Lugu 18:9 - Mbede Lə Luba Kone Gə Sigi

⁹ N-pa gusutar gə ɗangə cibi n-ar nje gə kɛm gə d-o rɔ-je gə dəwje gə dana gadə-gadə ɗaa ꞌdaɓə ne nje gə kɛm dasəra le na:

Testament ke Siki 1960 (Kabba Laka)

⁹ Nè mpa tar gousou nèn tò nare mare dooudjé ke edji dèdè nto ndjè ke gaté gaté, ke dèdè mbeté maredjé.

Lugu 18:9 ပူးပေါင်းရင်းမြစ်များ

Lugu 10:29

Ngaa dəw le sangə kar kudu tar lə-a ar, ɗaa pa ar Jeju na: Se naa ɓa to njemar-m wa?

Lugu 15:2

Parijiyɛ̰je gə njekɔr gəl toronduje ꞌyṵrṵ tar horo naa ngaɓa ꞌpa na: Dəw gə nee le uwa njeneɗaje gə kṵra̰y gə rɔ-ɛ gə, ngaɓa usa gə je ne nəm səmə!

Lugu 16:15

Jeju pa ar-je na: Sisəy ꞌtɔjije neɗa gə gadə-gadə lə-si gə ɗaga kəm dəwje gə baa, ngaa Luba gərə tar gə mə-si gə tɔ̰y: mba ne gə dəwje d-o gə ne gə to ɓəəl ya̰ ta kəm-je gə le to ne gə mina ta kəm Luba gə.

Lugu 18:11

Parijiyɛ̰ le ar gə ngal-ɛ taar ɗaa dəji ɔji dɔ-ɛ ye ja pa na: Əy Luba, m-ar-i oyo mba ꞌma le, m-unda rɔ-m to gə dəwje gə kɛm gə ꞌto gə nje ɓogoje, njeneɗa dɔ buguruje, nje ɓogo lo toje ose m-asə naa gə njembo̰ lar gədə ɓe gə ar nee ang nəm tɔ.

Lugu 19:7

Dəwje tɔ̰y gə d-o ne gə nee le d-o̰ Jeju yom-yom ɗaa, ꞌpa na: N-aw n-to kəy lə njeneɗa gə kṵra̰y səmə!

Lugu 7:39

Logə Parijiyɛ̰ gə ɓar Jeju le o be ɗaa, əji tar m-e gə na: To gə ɓo dəw nee le to pajambərə nama a gərə to gə jene gə ɔr rɔ-ɛ le to kaya jene.

Jean 8:48

Jiibije d-ila-a kəne na: Ɓar gə j-a ɓar-i dəw gə Samari, ngaɓa ja pa na njil gə kṵra̰y ɗa ɓe mə-i gə le, kudu tar lə-si arə ang ja baa kən wa?

Jean 9:28

Be ɓa Parijiyɛ̰je ꞌtaj-ɛ ɗaa ꞌpa na: ꞌI ja ɓa ꞌto gə ngon njenendo lə-a; ngaa sijee le, ja to gə ngan njenendoje lə Moyiji.

Jean 9:34

D-ila-a kəne na: ꞌI gə d-uji-i gə nje neɗa gə kṵra̰y ja dɔngɔ doy d-ila-i nangə nee ja, ꞌI ngaa ꞌndo sijee ne wa; Ɗaa d-ɔs-ɛ d-ila-a ɗaga.

Koula 22:21

Be ɓa n-pa n-ar-m na: Aw, mba m-a kula-i əw dɔ-i gə ɓe lə dəwje gə ꞌgərə Luba ang.

Romaindjé 10:3

Mba ꞌgərə go ɗəw gə Luba o ne dəw, gə dəw gə gadə-gadə ang, ɗaa ꞌjejee ja ꞌsangə ɗəw lə-je mba to ne gadə-gadə, ngaɓa ꞌnjigi-je go ɗəw gə Luba o ne dəw gə dəw gə gadə-gadə le ang;

Romaindjé 14:10

Ngaa ꞌi, ꞌi to na ɓa ꞌgangə tar dɔ ngon ko̰-i gə wa? Ose ꞌi, mba ɗi ja ɓa ꞌdabə ne ngon ko̰-i dasəra wa? J-a kar no ngɔ gangə tar gə lə Luba ja tɔ̰y.

Romaindjé 14:3

May kar dəw gə njekusa-a le dabə njekusa-a ang dasəra ang, ngaɓa dəw gə usa ang kara may kar ila tar dɔ njekusa-a gə ang tɔ, mba Luba uwa-a gə rɔ-ɛ gə tɔ.

Romaindjé 7:9

Kede ləw, gə torondu godo le, m-aw kəm baa ja, ngaa logə ndu ɗe ngaɓa neɗa gə kṵra̰y təl təbə,