Mba Luba gə nje pa na: May kar lokarə ndogo dan cil ciməri gə, ꞌne le ja ɓa ndogo mə-sijee gə mba kar j-inga ne negərə gə unja ngadə ɔji dɔ riɓar lə-a gə ndogo ta kəm Jeju Kirisi gə.

1 Timoce 3:16

Cibi, ne gə to kəm kar ja gərə-je ɓa nee, negərə gə to ɓəəl ya̰ gə to lokiya ɓa takagə tɔji-si le ɓa nee: N-təl tɔji rɔ-ɛ gə dəw, N-tɔji rɔ-ɛ gə dəw gə gadə-gadə mə Njil gə, N-tɔji rɔ-ɛ n-ar anjije, D-ila mbərə lə-a horo dəwje gə ꞌgərə Luba ang Ta kag-ɛ gə dɔ nangə gə nee D-ila riɓar dɔ-ɛ gə.

Ebərəje 12:21

Ngaɓa ne le to ɓəəl ya̰ ɗaa Moyiji pa na: Njil-m ce ngaɓa m-isa ɗɛgə-ɗɛgə.

Apocalypse 18:1

Go-e gə ɗaa m-o anji gə ɗangə kara, ḭ dara uru nangə. N-aw gə singamongə ko̰ dɔ ne gə to ɓəəl ya̰ ngaɓa ndogo lə-a ndogo dɔ nangə gə dol-dol tɔ.

Apocalypse 20:11

Be ɓa m-o ngəndəng mbay gə boy gə nda, ngaɓa dəw gə isi dɔ-ɛ gə tɔ. Dara je gə nangə d-a̰y no-ɛ gə d-aw əw, toro-je kara dəw o ang.