Lugu 2:14 - Mbede Lə Luba Kone Gə Sigi

¹⁴ Riɓar to dɔ Luba gə mə sam dara gə taar, Ɗɛgɛgɛ to dɔ nangə nee, horo dəwje gə ꞌta kəm-e!

Testament ke Siki 1960 (Kabba Laka)

¹⁴ Òsou gadji Allah ke loou té ke tarr wota toï, ke mè woul horo dooudjé té ke nange nèn, dèdè ke nda né ke nèlè.

Lugu 2:14 ပူးပေါင်းရင်းမြစ်များ

Matiye 21:9

Bula dəwje d-ɔr no-ɛ gə nje gə nja go-e gə ꞌnjil ta-je gə, ꞌta ji naa gə miya̰ pa̰y-pa̰y na: Ojana, to dɔ Ngon ka Dabidi gə! Ndu tɔr to dɔ dəw gə ɗe gə ri Mbayɓe! Ojana gə sam dara gə.

Lugu 1:79

Lo kar gə a kar dɔ dəwje gə d-isi lo ndul gə gə nje gə d-isi kɔy njil yo gə. Ngaɓa gə mba kɔr no-si ɗəw ɗɛgɛgɛ gə.

Lugu 19:38

ꞌPa na: Ndu tɔr to dɔ mbay, dəw gə ɗe gə ri Mbayɓe! Ɗɛgɛgɛ to mə dara gə, Ngaɓa, rɔnduba to sam dara gə.

Lugu 2:13

Njeɗɔje gə dara bula ꞌɗe gə tɔg-ɛ baa d-ɔr-e naa kara baa gə anjije gə dara d-ɔsə gaji Luba, ꞌpa na:

Lugu 2:15

Logə anjije d-iya̰ njenekuulje təl d-aw dara ɗaa, njenekuulje ꞌpa tar horo naa gə na: Ar-si j-awje saar mə ɓe gə Bɛdəlɛhɛm, ɓo j-oje ne gə ce kəne əng, ne gə Mbayɓe ula anji ar pa ar-si.

Lugu 3:22

Njil Njerɔsangə un darɔ gə ta naa gə dər kuul be ɗe isi dɔ-ɛ gə. Cibi, ndu ḭ dara ɓar na: ꞋI to Ngon njigi lə-m, ngira rɔləl lə-m.

Jean 14:27

M-ḭya̰ ɗɛgɛgɛ m-ar-si, m-ar-si ɗɛgɛgɛ lə-m. ꞌMa m-ar-si to gə dəwje gə dɔ nangə gə nee d-ar-si ang. Ar-je mə-si ila kasə dɛləm ang ngaɓa ꞌɓəəl-je ang tɔ.

Jean 17:4

ꞌMa, m-ila riɓar dɔ-i gə dɔ nangə gə nee, kula gə um mə ji-m gə kar-m m-ɗa le, m-ɗa m-ɗunga tɔ.

Jean 3:16

Mba Luba njigi dəwje gə dɔ nangə gə nee ya̰ ɓa un ngon-e gə kara ɗəgədə ula-a mba kar dəw gə ɗa-ɗa ɓa ta kag-ɛ nama, a kuy ang magə, ngaa a kinga təbə gə gə ndɔ gə ndɔ.

Koula 10:36

Luba ula Jeju Kirisi gə to Mbayɓe lə dəwje tɔ̰y ar-ɛ ila mbərə Tar gə May gə kar kinga ne ɗɛgɛgɛ ɗəw gə lə-a ar ngan Ijirayɛlje.

Romaindjé 5:1

Mba ꞌtura si gə dəwje gə gadə-gadə ɗəw takagə gə le ɗaa, ɗɛgɛgɛ to horo-sijee gə gə Luba ɗəw gə lə Mbayɓe lə-si Jeju Kirisi;

Ephésiendjé 1:6

mba kila ne riɓar ɔji dɔ njigi gə lə-a gə n-unda ne sijee dan may gə ɗəw gə lə ngon-e gə n-ɓol-e.

Ephésiendjé 1:9

ꞌNe ɓa n-ɗa n-ar-sijee j-a gərə ne gə to lo kiya-a gə ɔji dɔ mə njigi lə-a nəm, ne gə m-e ɔji gə n-uwa dɔ gɔl-ɛ ɗəw gə lə Kirisi,

Ephésiendjé 2:4

Ngaa Luba le to gə baw nje ko kəmtondoo, mba njigi gə n-njigi-si le gad-e dum tura.

Ephésiendjé 2:7

mba kar dɔ ndɔ gə bara nama, tɔji ne gadə mənuji lə-a gə unda kubu ɗəw məmay gə lə-a ɔji dɔ sijee gəl Kirisi Jeju gə.

Philippiendjé 2:11

ngaɓa ndo̰ tar gə ɗa-ɗa kara a pa gə taar ɓolong to gə Jeju Kirisi to Mbayɓe, mba kila ne riɓar dɔ Luba gə Bɔ gə.

Philippiendjé 2:13

mba Luba ja ɓa ɗa kula mə-si mba kar ꞌɗaje ne ne gə m-e njigi gə maj-ɛ.

Colossiendjé 1:20

ngaɓa mba n-gɔl neje tɔ̰y n-ar um sə-a ꞌne ja naa gə, neje gə dɔ nangə nee gə neje gə mə dara gə, kar ɗɛgɛgɛ ɗe ne ɗəw gə lə-a gə ɗəw məs-e gə kagə dəsə gə.

2 Thessaloniciendjé 2:16

May kar ꞌne gə Mbayɓe lə-si Jeju Kirisi je gə Bɔ-sijee Luba gə njigi-si ɓa ula jingaw mə-si gə gə ndɔ gə ndɔ ngaɓa ar-si ne kunda mə gə gə may pɛdə ɗəw mənuji gə le,

Apocalypse 5:13

Ɗaa nekundaje tɔ̰y ja gə mə dara gə, gə dɔ nangə, gə gəl nangə gə, ngaɓa babo gə neje tɔ̰y gə to kəne le, m-o ndu-je ꞌpa na: Dəw gə isi dɔ ngəndəng mbay gə je gə Ngon badəm le ndu tɔr, ɗɔy, riɓar gə ko̰ ɓe to kar-je, gə ndɔ gə ndɔ.